قاۋىپسىزدىك شارالارىن قاتاڭ ساقتاعان ابزال

ستاتيستيكاعا سايكەس, قازاقستاندا ءورتتىڭ 68 پايىزى تۇرعىن ءۇي اۋداندارىندا بولادى, ال جاڭا جىل قارساڭىندا بۇل كورسەتكىش 82-85 پايىزعا دەيىن ارتادى. ورتالىق كوممۋنيكاتسيالار قىزمەتىندە «پيروتەحنيكانى پايدالانۋ كەزىندەگى ساقتىق جانە قاۋىپسىزدىك تەحنيكاسىن ساقتاۋ شارالارى» تاقىرىبىندا وتكەن بريفينگ بارىسىندا توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ وسىنداي دەرەكتەر كەلتىرىپ ءوتتى. ونىڭ ايتۋىنشا, مەملەكەتتىك ورتكە قارسى قىزمەت ينسپەكتورلارى ادامدار كوپ باراتىن جاڭاجىلدىق ءىس-شارالار وتكىزىلۋى مۇمكىن جەرلەردە قىزمەتكەرلەر قۇرامى ءۇشىن ءورت قاۋىپسىزدىگى قاعيدالارى تۋرالى نۇسقاۋلار جۇرگىزەدى. جاڭاجىلدىق مەرەكە وتەتىن اكىمشىلىك نىساندارعا ەرەكشە جاۋاپكەرشىلىك جۇكتەلدى. «مۇنداي تۇتانۋلاردىڭ باسىم كوپشىلىگى تۇرعىن ءۇي سەكتورىن­دا بولاتىنىن اتاپ ءوتۋ قاجەت. بۇل – مەم­­لەكەتتىك ءورت باقىلاۋ تۇرعى­سىنان رەتتەلمەيتىن سالا. ستاتيستيكا بويىن­شا, قازاقستاندا ءورتتىڭ 68 پايىزى تۇر­عىن ءۇي اۋداندارىندا بولادى, ال جاڭا جىل قارساڭىندا بۇل كورسەتكىش 82-85 پايىزعا دەيىن ارتادى», – دەپ اتاپ ءوتتى ر.يمانقۇلوۆ. سونىمەن قاتار, ول پەتاردالار, وت شاشۋلار, بەنگال وتتارىن ساتىپ الۋ كەزىندە, ولاردى قولدانۋدا ساق بولۋ قاجەتتىگىنە نازار اۋداردى. «ەڭ الدىمەن, ءونىمنىڭ سەر­تي­في­كاتتالعانىن ءبىلىڭىز, پيرو­تەح­ني­كانى پايدالانۋ قاعيدالارىمەن ءمىن­دەتتى تۇردە تانىسىڭىز. ولاردىڭ ساق­تالۋ جانە قولدانۋ مەرزىمىنە نازار اۋدارۋدى ۇمىتپاڭىز. پيرو­تەح­نيكانى قولدانۋ كەزىندە شىلىم شەگۋگە مۇلدەم تىيىم سالىنادى. راكەتالاردى اۆتوموبيل تۇ­راق­­تا­رىنىڭ ماڭايىندا ۇشىرۋعا بولماي­دى. 100 مەترلىك راديۋستا ءورت قاۋپ­ى بار نىساندار بولماۋعا ءتيىس. كو­رەر­مەندەر وت شاشۋدى جىبەرەتىن اۋماق­تان 35-50 مەتر قاشىقتىقتا, جەل­سىز جاعىندا تۇرۋى قاجەت», – دەدى ءتو­تەن­شە جاعدايلار كوميتەتىنىڭ رەسمي وكىلى. ءوز كەزەگىندە ىشكى ىستەر ميني­س­ترلى­گى اكىمشىلىك پوليتسيا كومي­تەتى­نىڭ وكىلى مارات وتىنشين پيرو­تەح­ن­يكالاردى ارنايى رۇقسات ەتىلگەن دۇكەن­دەردەن ساتىپ الۋعا كەڭەس بەر­دى. جانە ول 2016 جىلعى 12 جەل­توق­سان مەن 2017 جىلعى 5 قاڭتار ارا­­لىعىندا «پيروتەحنيكا» اتتى جە­دەل-پروفيلاكتيكالىق ءىس-شارا جۇرگى­زىلىپ جاتقانىن مالىمدەدى. «ءىس-شارا رۇقسات ەتىلمەگەن, سونداي-اق, رۇقسات بەرۋ قۇجاتتارى جوق پي­رو­تەحنيكالىق بۇيىمداردى ساتۋ فاكتى­لە­رىن انىقتاۋعا باعىتتالعان, ادامدار جاپپاي جينالاتىن ورىنداردى تەكسەرۋگە ەرەكشە كوڭىل بولىنەدى», – دەپ اتاپ ءوتتى م.وتىنشين. ايدار ورىسباەۆ, «ەگەمەن قازاقستان»