قر اكم-دە كوميتەت توراعاسى سايلاندى

قر اكم بايلانىس, اقپاراتتاندىرۋ جانە باق سالاسىنداعى مەملەكەتتىك باقىلاۋ كوميتەتىنىڭ توراعاسى سايلاندى, - دەپ حابارلايدى egemen.kz مينيسترلىكتىڭ سايتىنا سىلتەمە جاساپ. "بۇگىن قازاقستان رەسپۋبليكاسى اقپارات جانە كوممۋنيكاتسيالار مينيسترلىگىندە ءادىل عالىمجان ۇلى قوجىقوۆ قر اكم بايلانىس, اقپاراتتاندىرۋ جانە باق سالاسىنداعى مەملەكەتتىك باقىلاۋ كوميتەتىنىڭ توراعاسى بولىپ سايلاندى", - دەلىنگەن حابارلامادا. ءادىل قوجىقوۆ 1978 جىلى تۋعان, ءال-فارابي اتىنداعى قازاق ۇلتتىق ۋنيۆەرسيتەتىن "ساياساتتانۋ" ماماندىعى بويىنشا تامامداعان. وزىنىڭ ەڭبەك جولىن 2000 جىلى ورتالىق ازيا ساياسي زەرتتەۋلەر اگەنتتىگىندە عىلىمي قىزمەتكەر بولىپ باستاعان. ار جىلدارى قر پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىندا, قر ءسىم جانىنداعى سىرتقى ساياسات جانە تالداۋ ورتالىعىندا جۇمىس ىستەگەن. 2005-2011 جىلدار ارالىعىندا قر پرەزيدەنتىنىڭ اكىمشىلىگىندە ءتۇرلى لاۋازىمداردا قىزمەت اتقارعان: قاۋىپسىزدىك كەڭەسى حاتشىلىعىنىڭ اعا ساراپشىسى, اقپاراتتىق-تالداۋ ورتالىعىندا سەكتور مەڭگەرۋشىسى, ءباسپاسوز حاتشىنىڭ ورىنباسارى, ستراتەگيالىق ازىرلەمەلەر جانە تالداۋ ورتالىعى مەڭگەرۋشىسىنىڭ ورىنباسارى. 2011-2012 جىلدارى - قر بايلانىس جانە اقپارات مينيسترلىگى "تەلەكوممۋنيكاتسيا سالاسىنداعى تەحنيكالىق سۇيەمەلدەۋ جانە تالداۋ ورتالىعى" رمك ديرەكتورىنىڭ ورىنباسارى, 2013-2014 جىلدارى - قر پرەمەر-ءمينيسترى كەڭسەسى اقپاراتتىق-تالداۋ ورتالىعىنىڭ مەڭگەرۋشىسى, 2014 جىلعى ءساۋىر - 2016 جىلعى قىركۇيەك ارالىعىندا "تالداۋ جانە اقپارات ورتالىعى" شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ ديرەكتورى لاۋازىمىن اتقاردى. 2016 جىلعى قازان-جەلتوقسان ارالىعىندا - قر اقپارات جانە كوممۋنيكاتسيالار ءمينيسترىنىڭ كەڭەسشىسى.