استانادا تۋبەركۋلەزگە قارسى ديسپانسەر اشىلدى

استانادا ەلىمىزدەگى ەڭ ءىرى تۋبەركۋلەزگە قارسى ديسپانسەر اشىلدى, دەپ حابارلادى ەلوردا اكىمدىگىنىڭ ءباسپاسوز قىزمەتى. بۇگىن ەلوردا اكىمى اسەت يسەكەشەۆكە استانا قالاسىنىڭ تۋبەركۋلەزگە قارسى جاڭا ديسپانسەرى تانىستىرىلدى. ءىرى مەديتسينالىق مەكەمە جەلەزنودوروجنىي كەنتىندە قىرقىنشى ستانتسياعا جاقىن ورنالاسقان جانە 9 بلوكتان تۇرادى. قۇرىلىسى 2008 جىلى باستالعان نىسان بيىل تاپسىرىلىپ وتىر. «زاماناۋي كەشەنگە يە بولۋ ءبىزدىڭ ارمانىمىز بولاتىن. ءتۇرلى كورپۋستاردا 4-تەن 6 قاباتقا دەيىن بار. بىراق ەڭ باستىسى - بۇل ءبىر جانە ەكى ورىندىق پالاتالار جانە ولار بارلىق سانيتارلىق نورمالارعا جاۋاپ بەرەدى», - دەپ اتاپ كورسەتتى «استانا ق. تۋبەركۋلەزگە قارسى ديسپانسەرى» مم باس دارىگەرى راۋزا ءجۇسىپوۆا. جاڭا كەشەن ءتورت ەمدەۋ كورپۋسىنان تۇرادى. اۋرۋحانا زاماناۋي قۇرال-جابدىقتارمەن جاراقتالعان. دارىگەرلەردىڭ ايتۋىنشا, تاعى ءبىر ارتىقشىلىق - 12 توسەك ورىنعا ەسەپتەلگەن رەانيماتسيالىق بولىمشە, بۇل ەلىمىزدە جۇمىس ىستەيتىن ديسپانسەرلەردىڭ ىشىندەگى ەڭ ۇلكەن بولىمشە سانالادى. كەشەن 500 ناۋقاستى قابىلداي الادى, ولارعا 1000 ۇزدىك مامان قىزمەت كورسەتەدى. اتاپ وتەرلىگى, ستاتيستيكاعا سايكەس, استانادا تۋبەركۋلەزبەن اۋىراتىندار سانى ءتورت ەسە ازايعان. 2008 جىلى 218 ناۋقاس بولسا, بۇگىنگى كۇنى ناۋقاستار سانى - 58 ادام.