Bleacher Report: دجەيكوبستىڭ ءبىر نوكاۋتى گولوۆكيننىڭ 36 جەڭىسىنەن ارتىق (ۆيدەو)

WBA (Super), IBO, WBC جانە IBF تۇجىرىمدارى بويىنشا ورتا سالماقتا الەم چەمپيونى گەننادي گولوۆكين مەن WBA تيتۋلىنىڭ يەگەرى دەنيەل دجەيكوبس كەزدەسۋى Bleacher Report پورتالىنىڭ نۇسقاسى بويىنشا 2017 جىلى وتەتىن ۇزدىك ون وقيعانىڭ بىرىنە ەندى. بۇل تۋرالى vesti.kz حابارلادى. «بۇعان دەيىن جەڭىلىپ كورمەگەن گەننادي گولوۆكيننىڭ نوكاۋت سەرياسى 23-كە جەتتى. ول pound-for-pound جۇلدىزى جانە الەمدەگى تانىمال بوكسشىلاردىڭ ءبىرى. بىراق ونىڭ بۇل جولعى قارسىلاسى وسال ەمەس ەكەنىن ەسكەرۋ قاجەت. كەلل برۋكپەن وتكەن كەزدەسۋدەن سوڭ جانكۇيەرلەردىڭ كوڭىلىندە ءبىر كۇدىكتىڭ قالعانى بەلگىلى. بالكىم, سول ايقاستا بريتانيالىق باستاپقى ءۇش راۋندتا جەڭىسكە جەتكەن بولار!؟ دەنيەل دجەيكوبس – 160 فۋنتتا ەكىنشى ءنومىرلى بوكسشى. دەگەنمەن, 2015 جىلى پيتەر كۋيلليندى ءبىرىنشى راۋندتا-اق سۇلاتىپ تۇسىرگەنى گولوۆكيننىڭ 36 جەڭىسىنەن دە ارتىق. امەريكالىق تالانتتى بوكسشىلاردىڭ ءبىرى. ول اسقان جىلدامدىققا يە ءارى سوققىلارى دا اۋىر. ناۋرىز ايىنداعى كەزدەسۋدە گولوۆكيننىڭ فاۆوريت ەكەنى ءسوزسىز. بىراق ءدال سول كۇنى دەننيدىڭ اپسەت (ەشكىم كۇتپەگەن ناتيجە) جاساي الاتىنىنا سەنەتىندەردىڭ قاتارى از بولاتىنى وكىنىشتى», – دەپ جازادى اتالعان پورتال. ايتا كەتەيىك, قوس سپورتشىنىڭ اراسىنداعى كەزدەسۋ 18 ناۋرىزدا اقش-تىڭ نيۋ-يورك قالاسىنداعى Madison Square Garden ارەناسىندا وتەدى.