استانا مەن الماتىدا باسپانا ساۋداسى قىزا باستادى

2017 جىلى جىلجىمايتىن م ۇلىك نارىعىندا جاعداي تۇراقتى بولادى, دەپ جازادى حابار24. "قازىر بەلسەندىلىكتىڭ ارتقانىن بايقاپ وتىرمىز. وتكەن جىلمەن سالىستىرساق, ورتاشا ءوسىم 7 پايىزدان 23 پايىزعا دەيىن كوتەرىلگەن. سوندىقتان ەلدە ساتۋ كولەمى ءبىر جىلدا 14 پايىزعا ارتتى دەپ ايتا الامىز," - دەيدى قازاقستان ريەلتورلار قاۋىمداستىعى توراعاسىنىڭ ورىنباسارى نينا لۋكيانەنكو. پاتەر ساتۋ كورسەتكىشىندە الماتى مەن استانا كوش باستاپ تۇر. ۇشتىكتى ەلدىڭ باتىسى تۇيىندەيدى. ستاتيستيكا كوميتەتىنىڭ ساندارىن سويلەتسەك, «كومفورت ساناتىنداعى» جاڭا ۇيلەردىڭ قازاقستانداعى ورتاشا قۇنى شارشى مەترىنە 248 200 تەڭگەدەن كەلەدى. ال قولدانىستاعى پاتەردىڭ شارشى مەترى اناعۇرلىم ارزان. 188 800 تەڭگە. استانادا جاڭا پاتەر الۋدى ەكىنىڭ ءبىرىنىڭ قالتاسى كوتەرمەيدى. بىراق ول باسپانا قوجايىنى بولعىسى كەلەتىن داۋلەتتى جانداردىڭ قاراسى از ەمەس. اتىراۋداعى باعا الماتىداعى نارىقتان اسپاسا كەم تۇسپەيدى. قولدانىستاعى پاتەرلەردىڭ احۋالىن سارالاپ كورسەك, الماتىداعى باسپانا باعاسى ءبىرىنشى ورىندا تۇر. ەكىنشى ورىندا اقتاۋ. ساراپشىلاردىڭ بولجاۋىنشا, جاڭا جىلدان باستاپ شارىقتاعان قۇن قايتا ءتۇسۋى مۇمكىن. "جاڭا ۇيلەر باعاسى ءسال قىمباتتاۋى مۇمكىن. ال قولدانىستاعى پاتەرلەر كەرىسىنشە تومەندەيدى. سەبەبى, جىل وتكەن سايىن ەسكى باسپانانىڭ باعاسى كوتەرىلۋىنە نەگىز جوق. مۇنداي جاعداي تەك بىزدە, اسىرەسە استانا مەن الماتىدا بولىپ كەلدى," - دەيدى «اتامەكەن» ۇكپ توراعاسىنىڭ ورىنباسارى قايرات قۇدايبەرگەن. ساراپشىلار, تاۋىق جىلىندا باسپانالى بولاتىندار كوبەيەدى دەگەن پىكىردە. سونىمەن قاتار, «نۇرلى جەر» مەملەكەتتىك باعدارلاماسى وڭىرلەردەگى نارىقتى جانداندىرادى دەگەن سەنىمدەرىن ءبىلدىردى.