2017 جىلى 500 ۆاگون جاڭارتىلادى

2016 جىلعى 27 جەلتوقساندا مينيسترلىكتە الەۋمەتتىك ماڭىزى بار قاتىناستار بويىنشا تەمىرجول جولاۋشىلار تاسىمالىن مەملەكەتتىك سۋبسيديالاۋدىڭ جاڭا مەحانيزمىن ەنگىزۋ بويىنشا جۇمىستاردىڭ قورىتىندىسى جاسالدى جانە 2017 جىلعا جوسپارلار انىقتالدى, دەپ حابارلادى strategy2050.kz ينۆەستيتسيالار جانە دامۋ مينيسترلىگىنە سىلتەمە جاساپ. 2016 جىلعى 12 اي ىشىندە جولاۋشىلار تاسىمالىنىڭ كولەمى 23,4 ملن. ادامدى قۇرادى, بۇل 2015 جىلعى كورسەتكىشپەن سالىستىرعاندا 4% جوعارى. 2017 جىلى جولاۋشىلار تاسىمالىنىڭ ءوسۋى 5% قۇرايدى دەپ جوسپارلانۋدا. بۇل رەتتە, 2016 جىلى 60 الەۋمەتتىك ماڭىزى بار قاتىناستاردى سۋبسيديالاۋعا 24,9 ملرد. تەڭگە ءبولىندى. قىزمەت ەتۋ مەرزىمىنىڭ اياقتالۋىنا بايلانىستى جىل سايىن 100 استام ۆاگون قولدانىستان شىعارىلادى. وسىعان بايلانىستى, تەمىر جول كولىگى ماسەلەسى بويىنشا زاڭناماعا ايتارلىقتاي وزگەرىستەر ەنگىزىلدى. سۋبسيديالاۋدىڭ جاڭا مەحانيزمىن ەنگىزۋ جولاۋشىلار تاسىمالىن تولىق قامتاماسىز ەتۋ بويىنشا كەشەندى شارالاردى قابىلداۋدى كوزدەيدى. بىرىشىدەن, بۇل ۆاگون پاركىن جاڭارتۋ جانە جاڭا پويىزداردى ىسكە قوسۋ. مينيسترلىكپەن, 2016 جىلعى 21 قاراشا مەن 12 جەلتوقسان ارالىعىندا بارلىق الەۋمەتتىك ماڭىزى بار قاتىناستار بويىنشا جيىرما جىلدىق كەزەڭگە تاسىمالداۋشىلاردى انىقتاۋ بويىنشا كونكۋرستىق پروتسەدۋرالار جۇرگىزىلدى. كونكۋرس قورىتىندىسى بويىنشا كەلەسىدەي نەگىزگى ناتيجەگە قول جەتكىزىلدى:2017 جىلى 55 جاڭا ۆاگون ساتىپ الۋعا 16 ملرد. تەڭگە جەكە ينۆەستيتسيالار تارتىلادى;تاسىمالداۋشىلارمەن جاساسقان شارتتار شەڭبەرىندە 30% ۆاگوندار پاركىن جاڭارتۋ مىندەتتەمەلەرى قابىلداندى, بۇل 500 ۆاگوننان استام. 2017 جىلى سۋبسيديالاۋ ەسەبىنەن قوسىمشا 24 ۆاگون ساتىپ الىناتىن بولادى. 2017 جىلى الماتى-شىمكەنت, استانا-ورال, الماتى-ورال جانە استانا-الماتى-التىنكول, استانا-اتىراۋ, استانا-مانعىشلاق, استانا-شىمكەنت مارشرۋتتار بويىنشا جاڭا پوەزدار اشىلاتىن بولادى.جۇمىستىڭ ەكىنشى باعىتى بۇل, قولدانىستاعى پوەزداردىڭ جيەلىلىگىن جوعارىلاتۋ جانە سۇرانىسى تومەن الەۋمەتتىك ماڭىزى بار قاتىناستاردى وڭتايلاندىرۋ. 2016 جىلى ماسكەۋ, سانكت-پەتەربۋرگ جانە كيەۆ قالالارىنا دەيىن حالىقارالىق پوەزدار توقتاتىلدى. پوەزداردى توقتاتۋدىڭ نەگىزگى سەبەپتەرى بولىپ:تاسىمالدىڭ اۋە كولىگىمەن ءبىر دەڭگەيدەگى جوعارعى قۇنى;رەسەي فەدەراتسياسى اۋماعى بويىنشا اتالعان پوەزداردىڭ تولۋىنىڭ تومەن بولۋى (44%) بولىپ تابىلادى. 2017 جىلى پوەزداردىڭ جاڭا قوزعالىس كەستەسى ءبىرىنشى كەزەكتە الەۋمەتتىك ماڭىزى بار قاتىناستار بويىنشا تاسىمالدىڭ قاجەتتىلىگى ەسەبىمەن كەلىسىلگەن. مىسالعا العاندا, 307/308 جەزقازعان – استانا جولاۋشىلار پوەزدىنىڭ قاتىناۋى 2017 جىلدان باستاپ كۇنارا قاتىناۋىن كۇنسايىنعا اۋىستىرۋ جوسپارلانۋدا. ءۇشىنشى باعىت, بۇل, ساپانى جاقسارتۋ جانە جولاۋشىلار تاسىمالى قاۋىپسىزدىگى ءۇشىن نورماتيۆتىك شارتتار جاساۋ.2016 جىلدىڭ 2 جەلتوقسانىنان باستاپ جاڭا جولاۋشىلار تاسىمالى قاعيداسى ەنگىزىلگەن. مىسالعا, جاڭا قاعيدادا توسەك جابدىقتارىن ۇسىنۋ ءتارتىبى جانە شارتتارى, ەلەكتروندىق قىزمەت كورسەتۋدى ۇسىنۋ, ۆاگونداردى جابدىقتاۋ بويىنشا تالاپتاردى جوعارىلاتۋ جانە ت.ب. جەتىلدىرىلگەن. سونىمەن بىرگە, سۋبسيديالاۋ شارتتارىندا جولاۋشىلار تاسىمالىنىڭ ساپاسىن جانە پوەزداردا سەرۆيستىك قىزمەتتەردى ارتتىرۋ بويىنشا شارالار بەكىتىلگەن. مىسالعا, 2017-2018 جىلدارعا:پوەزدىڭ كەشىگۋى جاعدايىندا جولاۋشىلاردى حابارلاندىرۋ جۇيەسى;جول ءجۇرۋ قۇجاتتارىن ساتۋ جۇيەسىندە «كۇتۋ كەستەسىن» قۇرۋ;ۇسىنىستار مەن شاعىمداردى ۇسىنۋ ءۇشىن «Call-centre» ەنگىزۋ;جولسەرىكتەرمەن جولاۋشىلارعا قىزمەت كورسەتۋ ستاندارتتارىن ەنگىزۋ جانە ت.ب. ەنگىزىلەتىن بولادى. سونىمەن قوسا, 2017 جىلدان باستاپ تەرروريستىك قاۋىپ دەڭگەيىنە سايكەس 16 تەمىرجول ۆوكزالدارىندا جولاۋشىلاردى قاراپ-تەكسەرۋدى ەنگىزۋ جوسپارلانۋدا. قاراپ-تەكسەرۋ ءبىرىنشى كەزەكتە 5 كلاستتان تىس ۆوكزالداردا وتكىزىلەتىن بولادى. وسىلايشا, تەكسەرىپ-قاراۋ ءبىرىنشى توقساندا الماتى 1, الماتى 2 جانە استانا ۆوكزالدارىندا, ءبىرىنشى جارتى جىلدىقتا اقتوبە جانە قاراعاندى ۆوكزالدارىندا, جىلدىڭ اياعىنا دەيىن قالعان تەمىرجول ۆوكزالدارىندا ەنگىزىلەتىن بولادى. قابىلدانعان شارالار:جولاۋشىلار تاسىمالىن مەملەكەتتىك سۋبسيديالاۋدىڭ ايقىندىلىعىن جوعارلاتۋعا;قىزمەت ەتۋ مەرزىمى بويىنشا ۆاگونداردىڭ قولدانىستان شىعىپ قالۋى ەسەبىنەن جولاۋشىلار پاركى ۆاگوندارىن جانداندىرۋدى قامتاماسىز ەتۋ جانە بۇل ماقساتتارعا 16 ملرد. تەڭگەدەن ارتىق ينۆەستيتسيانى تارتۋعا;اسىرەسە حالىقارالىق ءىس-شارالاردى وتكىزۋ ارالىعىندا ۆوكزالداردىڭ انتيتەررورلىق قاۋىپسىزدىكتى جوعارىلاتۋعا;ازاماتتاردىڭ بارلىق ساناتتارى ءۇشىن تەمىرجول جولاۋشىلار تاسىمالىنىڭ قول جەتىمدىلىگىن جوعارىلاتۋعا مۇمكىندىك بەرەدى.