جاڭا…

...مەكتەپ-ينتەرنات اشىلدى بايدىبەك اۋدانىنىڭ ورتا­لى­عى – شاياندا 700 ورىندىق مەكتەپ-ينتەرنات پايدالانۋعا بە­رىلدى. اشىلۋ سالتاناتىنا وب­لىس اكىمى اسقار مىر­زاح­مە­توۆ قاتىسىپ, بۇل مەكتەپتىڭ ەلباسى­نىڭ تاپسىرماسى بوي­ىن­شا ءجۇر­گىزىلىپ جاتقان “100 مەكتەپ, 100 اۋرۋحانا” باعدار­لا­ماسى اياسىن­دا جۇزەگە اسقا­نىن اتاپ ءوتتى. مەكتەپ جانىنان بوي كوتەر­گەن 360 ادامدىق ينتەر­ناتقا شال­عاي اۋىلداردان كەلىپ وقي­تىن وقۋشىلار جاتادى. ءوز اۋى­لىندا ورتا مەكتەپ جوق بول­عان­دىقتان, تۋعان-تۋىستىڭ ءۇيىن سا­عا­لاپ, قاباعىنا قاراپ وسكەن با­لا­نىڭ ساباعى وڭا ما؟! ينتەرناتتا جاتىپ وقيتىن وقۋ­شى­لار­عا ءتورت مەزگىل تاماق بەرىلمەك. باقتيار تايجان, وڭتۇستىك قازاقستان وبلىسى.   ...ەمحانا ءۇش اۋىلعا ورتاق وبلىس ورتالىعىنا قاراستى كەنجەكول, بايدالا, دولگوە اۋىل­دارىندا التى مىڭعا جۋ­ىق ادام تۇرادى. جۋىردا قالا­عا جاقىن ورنالاسقان وسى ءۇش اۋىلدىڭ ورتالىعى – كەن­جە­كولدە كوپتەن كۇتكەن دارىگەرلىك ەمحانا اشىل­دى.  ەمدەلىپ-قا­رالۋعا كەلگەن اۋىل تۇرعىن­دا­رى ەندى بۇرىن­عى­داي  جاي­سىز­دىق سەزىنبەيدى. كەڭ دە جارىق, دارىگەرلىك زاماناۋي قۇ­رال-جابدىقتارمەن جابدىقتال­عان ەمحانا ءۇيى قارسى الادى. ەمحانا مەڭگەرۋشىسى ايگۇل تابىلبەكوۆانىڭ ايتۋىنشا, اۋىل تۇرعىندارىن تەراپەۆت, پە­دي­اتر, اكۋشەر-گينەكولوگ جانە ءتىس دارىگەرلەرى ەمدەيدى. جاس مامان دارىگەرلەر دە قىزمەتكە كىرىستى. جاڭا ەمحانادا بالالار­دى, ەرەسەك ادامداردى قابىل­داي­تىن ءبول­مەلەر, اكۋشەر-گينەكولوگ, لابوراتوريا, ەكگ كابينەتى, فيزيو­تە­راپيالىق كابينەت, ءتىس ءدارى­گەرىنىڭ بولمەسى, ءدا­رىحانا بار. اۋىلدىقتار ءۇشىن  تاعى ءبىر ارتىقشىلىعى – كۇندىز كەلىپ جا­تىپ, ەمدەلەتىن التى كەرەۋەتتى بولمەلەر  دە اشىلدى. ەمحانادا كۇندىزگى قابىلداۋ جۇيە­سى بويىنشا جىلىنا 300 ادامدى ەمدەۋ جوسپارلانعان. فاريدا بىقاي, پاۆلودار.   ...مادەني ورىنمەن تولىقتى وبلىس ورتالىعى تاعى ءبىر ءما­دەني ورىنمەن تولىقتى.  جا­قىندا وبلىستىق كاسىپ­وداقتار كەڭەسىنىڭ   عيماراتىندا  وب­لىس­­تىق كاسىپوداقتار مۇراجايى اشىلدى. مۇراجايدىڭ اشىلۋ راسىمىنە كاسىپوداق ارداگەرلەرى, سالالىق كاسىپوداق  ۇيىم­دارى­نىڭ جەتەكشىلەرى قاتىستى.  مۇ­راجايدىڭ لەنتاسىن وبلىس­تىق كاسىپوداقتار كەڭەسىنىڭ توراعا­سى تۇرىكپەنباي ايجارىقوۆ جانە  بۇرىن توراعا بولعان ۇكى­تاي بايجومارتوۆ  قيدى. شاراعا قاتىسۋشىلار وب­لىس­تاعى كاسىپوداقتار  قوزعا­لى­سىنىڭ تاريحىن بەينەلەيتىن شاعىن مۇراجايدى ارالاپ, ون­داعى ەكسپوزيتسيالارمەن تانىس­تى. سالالىق كاسىپوداقتار بوي­ىن­شا بولەك-بولەك جاساقتالعان  ەكسپوزيتسيالاردا ءوڭىرىمىزدىڭ ءار سالاداعى جەتىستىكتەرى, بەلگىلى تۇلعالارى تۋرالى مول ماع­لۇ­مات بار. تاۋەلسىزدىكتىڭ 20 جىل­دىعىنا ارنالعان ەكسپوزيتسيا دا جاقسى جاساقتالىپتى. ساتىبالدى ءساۋىرباي, اقتوبە.