الياسكا مالامۋتتارى – التايدا

باتىس التايدىڭ باۋىرىنداعى ريددەر قالاسىنان ءوتىپ, قالىڭ تاي­گاعا سۇعىنا تۇسكەندە الدى­ڭىزدان «گروموتۋحا» اتتى دەمالىس بازاسى كورىنەدى. وسى تۋريستىك ورتالىققا كەلۋشىلەردىڭ نازارى الدىمەن ەكى يت سۇيرەپ جۇرگەن شاناعا اۋا­تىنى راس. ادەتتە, يت جەككەن سىرعىمالاردى ءبىز ءسى­بىردە تۇراتىن حالىقتار تۋرالى دەرەكتى فيلم­دەردەن عانا كورەتىنبىز. مۇ­نىڭ دا سودان ايىرماسى جوق. ءويت­كەنى, الياسكا مالا­مۋتتارى ادام وتىرعان شانانى الشاڭ باسا ءسۇي­رەيدى. الياسكا مالامۋتتارى دە­مەك­شى, باعزىدا ماڭگى قار باسقان مەكەندە ەسكيموستار قولعا ءۇي­رەتكەن قاسقىرتەكتەس تۇقىمدى قىزىعا تاماشالادىق. بورىگە تۋىس­تىعى ۇرمەيتىندىگى مەن ءتۇر-تۇسىندە سياقتى. نەگىزىنەن تىرسەكتى, مىعىم كەلەتىن بۇل تۇقىم ادامدارعا وتە ۇيىرسەك بولادى ەكەن. اسىرەسە, با­لا­لاردى جاقسى كورەدى. ەركەگى – ارەس, ۇرعاشىسى – كۇمىس حانشايىم ولەنسيا دەگەن اتقا يە مالامۋتتاردىڭ قوجايىنى سەرگەي نام ۆەتەريناريا سالاسىندا جۇ­مىس ىستەسە, قىزى انگەلينا وم­بىدا كينولوگ ماماندىعىن وقىپ ءجۇر. – رەسەيگە ءجيى بارامىز. ءسىبىر ورماندارىندا بۇعىنى دا, ءيتتى دە شاناعا جەگىپ جۇرەدى. تايگادا تۇرعاندىقتان, بىزگە دە بۇل ءۇر­دىستى ەنگىزۋگە بولادى عوي دەپ ويلا­دىم. وسىنداي قىزمەتتەر ار­قى­لى عاجايىپ ورمان-سۋىمىز­دى تانىتقىمىز, ءتۋريزمدى دامىت­قىمىز كەلەدى, – دەيدى س.نام. ول بىرەۋىنىڭ ءوزى 200-300 مىڭ تەڭگەگە باعالاناتىن مالامۋت كۇ­شىكتەرىن رەسەيدەن الىپ كە­لىپتى. يتتەر قيقۋلاتقاندى ۇنا­­­­تادى ەكەن. ايعايعا سۇرەڭ قو­سىل­عاندا شابىسىن ۇدەتە ءتۇ­سەدى, شانانى قينالماي سۇيرەيدى. توق­تاتاردا شانانىڭ ارتىنداعى تەمىر تەجەگىشىن باس­ساڭىز بولدى. جال­پى, ارەس تە, ولەن­سيا دا ءتىل­ال­عىشتىعىمەن, جا­تىر­قاماي­تىن­دىعىمەن ءتانتى ەتتى. دۋمان اناش, «ەگەمەن قازاقستان» شىعىس قازاقستان وبلىسى