ساتىپ الۋ جۇيەسى جەتىلدىرىلۋدە

كەشە «سامۇرىق-قازىنا» ۇلتتىق ءال-اۋقات قورى» اق ەنشىلەس ۇيىمى «سامۇرىق-قازىنا كونتراكت» جشس ۇيىمداستىرۋىمەن ساتىپ الۋ جۇيەسى اقپاراتتىق جۇمىستارىنىڭ تانىستىرىلىمى ءوتتى. جيىندى مەكەمەنىڭ اتقارۋشى ديرەكتورى سەرىكبەك ەلشىبەكوۆ اشىپ, ءسوز سويلەدى. باسقوسۋ بارىسىندا كومپانيا اتقارۋشى ديرەكتورىنىڭ ورىنباسارى مۇحيت ماعاجانوۆ ساتىپ الۋ جۇيەلەرىنىڭ جاي-كۇيى جايىندا باياندادى. «ءبىز­دەگى بارلىق جۇيەلەر ءبىرىڭ­عاي نومەنكلاتۋرالىق  انىق­تا­ما­لىق­پەن بەكىتىلگەن.  ول ءبىز ءۇشىن وتە ماڭىزدى. سەبەبى, كوپتەگەن مەم­لەكەتتەردە مۇنداي انىقتاما جوق, ال بىزدە 160 مىڭعا تارتا كود جيناقتالعان. ءاربىر ساتىپ الا­تىن تاۋاردىڭ, قىزمەتتىڭ نەمەسە جۇمىستىڭ وزدەرىنە تيەسىلى كودتارى بار. ساتىپ الۋلاردىڭ بارلىعى  سول ساندار ارقىلى جۇزەگە اسىرىلادى. ەندى وسى ساتىپ الۋلاردىڭ بارلىعى ءبىر ەلەكتروندى جۇيەدە جۇرگىزىلەدى», دەدى م.ماعاجانوۆ. ونىڭ ايتۋىنشا, «سامۇرىق-قازىنا» ۇق» اق-قا تيەسىلى 250-گە جۋىق كومپانيا ساتىپ الۋلارىن وسى ەلەكتروندى جۇيەدە ىسكە اسىرادى. بۇل بارلىق كاسىپكەرلەرگە وتە ىڭعايلى جانە وڭتايلاندىرىلعان. سەبەبى, قۇجاتتار ءبىر جۇيە ارقىلى قا­بىل­­دانادى, ەشقايدا بارۋدىڭ قا­جەتى جوق, ۋاقىتتى ۇنەمدەيدى. ساتىپ الۋ ەلەكتروندى تاسىلمەن جۇرگىزىلەدى. «ءبىز 2009 جىلدان باستاپ پرەزيدەنتتىڭ باستاماسىمەن­ ­ارنايى زاڭ قابىلدانىپ, مەم­­لەكەتتىك ساتىپ الۋدان بوساتىل­عانبىز. نەگە دەسەڭىز, ەنشىلەس كومپانيالارىمىزدىڭ بارلىعى دەرلىك وندىرىسكە جاقىن. ءار­بىر مەكەمەنىڭ ماقساتى – كوبى­رەك پايدا تابۋ, بيۋدجەتكە كوپ سالىق تولەۋ. وزدەرىڭىز بىلە­تىن­­­دەي, الەمدەگى ەڭ ۇزدىك ءتاجى­ري­بەنى جيناپ, جاڭا قاعيدانى جا­سا­دىق. مۇندا نەگىزىنەن وڭتۇستىك كورەيانىڭ تاجىريبەسىن باس­شىلىققا الۋدامىز. دۇرى­سىن­دا, «سامۇرىق-قازىنا» ەلەكترون­دى جۇيەگە ءۇش جىل بۇرىن ءوتىپ قوي­عان. بۇگىندە ءبىر ورىندا تۇر­ماي, تەك سولاردى جاڭارتۋ ۇستىندەمىز», دەيدى كومپانيا اتقارۋشى ديرەكتورىنىڭ ورىنباسارى. شارادا «سامۇرىق-قازى­نا كەلىسىم-شارت» جشس اشىق جۇمىس توبى ساتىپ الۋ جۇيە­سىندەگى جەتىلدىرىلگەن ەلەكتروندى جۇيەنىڭ ارتىقشىلىقتارىن جان-جاق­تى ءتۇسىندىرىپ, تالقىلادى. مامان­دار ۇسىنىستار مەن ساۋ­الدارعا دا كەڭىنەن جاۋاپ بەردى. اسحات رايقۇل, «ەگەمەن قازاقستان»