وڭتۇستىك قازاقستان اكىمى تۇسكەن ارىزدار بويىنشا تاپسىرما بەردى

وڭتۇستىك قازاقستان وبلىسىندا وبلىس اكىمى جانسەيىت تۇيمەباەۆتىڭ توراعالىعىمەن اپپاراتتىق ءماجىلىس ءوتتى دەپ حابارلايدى egemen.kz ءتىلشىسى. كۇن تارتىبىندە 2016 جىلعى قۇجات اينالىمى مەن ونداعى تاپسىرمالاردىڭ ورىندالۋ جايى تالقىلاندى. بۇل جونىندە وبلىس اكىمى اپپاراتىنىڭ باسشىسى ەركەعالي الىمقۇلوۆ بايانداما جاسادى. ارىز-شاعىمدار بويىنشا ارنايى توقتالعان اپپارات باسشىسى 2016 جىلى وبلىس اكىمدىگىنە 3896 ءوتىنىش كەلگەنىن ايتتى. ونىڭ ىشىندە, جەكە تۇلعالاردان 2973, زاڭدى تۇلعالاردان 923 ءوتىنىش تىركەلگەن. بۇل 2015 جىلمەن سالىستىرعاندا 164 وتىنىشكە كەمىگەندىگىن كورسەتەدى. الايدا بىرقاتار اۋدان, قالالاردا تۇرعىنداردىڭ ارىزدانۋ جاعدايلارى وسكەن. - جالپى ءاربىر باسقارما باسشىسى, ءوزىنىڭ جەتەكشىلىك ەتەتىن سالا بويىنشا جاۋاپتى تۇلعا بولىپ تابىلادى. الايدا, كەيبىر حاتتامالىق تاپسىرمالاردىڭ ورىندالماۋى ولاردىڭ جاۋاپكەرشىلىكتەرىنىڭ تومەندىگىن, سونىمەن قاتار, ءوز مىندەتتەرىن ورىنداۋعا نەمقۇرايدىلىق تانىتاتىندىعىن كورسەتەدى. وسىعان وراي, باسقارما باسشىلارىنا حاتتامالىق تاپسىرمالاردى ورىنداۋعا ەكى اپتا مەرزىم بەرەمىن, - دەدى وبلىس اكىمى. باقتيار تايجان, «ەگەمەن قازاقستان»