جۋرناليست تولەن تىلەۋبايدىڭ كىتابى شىقتى

26 جەلتوقساندا استاناداعى قر ۇلتتىق اكادەميالىق كىتاپحاناسىندا قازاقستان جۋرناليستەر وداعىنىڭ مۇشەسى, جۋرناليست تولەن تىلەۋبايدىڭ «تاۋەلسىزدىك - تۇمارىم» اتتى جاڭا كىتابىنىڭ تۇساۋكەسەرى ءوتتى. اتالعان شاراعا ساياساتتانۋشى كەنجەبولات جولدىباي, جۋرناليست تالعات باتىرحان, ءدىنتانۋشى-عالىم ومار جالەل, "قازاقستان" رترك اق ينتەرنەت-رەداكتسياسىنىڭ جەتەكشىسى مەيرامحان جاپەك قاتىستى. جاڭا جيناق قازاقستان تاۋەلسىزدىگىنىڭ 25 جىلدىعىنا وراي «BAQORDA» باسپاسىنان باسىلىپ شىقتى. وعان اۆتوردىڭ ءار جىلدارى قازاق باسپاسوزىندە جاريالانعان سۇحباتتارى, ساراپتامالىق ماقالالار جانە پۋبليتسيستيكالىق شىعارمالارى توپتاستىرىلعان. «تاۋەلسىزدىك - تۇمارىم» - ءجۋرناليستىڭ ەكىنشى جيناعى. بۇعان دەيىن ونىڭ «ولكە» باسپاسىنان «الاساپىران امەريكا» اتتى تۇڭعىش كىتابى جارىققا شىققان بولاتىن. ءبىر ايتا كەتەرلىگى, ت.تىلەۋباي قاراعاندىدا جاڭادان جارىق كورگەن «سانا», رەسپۋبليكالىق «استانا اقشامى», «جاس قازاق» گازەتتەرىندە, «قازاقستان تەمىر جولى» ۇلتتىق كومپانياسىندا, قر پرەمەر-ءمينيسترى كەڭسەسىنىڭ ۇكىمەتتىك باسىلىمدار رەداكتسياسىندا قىزمەت ەتكەن. ول «ەۋرازيا ساقيناسى» اتتى ەۋرازيا جاستارىنىڭ اقپاراتتىق فورۋمىنىڭ ديپلومانتى, «شابىت - 2003» حالىقارالىق شىعارماشىل جاستار فەستيۆالىنىڭ «جۋرناليستيكا» اتالىمى بويىنشا گران-پري يەگەرى.