يراندا قازاقستان ازاماتتارى سوتتالماعان

بۇگىن پارلامەنت سەناتىنىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا قر باس پروكۋرورىنىڭ ءبىرىنشى ورىنباسارى يوگان مەركەل يراندا قازاقستاندىقتاردىڭ سوتتالماعانىن مالىمدەدى. وتىرىستا «قازاقستان رەسپۋبليكاسى مەن يران يسلام رەسپۋبليكاسى اراسىنداعى سوتتالعان ادامداردى بەرۋ تۋرالى كەلىسىمدى راتيفيكاتسيالاۋ تۋرالى» قر زاڭ جوباسىن تالقىلاندى. يوگان مەركەلدىڭ ايتۋىنشا, يرانمەن قاتىناستار دامىعاننان بەرى كاسىپكەرلىك جانە تۋريزم باعىتىندا ەل ازاماتتارىنىڭ اتالعان مەملەكەتكە ساپارلارى جيىلەپ كەلەدى. تەك بيىل يرانعا ءبىزدىڭ 350 ازاماتىمىز بارسا, قازاقستانعا 2 مىڭنان استام يراندىق كەلگەن. «سوڭعى 10 جىلدا 5 يراندىق ءبىزدىڭ ەلدە سوتتالعان جانە ولاردىڭ سوڭعىسى قاراشا ايىندا بوستاندىققا شىعىپ, ەلىنە ورالدى. دەگەنمەن, يراندا ءبىر قازاقستاندىق اباقتىعا قامالعان, كەيىننەن ول راقىمشىلىققا ىلىكتى. بۇگىندە سوتتالعاندار جوق», - دەدى ول. ەكى ەل اراسىندا سوتتالعانداردى بەرۋ ۇدەرىستەرى كەلىسىلدى. ەگەر دە يراندا قازاقستاندىق بۇزاقىلىق ءۇشىن قاماۋعا الىنسا, ۇكىم زاڭدى كۇشىنە ەنگەننەن كەيىن ول نەمەسە ونىڭ زاڭدى وكىلى ەلىمىزدىڭ كونسۋلدىق مەكەمەلەرى ارقىلى جازانى ودان ءارى وتەۋى ءۇشىن قازاقستانعا اۋىستىرۋ تۋرالى پروكۋراتۋعا ءوتىنىش جاساۋى ءتيىس. سوتتالعانداردى ءوزارا بەرۋ شارالارى ەگەمەندىككە, قوعامدىق تارتىپكە نۇقسان كەلتىرگەندە, ەكى تاراپتىڭ زاڭناماسىنا جانە مۇددەلەرىنە قايشى كەلگەندە باس تارتىلۋى مۇمكىن.