قازاقستان رەسپۋبليكاسى ۇكىمەتىنىڭ قاۋلىسى №738

2011 جىلعى 30 ماۋسىم,   استانا, ۇكىمەت ءۇيى «ىشكى ساۋدا ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 21 ساۋىردەگى № 371 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «ىشكى ساۋدا ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 21 ساۋىردەگى № 371 قاۋلىسىنا (قازاقستان رەسپۋبليكاسىنىڭ ءپۇاج-ى, 2005 ج., № 18, 208-قۇجات) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن ىشكى ساۋدا ەرەجەسىنە: 3-تارماقتا: 28) تارماقشا مىناداي رەداكتسيادا جازىلسىن: «28) ساۋدا قىزمەتىن رەتتەۋ سالاسىنداعى ۋاكىلەتتى ورگان – ساۋدا قىزمەتى سالاسىندا مەملەكەتتىك رەتتەۋدى جانە ۇيلەستىرۋدى جۇزەگە اسىراتىن ورتالىق اتقارۋشى ورگان;», مىناداي مازمۇنداعى 29), 30), 31), 32) جانە 33) تارماقشالارمەن تولىقتىرىلسىن: «29) قوعامدىق تاماقتاندىرۋ – تاماق ونىمدەرىن وندىرۋمەن, قايتا وندەۋمەن, ساتۋمەن جانە تۇتىنۋدى ۇيىمداستىرۋمەن بايلانىستى كاسىپكەرلىك قىزمەت; 30) مەيرامحانا – تۇتىنۋشىلارعا مىندەتتى تۇردە داياشىلار قىزمەت كورسەتەتىن, تاپسىرىستىق جانە فيرمالىك تاعامداردى قوسا العاندا, دايىندالۋى كۇردەلى استىڭ ءتۇر-ءتۇرىن, سونداي-اق الكوگول ونىمدەرىن ۇسىناتىن قوعامدىق تاماقتاندىرۋ جانە دەمالىس وبەكتىسى; 31) ءدامحانا – تۇتىنۋشىلارعا مىندەتتى تۇردە داياشىلار قىزمەت كورسەتەتىن, دايىندالۋى كۇردەلى ەمەس استىڭ ءتۇر-ءتۇرىن, سونداي-اق الكوگول ونىمدەرىن ۇسىناتىن قوعامدىق تاماقتاندىرۋ جانە دەمالىس وبەكتىسى; 32) بار – تۇتىنۋشىلارعا تىسكە باسار, دەسەرت جانە كونديتەرلىك تاعامدار, سونداي-اق الكوگول ونىمدەرىن ۇسىناتىن قوعامدىق تاماقتاندىرۋ جانە دەمالىس وبەكتىسى; 33) اسحانا – تۇتىنۋشىلار دەربەس قىزمەت كورسەتەتىن قوعامدىق تاماقتاندىرۋ وبەكتىسى.»; 3-ءبولىم مىناداي مازمۇنداعى 2-1-پاراگرافپەن تولىقتىرىلسىن: «پاراگراف 2-1. مەيرامحانا, ءدامحانا, بار, اسحانا ساناتتارى بويىنشا قوعامدىق تاماقتاندىرۋ وبەكتىلەرىنىڭ قىزمەتىن جۇزەگە اسىرۋعا قويىلاتىن جالپى تالاپتار. 37-1. قوعامدىق تاماقتاندىرۋ وبەكتىلەرىندە (مەيرامحانالاردا, ءدامحانالاردا, بارلاردا, اسحانالاردا) تۇتىنۋشىلاردىڭ ءومىرى مەن دەنساۋلىعىنىڭ قاۋىپسىزدىگى, ولاردىڭ مۇلكىنىڭ ساقتالۋى قامتاماسىز ەتىلۋى ءتيىس. 37-2. قوعامدىق تاماقتاندىرۋ وبەكتىلەرىن (مەيرامحانالاردى, ءدامحانالاردى, بارلاردى, اسحا-نالاردى) ورنالاستىرۋعا, جەر ۋچاسكەلەرىن بەرۋگە, سالۋ مەن قايتا جاڭارتۋعا ارنالعان جوبالىق قۇجات­تامانى بەكىتۋگە, پايدالانۋعا بەرۋگە سانيتارلىق-ەپيدەميولوگيالىق قورىتىندى بولعان جاعدايدا رۇقسات ەتىلەدى. 37-3. قوعامدىق تاماقتاندىرۋ وبەكتىلەرى (مەيرامحانالار, ءدامحانالار, بارلار, اسحانالار) عيماراتتارىنىڭ ساۋلەت-جوسپارلاۋ شەشىمدەرى مەن سىندارلى ەلەمەنتتەرى جانە پايدالانىلاتىن تەحنيكالىق جابدىق ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتىك قۇجاتتارعا, سونداي-اق قازاقستان رەسپۋبليكاسى اۋماعىندا قولدانىستاعى تەحنيكالىق رەگلامەنتتەرگە سايكەس كەلۋى ءتيىس. 37-4. قوعامدىق تاماقتاندىرۋ وبەكتىلەرىن (مەيرامحانالاردى, ءدامحانالاردى, بارلاردى, اسحانالاردى) جەكە تۇرعان جانە جاپسارلاس سالىنعان عيماراتتاردا, قوعامدىق عيماراتتارعا ىرگەلەس سالىنعان ءۇي-جايلاردا, عيماراتتاردىڭ ءبىرىنشى جانە ودان تومەنگى قاباتتارىندا ورنالاستىرۋعا, سونداي-اق ونەركاسىپتىك وبەكتىلەردىڭ اۋماقتارىندا ورنالاستىرۋعا رۇقسات بەرىلەدى. تۇرعىن ءۇي ماقساتىنداعى عيماراتتاردا ورىندار سانى جانە ورىن-جايلار كولەمى شەكتەلگەن, قوعامدىق تاماقتاندىرۋدىڭ ىرگەلەس-جاپسارلاس سالىنعان وبەكتىلەرىندە ورنالاستىرۋعا رۇقسات ەتىلەدى. 37-5. تۇرعىن ءۇي عيماراتتارىندا ورنالاسقان قوعامدىق تاماقتاندىرۋ وبەكتىلەرىنىڭ (مەيرامحانالاردىڭ, ءدامحانالاردىڭ, بارلاردىڭ, اسحانالاردىڭ) عيماراتتىڭ تۇرعىن ءۇي بولىگىنەن وقشاۋلانعان كىرۋ جانە كوشۋدىڭ شىعۋ ەسىكتەرى بولۋى ءتيىس. ازىق-ت ۇلىك شيكىزاتىن جانە تاعام ونىمدەرىن تۇرعىن ءۇيدىڭ اۋلا جاعىنان قابىلداۋعا جول بەرىلمەيدى. جۇك تيەۋدى تۇرعىن ءۇيدىڭ تەرەزەلەرى جوق ءبۇيىر جاعىنان, ارنايى جۇك تيەيتىن ءۇي-جايلار بولعان جاعدايدا ماگيسترالدار جاعىنان جەر استى تۋننەلدەرىنەن ورىنداۋ قاجەت. ونىمدىلىگى شاعىن وبەكتىلەر ءۇشىن ونىڭ جۇمىسى باستالعانعا دەيىن نەگىزگى كىرەر ەسىك جاعىنان جۇك تيەۋگە رۇقسات ەتىلەدى. 37-6. قوعامدىق تاماقتاندىرۋ وبەكتىلەرىن (مەيرامحانالاردى, ءدامحانالاردى, بارلاردى, اسحانالاردى) تۇرعىن ءۇي عيماراتتارىندا ورنالاستىرعان كەزدە ولاردىڭ ءۇي-جايلارى شۋ, ءدىرىل دەڭگەيى جانە دىبىستى وقشاۋلاۋ تالاپتارى بويىنشا ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتىك قۇجاتتارعا سايكەس كەلۋى ءتيىس. 37-7. قوعامدىق تاماقتاندىرۋ وبەكتىلەرىنىڭ (مەيرامحانالاردىڭ, ءدامحانالاردىڭ, بارلاردىڭ, اسحانالاردىڭ) جازعى الاڭدارىن تۇرعىن ءۇي عيماراتتارىنىڭ ءبىرىنشى قاباتى تەرەزەلەرىنىڭ الدىنا جانە تروتۋارلارعا ورنالاستىرۋعا, سونداي-اق تاماق دايىندايتىن تەحنولوگيالىق جابدىق پەن دىبىس شىعاراتىن اپپاراتۋرانى ورناتۋعا جول بەرىلمەيدى. 37-8. قوعامدىق تاماقتاندىرۋ وبەكتىلەرىندە (مەيرامحانالاردا, ءدامحانالاردا, بارلاردا, اسحانالاردا) قوعامدىق تاماقتاندىرۋمەن بايلانىستى ەمەس تۇرۋعا, جۇمىستار مەن قىزمەتتەر كورسە­تۋگە ارنالعان ءۇي-جايلاردى ورنالاستىرۋعا, سونداي-اق جانۋارلار مەن قۇستار ۇستاۋعا رۇقسات ەتىلمەيدى. 37-9. قوعامدىق تاماقتاندىرۋ وبەكتىلەرىندە (مەيرامحانالاردا, ءدامحانالاردا, بارلاردا, اسحانالاردا) اۆاريالىق شىعۋ جولدارى, ساتىلار, اۆاريالىق جاعدايداعى ءىس-قيمىلدار تۋرالى نۇسقاۋلىقتار كوزدەلگەن, كورىنەتىن جەرلەردە ءورت جاعدايى كەزىندە ادامداردى كوشىرۋ جوسپارلارى (سحەمالار), سونداي-اق تۇتىنۋشىلاردىڭ قالىپتى جاعدايدا دا توتەنشە جاعدايلاردا دا ەركىن باعدار الۋىن قامتاماسىز ەتەتىن, جاقسى كورىنەتىن اقپاراتتىق نۇسقاۋلار ىلىنەدى. 37-10. قوعامدىق تاماقتاندىرۋ وبەكتىلەرى (مەيرامحانالار, ءدامحانالار, بارلار, اسحانالار) باستاپقى ءورت ءسوندىرۋ قۇرالدارىنىڭ قاجەتتى سانىن انىقتاۋعا سايكەس جارامدى باستاپقى ءورت ءسوندىرۋ قۇرالدارىمەن قامتاماسىز ەتىلۋگە جانە اۆتوماتتى ءورت سيگنالىن بەرۋ جانە قولدانىستاعى نورمالارعا سايكەس ادامدارعا ءورت تۋرالى حابارلاۋ جۇيەسىمەن جابدىقتالۋى, ينجەنەرلىك جۇيەلەرمەن جانە جايلىلىقتىڭ قاجەتتى دەڭگەيىن قامتاماسىز ەتەتىن جابدىقتارمەن جاراقتالۋعا, ونىڭ ىشىندە جاساندى جانە تابيعي جارىقتارى, ىستىق جانە سۋىق سۋمەن, كارىزبەن جابدىقتاۋ, جىلىتۋ, جەلدەتۋ جۇيەلەرى, تەلەفون بايلانىسى بولۋى ءتيىس. 37-11. سالىنىپ جانە قايتا جاڭارتىلىپ جاتقان قوعامدىق تاماقتاندىرۋ وبەكتىلەرىندە (مەيرامحانالاردا, ءدامحانالاردا, بارلاردا, اسحانالاردا) مۇگەدەكتەرگە قىزمەت كورسەتۋ ءۇشىن ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتىك قۇجاتتاردىڭ قولدانىستاعى تالاپتارىنا سايكەس مۇگەدەكتەردىڭ اربالارى ءجۇرىپ ءوتۋ ءۇشىن كىرۋ ەسىكتەرىندە ەڭىس پاندۋستار, ليفتىلەر, زالداردا مۇگەدەكتەردىڭ اربالارى اينالىپ بۇرىلۋى ءۇشىن الاڭدار, ارنايى جابدىقتالعان دارەتحانا بولمەسى كوزدەلۋى ءتيىس. 37-12. قوعامدىق تاماقتاندىرۋ وبەكتىلەرىندە (مەيرامحانالاردا, ءدامحانالاردا, بارلاردا, اسحانالاردا) قىزمەت كورسەتىلەتىن كونتينگەنتتىڭ ەرەكشەلىگىنە سايكەس ارنايى قىزمەت كورسەتۋ ايماقتارى كوزدەلۋى مۇمكىن, مىسالى ديەتالىق, ەمدەۋ-ساۋىقتىرۋ, بالالار تاماعى. 37-13. وندىرىستىك ءۇي-جايلاردى ورنالاستىرۋ جانە وسى ءۇي-جايلارداعى جابدىقتار ءونىمدى ءوندىرۋ مەن ساتۋدىڭ تەحنولوگيالىق ۇدەرىستەرىنىڭ دايەكتىلىگىن (اعىمىن), سونداي-اق سانيتارلىق ەرەجەلەردىڭ تەحنولوگيالىق جوبالاۋ نورمالارىنىڭ ساقتالۋىن قامتاماسىز ەتۋى ءتيىس. 37-14. قوعامدىق تاماقتاندىرۋ وبەكتىلەرىنىڭ (مەيرامحانالاردىڭ, ءدامحانالاردىڭ, بارلاردىڭ, اسحانالاردىڭ) اۋماعى اباتتاندىرىلۋى, تازا ۇستالۋى ءتيىس, وندا كولىكتى ۋاقىتشا قويۋعا ارنالعان الاڭدار, قوقىس جيناۋ ءۇشىن قاقپاعى بار كونتەينەرلەر ورناتۋعا ارنالعان اسفالتتالعان نەمەسە بەتوندالعان الاڭ كوزدەلۋى ءتيىس. قوقىس جيناۋ الاڭى وبەكتىلەردەن جانە تۇرعىن ۇيلەردىڭ تەرەزەلەرى مەن ەسىكتەرىنەن كەمىندە 25 مەتر قاشىقتىقتا ورنالاستىرىلادى.»; 56, 57, 58, 59,60, 61 جانە 66-تارماقتار الىپ تاستالسىن; 62-تارماق مىناداي رەداكتسيادا جازىلسىن: «62) ساۋدا قىزمەتىنىڭ سۋبەكتىلەرى, ەگەر وسى ەرەجەدە وزگەشە كوزدەلمەسە, ءوز قىزمەتىن قوعامدىق تاماقتاندىرۋ وبەكتىسىنىڭ ساۋدا زالدارىندا دا, ولاردان تىسقارى جەرلەردە دە جۇزەگە اسىرادى. قوعامدىق تاماقتاندىرۋ وبەكتىسىنىڭ ءۇي-جايلارى قازاقستان رەسپۋبليكاسىنىڭ زاڭناماسىندا بەلگىلەنگەن نورمالار مەن ەرەجەلەرگە سايكەس ورنالاسادى جانە جابدىقتالادى.». 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى            ك.ءماسىموۆ.