قولداۋشىلار كوبەيىپ كەلەدى

مۇنان بىلايعى جەردە Global قۇرىلىس كومپانياسى ۋنيۆەرسيادا-2017 ويىندارىنىڭ سەرىكتەسى جانە قازاقستاننىڭ شاڭعى جارىسى بويىنشا ايەلدەر قۇراماسىنىڭ رەسمي دەمەۋشىسى مىندەتىن اتقارماق. وسىدان 10 جىل بۇرىن قۇرىلعان قازاقستان ۇلتتىق شاڭعى فەدەراتسياسىندا تۇڭعىش رەت ءوز جەكە دەمەۋشىسى پايدا بولىپ وتىر. وسىلايشا, سەيسەنبى كۇنى الماتىدا 2017 جىلعى XXVIII دۇنيەجۇزىلىك قىسقى ۋنيۆەرسياداعا دايىنداۋ جانە وتكىزۋ جونىندەگى ديرەكتسيا مەن Global قۇرىلىس كومپانياسى ىنتىماقتاستىق تۋرالى مەموراندۋمعا قول قويدى. وڭتۇستىك استاناداعى ەڭ ءىرى قۇرىلىس كومپانيالارىنىڭ ءبىرى بولىپ تابىلاتىن Global  شاڭعى جارىستارى بويىنشا ايەلدەر قۇراماسىن قولداۋ جونىندە شەشىم قابىلداپ وتىر. «2017 جىلى الماتىدا وتەتىن XXVIII دۇنيەجۇزىلىك قىسقى ۋنيۆەرسياداعا دايىنداۋ جانە وتكىزۋ جونىندەگى ديرەكتسيا» ديرەكتورىنىڭ ورىنباسارى نۇرجان ابىلقايىر ماڭىزدى وقيعاعا وراي: «بيزنەس سالاسىنىڭ ۋنيۆەرسياداعا شىن نيەتپەن دەۋمەۋشىلىك كورسەتۋگە ۇمتىلعانىنا قۋانىپ وتىرمىز. اتالمىش كومپانيا سپورتشىلارعا ناقتى كومەك كەرەك ەكەنىن ءبىلىپ, ءبىرىنشى رەت سەرىكتەس بولۋعا نيەت ءبىلدىردى. سپورتشىلارىمىز بارىنشا جايلى ورىندا جارىستارعا دايىندالىپ, جاقسى ويىن كورسەتۋدى قالايدى. قازىر ولارعا قاي تۇرعىدان بولسا دا كورسەتىلەتىن قولداۋلار اسا ماڭىزدى», – دەدى. Global قۇرىلىس كومپانياسى باقىلاۋ كەڭەسىنىڭ توراعاسى مۇحيت ازىرباەۆ مۇنداي ايتۋلى وقيعا ىلۋدە ءبىر عانا بولاتىنى العا تارتا كەلە: «ءبىز تۇرعىن ءۇي كەشەندەرىن تۇرعىزاتىن قۇرىلىس كومپانياسى رەتىندە سپورت سالاسىنىڭ دامۋىنا سەپتىگىمىزدى تيگىزىپ وتىرمىز دەپ ەسەپ­تەيمىز. ماسەلەن كوپقاباتتى ۇيلەردىڭ تۇر­عىندارى ءۇشىن سپورت قولجەتىمدى. ويتكەنى ءبىزدىڭ جوبالارىمىزدىڭ ىشكى قۇرىلىمدارىندا ساپالى بالالار جانە سپورت الاڭدارى بار اۋلالار ويلاستىرىلعان. سەبەبى, ءار سپورتشى ءوز مانسابىن سول اۋلادان باستايدى. ال ۋنيۆەرسيادا سەكىلدى ايتۋلى وقيعاعا ورتاقتاسىپ وتىرعانىمىزعا قۋانىشتىمىز. سونداي-اق, بولاشاعىنان ءۇمىت كۇتتىرگەن جاس سپورتشىلارعا قولداۋ كورسەتۋ تۋرالى شەشىم قابىلدادىق. جاڭا بيىكتىكتەردى باعىندىرۋ ءۇشىن ولارعا قولايلى جاعدايلار تۋعىزعىمىز كەلەدى», دەيدى. دەمەۋشىلىككە بولىنگەن قارجىنىڭ ءبىر بولىگى سپورتتىق كيىم-كەشەكتەر مەن قۇرال-سايمانداردى (شاڭعى مەن بەكىتكىشتىڭ ەكى ءتۇرى) ساتىپ الۋعا جۇمسالماق. جانە بۇل قاراجات سپورتتىق جيىن­دارعا جانە ءتۇرلى جارىستارعا, سونىڭ ىشىندە رەس­پۋبليكالىق جانە حالىقارالىق سايىستارعا قاتىسۋ دايىندىقتارىنا جۇمسالادى. قازىر ايەلدەر قۇرا­ماسىندا 8 كوماندا مۇشەسى بار, ولار كەشە عانا قازاقستاننىڭ شاڭعى جارىستارى بويىنشا كۋبوگىن لايىقتى دەڭگەيدە اياقتادى. اتاپ ايتقاندا, اننا شەۆچەنكو جانە يرينا بىكوۆا قۇراما قورجىنىنا ءۇش ءپان بويىنشا ەكى التىن, ءۇش كۇمىس جانە ەكى قولا مەدال قوستى. «شاڭعى جارىستارى جونىندەگى ۇلتتىق فەدەراتسيا» قب باس حاتشىسى اندرەي نەۆزوروۆ: «سپورتشىلاردىڭ ويىندارعا دايىندىعى قاشاندا وراسان زور كۇش جۇمساۋدى قاجەت ەتەدى. سونداي-اق, بۇعان ايتارلىقتاي شىعىن كەتەدى. ماسەلەن, ءبىر كاسىپقوي شاڭعىشىنىڭ سايماندارى شامامەن 1,7 ملن تەڭگە تۇرادى. بىزگە مەملەكەت تاراپىنان كوپ كومەك كورسەتىلۋدە, الايدا وسىنداي ۇلكەن كومپانيانىڭ سەنىم ارتىپ, شىنايى نيەت ءبىلدىرۋى ءبىز ءۇشىن ۇلكەن قۇرمەت. ونىڭ ۇستىنە سپورتشىلاردىڭ رۋحى كوتەرىلەدى. بىزگە سەنەدى, دەمەك جەڭەمىز دەگەن ءسوز». قازاقستان رەسپۋبليكاسىنىڭ ەڭبەك سىڭىرگەن باپكەرى الەكساندر باتيايكين: «ءبىزدىڭ قىز-جىگىتتەرىمىز شامامەن 8 وقۋ-جاتتىعۋ جيىنىندا بولىپ قايتتى. ۇلتتىق كوماندانىڭ قاتارى جاتتىعۋ كەزىندە تاماشا ناتيجەلەردى كورسەتىپ, كەلەشەگىنەن مول ءۇمىت كۇتۋگە بولاتىن جاس سپورتشىلارمەن تولىعۋدا. الەم كۋبوگىندا ءبىز جۇلدەلى ورىنداردى الىپ كەلدىك. سپورتشىلار ۋنيۆەرسياداعا دايىندالۋدا, ەڭ كەم دەگەندە ءۇش مەدالدى جەڭۋدى ءۇمىت ەتىپ وتىرمىز». ايناش ەسالي, «ەگەمەن قازاقستان» الماتى