اتلەتتەر اۋىلى سپورتشىلار قابىلداۋعا دايىن

الماتىداعى قىسقى ۋنيۆەرسيادا اۋما­عىن­داعى اتلەتتەر اۋىلى الەمنىڭ 55 ەلى­نەن كەلەتىن سپورتشىلاردى قابىلداۋعا ساقا­داي ساي وتىر. قالاشىقتاعى قۇرىلىس جۇ­مىس­­تارى 2014 جىلعى جەلتوقساندا باستالىپ, بيىلعى جىلعى تامىز ايىندا تولىق اياقتالعان. ديرەكتسيانىڭ ايتۋىنشا, مۇندا سپورت­شىلارعا كەرەكتى نارسەنىڭ ءبارى بار. اتلەت­تەر اۋىلى ءبىر مەزەتتە 5 مىڭ ادامدى قا­بىل­داي الادى. وندا 1 كىسى­لىك ورىننان باس­تاپ 3 كىسىلىك جىلى ءارى ىڭعايلى جاتىن جاي­لارى جاسالعان. سونداي-اق, الەمنىڭ ءار تۇك­پىرى­نەن كەلەتىن شەتەلدىك مەيماندار قازاق ەلى­نىڭ ۇلتتىق اسپاپتارىمەن جانە ءان-كۇيى­مەن دە تانىسادى. اتلەتتەر اۋىلىندا اشىل­عان مۇراجايدان امىرە قاشاۋباەۆ پەن جۇسىپبەك ەلەبەكوۆتىڭ دومبىرالارىن, شاشۋ­­باي قوشقارباي ۇلىنىڭ سىرنايى مەن سما­تاي ۇمبەتوۆتىڭ قىلقوبىزىن جانە باس­­قا بەلگىلى تۇلعالاردىڭ اسپاپتارىن كورۋ­­گە بولادى. ال جاقىن كۇندەرى سپورتشىلار قالا­شى­عىندا ءدىني جانە مادەني ورتا­­لىق­­تار مەن ءسان سالوندارى رەسمي تۇردە اشىلادى. – سپورتشىلار قالاشىعىندا 1748 ءپا­تەر بار. وزدەرىڭىز كورىپ وتىرسىزدار, بار­­لىق جاتىن بولمەلەر دايىن. جىلۋ بەرىل­دى. جۋىناتىن جانە توسەك ورىندار­دىڭ با­ر­­لىعى ساپالى قۇرىلىس ماتەريالدارىمەن جا­سالعان. 55 ەلدەن 3 جارىم مىڭداي ءۇمىت­­­كەر كەلەدى دەپ كۇتىپ وتىرمىز. بۇل – ۋني­­ۆ­ەر­­سيادا تاريحىنداعى رەك­ورد­تىق كور­س­­ەت­­كىش, – دەدى وسى ورايدا اتلەت­­تەر اۋى­­لى دە­پار­تامەنتىنىڭ جەتەكشىسى ءسانىم ءشارىپوۆا. تالعات ءسۇيىنباي, «ەگەمەن قازاقستان»