داكار-2017: استانا كومانداسى 500 كم جەردى ەڭسەردى

«استانا» پرەزيدەنتتىك كلۋبىنىڭ Astana Motorsports كومانداسى «داكاردىڭ» ءتورتىنشى كەزەڭىندە ارگەنتينا مەن بوليۆيا ارالىعىنداعى 500 شاقىرىمنان استام جەردى ەڭسەردى, دەپ حابارلايدى قازاقپارات. اتاپ ايتقاندا, وسى كەزەڭدە دەنيس بەرەزوۆسكيدىڭ  باسشىلىعىمەن جەڭىل كولىكتەگى ەكيپاج قۇرامى (ت2) ءوز ساناتتارىندا ءۇشىنشى ورىندى ساقتاپ كەلەدى. Astana Motorsports ءباسپاسوز قىزمەتىنىڭ مالىمەتىنشە, جۇك كولىگىمەن جارىسقاندار اراسىندا ارتۋر ارداۆيچۋس MAN اۆتوموبيلىمەن تەحنيكالىق قيىندىقتارعا تاپ بولىپ, ونىڭ ەكيپاجى جالپى تۋرنيرلىك ەسەپتە 37-ءشى ورىندى يەلەندى. جۇك كولىگىمەن قاتىسىپ جۇرگەن قازاقستاندىق كوماندانىڭ الداعى كۇندەرگە جوسپارلاعان باستى ماقساتى الدىڭعى ورىندارعا شىعۋعا نەگىزدەلگەن. دەنيس بەرەزوۆسكيدىڭ سوزىنە قاراعاندا, قۇمدى جەرلەردەن ءوتۋ وڭاي بولماعانىمەن, ونىڭ ەكيپاجى الدا كەلە جاتقان Toyota Autobody كومانداسىنان كريستيان لاۆيەلدى باسىپ وزۋعا قاۋقارلى بولدى. الدا جارىستىڭ سەگىز كۇنىندە قازاقستاندىقتار ءبىرىنشى ورىننان كورىنۋگە بارىنشا ارەكەت جاسايتىن بولادى. بۇگىن تۋپيسادان ورۋروعا دەيىنگى بوليۆيالىق اراقاشىقتىق 692 شاقىرىمدى قامتىماق, ال جۇك كولىكتەرى 683 شاقىرىمدى ەڭسەرۋى ءتيىس.