وقۋشى كولىك قۇراستىردى

قازاقتىڭ «اكە كورگەن وق جونار» دەگەن ءسوزىنىڭ راستىعىنا مەكتەپ وقۋشىسى ەرعالي نۇرعالي ۇلىنىڭ كولىك قۇراستىرعانىن بىلگەندە يلانا تۇسەسىز. ونىڭ اتاسى عيلاج قاريا دا ءبىر كەزدەرى كەڭشاردىڭ «ك-700» اتالاتىن الىپ تراكتورىن جۇرگىزگەن. تەحنيكانىڭ ءتىلىن اكەسى نۇرعالي دا جەتىك بىلەدى. ول «كاماز» جۇرگىزۋمەن شەكتەلمەي, بىرنەشە كولىكتى ۇرشىقشا ۇيىرەدى, دەيدى اۋىلداستارى. اۋلاسىنان تەحنيكا ۇزىلمەيتىن وتباسىندا تاربيەلەنگەن ەرعاليدىڭ تەحنيكاعا اۋەستىگى بالا كەزىنەن بايقالىپتى. ول قازىر شاعىن بولسا دا جەكە كولىگىن قۇراستىردى. ازىرگە ەكى ادامعا ارنالعان. – اۋەلى قاڭقاسىن قۇراستىرۋعا ءتورت قىرلى تەمىردى پايدالاندىم. سودان سوڭ «يج» موتوتسيكلىنىڭ موتورىن ورناتتىم, – دەيدى ەرعالي نۇرعالي ۇلى. – بەرىلىس قورابىنا «جيگۋليدىڭ» تەتىگىن قولداندىم. ەرعالي نۇرعالي ۇلى قازىر يسا­تاي اۋدانىنداعى ج.مىر­زاعا­ليەۆ اتىنداعى ورتا مەكتەپتىڭ 11-سى­نىبىندا وقي­دى. «جاس ۇلان» ۇيى­مى مەن «جاس تەحنيك» ءۇيىر­مە­سىنىڭ بەلسەندى مۇشەسى. تا­لاپ­تى وقۋشىنىڭ ەسكى جاب­دىقتار ارقىلى قۇراستىرىلعان كولىگى ءالى دە جەتىلدىرۋدى قاجەت ەتەتىن بولار. دەگەنمەن, ونىڭ ىنتاسى اۋىلداستارىن قۋانتىپ وتىر. جولداسبەك شوپەعۇل, «ەگەمەن قازاقستان» اتىراۋ وبلىسى