قر يدم ينۆەستيتسيالار كوميتەتى توراعاسىنىڭ ورىنباسارى تاعايىندالدى

قايرات قارمانوۆ قر ينۆەستيتسيالار جانە دامۋ مينيسترلىگىنىڭ ينۆەستيتسيالار كوميتەتى توراعاسىنىڭ ورىنباسارى قىزمەتىنە تاعايىندالدى. بۇل تۋرالى قر يدم-ءنىڭ يندۋستريا جانە تۋريزم دەپارتامەنتىنىڭ ديرەكتورى مارات يعالي ءمالىم ەتتى. «قايرات قارمانوۆتى قر ينۆەستيتسيالار جانە دامۋ مينيسترلىگىنىڭ ينۆەستيتسيالار كوميتەتى توراعاسىنىڭ ورىنباسارى قىزمەتىنە تاعايىندالۋىمەن قۇتتىقتايمىن»,-دەپ جازدى ول الەۋمەتتىك جەلىدەگى پاراقشاسىندا. قايرات جارىلقاسىن ۇلى قارمانوۆ 1984 جىلى 13 ساۋىردە دۇنيەگە كەلگەن. «بولاشاق» باعدارلاماسى بويىنشا اقش-تىڭ فلوريدالىق اتلانتيكا ۋنيۆەرسيتەتىن جانە ميچيگان مەملەكەتتىك ۋنيۆەرسيتەتىن «قالالىق جانە وڭىرلىك دامۋ» ماماندىقتارى بويىنشا بىتىرگەن. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «حالىقارالىق قۇقىق» ماماندىعى بويىنشا تۇلەگى. ەڭبەك جولىن «استانا قالالىق ەكونوميكا جانە بيۋدجەتتىك جوسپارلاۋ باسقارماسى» مم-گە قاراستى «ەلوردانىڭ تۇراقتى دامۋ ورتالىعى» جشس-ىندا كەڭەسشى رەتىندە باستادى. 2009 جىلدان باستاپ, قر اشم «كازاگرويننوۆاتسيا» اق «اگروونەركاسىپ كەشەنىنىڭ ەكونوميكالىق ساياسات ورتالىعى» جشس تۇك جانە شەتەلدىك ينۆەستورلارمەن جۇمىس جاساۋ دەپارتامەنتىنىڭ كەڭەسشىسى قىزمەتىن اتقاردى. 2010 جىلدىڭ ءساۋىر ايىنان باستاپ ينۆەستيتسيالىق ىنتىماقتاستىق دەپارتامەنتىنىڭ ديرەكتورى, «Kaznex Invest» ەكسپورت جانە ينۆەستيتسيالار بويىنشا ۇلتتىق اگەنتتىگى» اق باسقارۋشى ديرەكتورى رەتىندە ەڭبەك ەتتى. 2011 جىلدىڭ جەلتوقسان ايىنان باستاپ Kaznex Invest» ەكسپورت جانە ينۆەستيتسيالار بويىنشا ۇلتتىق اگەنتتىگى» اق باسقارما توراعاسىنىڭ ورىنباسارى بولىپ جۇمىس جاسادى. سوڭعى قىزمەتى - 2016 جىلدىڭ مامىر ايىنان باستاپ Kaznex Invest» ەكسپورت جانە ينۆەستيتسيالار بويىنشا ۇلتتىق اگەنتتىگى» اق باسقارما توراعاسىنىڭ كەڭەسشىسى لاۋازىمىن اتقاردى.