بياتلوننان ەل چەمپيوناتى اياقتالدى

«الاتاۋ» شاڭعى-بياتلون كەشەنىندە بياتلوننان قر چەمپيوناتى ءوز مارەسىنە جەتتى, دەپ حابارلايدى قازاقپارات. بۇل 2017 جىلى الاتاۋ باۋرايىندا الاۋى تۇتىلاتىن قىسقى ۋنيۆەرسيادا قارساڭىندا ۇيىمداستىرىلعان تەستتىك جارىس بولىپ ەسەپتەلەدى. ەلىمىزدىڭ ءار ايماعىنان جينالعان 100-گە جۋىق سپورتشىلار ءتورت كۇن بويى ءوزارا مىقتىنى انىقتادى. كەشە جارىس جولىنا شىققان سپورتشىلار ەستافەتا 2ح6كم ايەلدەر, 12ح7,5 كم ەرلەر باعدارلاماسى بويىنشا باق سىنادى. ناتيجەسىندە, قىزدار اراسىنداعى باسەكەدە اناستاسيا كوندراتەۆا (19;12), مارينا حودكوۆا (20;20), الينا رايكوۆا (18;29) جانە اننا كيستانوۆا (21;41) جالپى 79:42 كورسەتكىشپەن جەڭىس تۇعىرىنان كورىندى. داريا ۋسانوۆا (18;36), الەكساندرا سالينا (23;12), كسەنيا دولگوپولوۆا (23;12) جانە ۋليانا كۋركينا (26;57) توبى (90;30) ەكىنشى ورىنعا جايعاستى. ۇزدىك ۇشتىكتى 92:30 كورسەتكىشىمەن گالينا ۆيشنەۆسكايا (17;29), وكسانا چۋلكوۆا (23;03), الەكساندرا اۆدونات (26;40) جانە كريستينا شميتد (25;18) تۇيىندەدى. يۋنيورلار اراسىندا (3ح6 كم) شىعىس قازاقستان وبلىسىنىڭ سپورتشىلارى ەۆگەنيا كراسيكوۆا (21;01), انگەلينا بوريسوۆا (22;06) جانە ەليزاۆەتا بەلچەنكو (20;57) التىنعا قول جەتكىزسە (64;04), ليۋدميلا احاتوۆا (20;20), ارنا كاسەنوۆا (27;46), كريستينا تيتيەۆسكايا (24;01) كۇمىس جۇلدە الدى. ولاردىڭ جالپى كورسەتكىشى 72:07. ال ارينا شەشۋكوۆا 22;49, ۆەرونيكا كۋلاكوۆا 24;29 مەن اناستاسيا ۆيتەنكو 25;32 جەكە ۋاقىت ناتيجەسىن كورسەتتى. ەرلەر اراسىندا شىعىس قازاقستان وبلىسىنىڭ سپورتشىلارى 89;39 كورسەتكىشىمەن جەڭىس تۇعىرىنان كورىندى: الەكساندر تريفونوۆ (29;08), ۆاديم يۋشين (17;52), ۆلاديسلاۆ ۆيتەنكو (20;35), يان ساۆيتسكي (22;04). ماكسيم براۋن (20;41), ۆياچەسلاۆ موروزوۆ (25;13), تيمۋر كۋتس (21;47) جانە انتون پانتوۆ (22:50) جالپى 90,31 ەسەبىمەن ەكىنشى ورىنعا جايعاستى. ۇزدىك ۇشتىكتى اقمولا وبلىسىنىڭ سپورتشىلارى قورىتىندىلادى (92,38): تيمۋر حاميتگاتين (22;51), سەرگەي سيريك (23;06), ارمان سۋلتانوۆ (23;09) مەن پەتر ەرمولەنكو (23;32). يۋنيورلار اراسىندا 97;14 كورسەتكىشىمەن التىن القانى دميتري كولەسنيكوۆ (22;10), يلدار حاميتوۆ (23;53), ماكسيم ساۆيتسكي (23;56) مەن رۋسلان داۆلەتوۆ (27;15) جەڭىپ السا, ەدۋارد افوني (26;24), رومان پۋشكارەۆ (23;17), پاۆەل پانشين (25;04) جانە ديونيس رودۋنەر (25;14) 99:59 ناتيجەمەن كۇمىس القانى تاقتى. سەمەن ۆدوۆين (25;16), ەۆگەني تيۋلەگەنوۆ (24;11), كيريلل باۋەر (24;07) جانە كيريلل باۋەر (جەكە-26;57) 100:31 ورتاق ەسەپپەن قولا جۇلدەگەر اتاندى.