ءومىردىڭ ءوزى جاڭالىق

«حابار 24» ارناسى – تاۋلىگىنە جيىرما ءتورت ساعات اقپارات تاراتاتىن قازاقستانداعى تۇڭعىش جانە بىرەگەي ارنا. جاڭا ماۋسىمدا تەلەارنادا رەبرەندينگ جۇرگىزىلگەن بولاتىن. بۇل وزگەرىستەر ارناعا قالاي اسەر ەتتى جانە بولاشاقتاعى جوسپارلارى جونىندە تولىعىراق ءبىلۋ ءۇشىن ارنا باسشىسى ارمان سەيىتمامىتپەن اڭگىمەلەسكەن ەدىك. – ارمان بالتاباي ۇلى, «حابار 24» ارناسىنىڭ قۇرىلعانىنا 4 جىل بولدى. وسى ۋاقىت ارالىعىندا ارنانىڭ ءوز اۋديتورياسى قالىپ­تاسىپ ۇلگەردى مە؟ قالاي ويلايسىز؟ – 4 جىل كوپ ۋاقىت ەمەس, دەگەنمەن تولىعىمەن قالىپتاسىپ ۇلگەردى. ءبىزدىڭ ۇجىم وسى ماقساتتا تاڭنىڭ اتىسىنان, كۇننىڭ باتىسىنا دەيىن قىزمەت ەتىپ, تاۋلىگىنە جيىرما ءتورت ساعات بويى ەلىمىزدەگى جانە شەت مەملەكەتتەردەگى جاڭالىقتى ءبىرىنشى بولىپ جەتكىزىپ ءجۇر. ارنادا تەلەحيكايا, كينو نەمەسە كونتسەرتتىك جوبالار كورسەتىلمەيدى, تەك اقپاراتتىق-تانىمدىق حابارلاردى جانە جاڭالىقتاردى ۇسىنامىز. ولاردىڭ بارلىعى ءجۇز پايىز وتاندىق ءونىم. سونىمەن قاتار تىلشىلەردىڭ الدىنا قويىلاتىن مىندەت – جاڭالىقتاردىڭ شىنايىلىعى مەن جەدەلدىگى. اقپارات تەكسەرىلگەن, ەشقانداي بوياۋسىز, ەكى جاقتىڭ دا پىكىرى بار, ءجۋرناليستىڭ جەكە ويىنسىز بەرىلەدى. مۇنىڭ ءبارى ماتەريالدىڭ قۇندى, سەنىمدى, دايەكتى بولۋىنا الىپ كەلەدى. سوندىقتان, كورەرمەن ءبىزدىڭ ارناداعى جاڭالىقتىڭ شىندىققا نەگىزدەلگەنىنە ەش كۇمان­دان­باسا بولادى. جالپى ءبىزدى كورە­تىن­دەر ساياساتتان حابارى بار, قوعام ومىرىنە بەلسەنە ارالاساتىن, جوعارى ءبىلىمدى ادامدار. – جوعارىدا ايتىپ كەتكەنى­ڭىز­دەي, سىزدەردە ويىن-ساۋىقتىق باعدار­لا­ما­لار جوق. ەفيردەگى جوبالاردىڭ بارلىعى ەكونوميكا, بيزنەس, تۋريزم سىندى سالالارعا ارنالعان. مۇنداي حابارلارعا كورەرمەن تاراپىنان سۇرانىس بار ما؟ – قازىر تەلەارنالاردا «رەيتينگ» دەگەن تۇسىنىك بار. كوپتەگەن ارنالار جوعارى رەيتينگ ءۇشىن تالاسىپ, سانى بار, ساپاسى جوق جوبالاردىڭ سانىن كوبەيتتى. ال, ءبىز رەيتينگ ءۇشىن قىزمەت ەتپەيمىز, جاساپ جاتقان دۇنيەلەرىمىز دە رەيتينگپەن ولشەنبەيدى, باس­تىسى – كورەرمەنگە ساپالى ماتەريال ۇسىنۋ. اۋديتوريانىڭ پىكىرىن ەسكە­رە وتىرىپ, جەدەل ءارى قىزىقتى جاڭا­لىقتار كورسەتىپ كەلەمىز. قا­زىر­گى تاڭ­دا «حابار 24» تەلەارناسىن بۇكىل قازاق­ستاندىقتار تاماشالاي­دى, 8 ميلليوننان استام ادام سايت قول­دا­نۋشىسى, 60 ميلليوننان اس­تام ادام «YouTube» جەلىسىندەگى پاراق­شا­مىزعا كىرگەن. ءتىپتى, جاقىندا عانا رەس­پۋب­ليكالىق بۇقارالىق اقپارات قۇ­رال­دارىنىڭ باسشىلارىمەن كەزدەس­كەن ەلباسىمىزدىڭ ءوزى: «حابار 24» ارنا­سىن كورەمىن, وتە جاقسى كانال. اق­پاراتتى شىنايى تۇردە بەرىپ وتىر» دەپ, ارنامىزعا وڭ باعاسىن بەردى. مۇنان ارتىق نە باعا كەرەك؟! بۇل ءبىزدىڭ دۇرىس باعىتتا كەلە جاتقانىمىزدىڭ كورسەتكىشى. سونىمەن بىرگە, ءبىزدىڭ ستراتەگيالىق دامۋ دەپارتامەنتىنىڭ قىزمەتكەرلەرى «حابار 24-كە» قاتىستى ساۋالناما ءجۇر­گى­زىپ جاتىر. «ءبىزدىڭ ارنامىزدان قان­داي باعدارلاما كورگىڭىز كەلەدى؟», «قانداي تاقىرىپتار قوزعالۋى كەرەك؟» جانە «ارنا جۇرگىزۋشىلەرى ۇسىن­عان جاڭالىقتارعا سەنەسىز بە؟» دەگەن سياقتى سۇراقتاردىڭ جاۋابى دايىن­دالىپ, ناتيجەلەرى شىققان سوڭ ساراپتا­ما جاسالادى, بولاشاقتا سول باعىتتا جۇمىس ىستەيمىز. – وسى ماۋسىمدا رەبرەندينگ ءجۇر­گىزىلدى. ارنانىڭ كونتەنتى­ن­دە وزگە­رىس بار ما؟ جاڭا باعدار­لا­ما­لار­عا توقتالىپ كەتسەڭىز.... – «حابار 24» العاشقى كۇننەن باس­تاپ تاۋلىك بويى جاڭالىقتار تارا­تاتىن ارنا رەتىندە قۇرىلدى. ماق­­ساتىمىز – اقپاراتتى ءبىرىنشى بولىپ جەتكىزۋ. سوندىقتان, بۇل جىلى دا كوپ وزگەرىس بولعان جوق. جوعارى­دا ايتقا­نىم­داي, بۇعان دەيىن جاڭالىق­تار­دى قا­لاي بەردىك, سولاي بەرىپ ءجۇرمىز. شىنشىلدىق, جەدەلدىك, ادىلدىك – بۇل ءبىزدىڭ باستى تالاپ. جاڭا ماۋسىمدا تىكەلەي كورسەتىلىمدەردىڭ سانى ارتتى. وسى جىلى ءبىز 354 رەت تىكەلەي قوسىلىم ۇيىمداستىرىپ, جاڭالىقتارعا 29 460 سيۋجەت ازىرلەدىك. ورتالىق كوممۋنيكاتسيالار قىزمەتىندە وتەتىن مەملەكەتتىك ماڭىزى بار ءىس-شارا ءبىزدىڭ ارنانىڭ تىكەلەي ەفيرى ارقىلى كورسەتىلەدى. ماسە­لەن, رەسپۋبليكامىزدىڭ بارلىق وبلىس­تارىنىڭ اكىمدەرىنىڭ ەسەبىن, مينيستر­لەر مەن ۇكىمەت وتىرىس­تارى­نىڭ قورىتىندىسىن كورەرمەن ءدال ءبىز­دىڭ ارنا ارقىلى كوردى. تەحنيكالىق ءمۇم­­كىندىكتەرىمىز جاقسارىپ, ءونىم­دەرىمىز­­دىڭ ساپاسى ارتا ءتۇستى. كورەر­مەن­گە مادە­نيەت, سپورت, تۋريزم جانە ەكو­نو­ميكا سالالارىنا قاتىستى پايدالى اقپارات بەرىپ كەلەمىز. جوبا­لار­دى دايىندايتىن پروداكشن كوم­پانيالارعا قويىلاتىن تالاپ­تار وزگەردى. بۇرىن اقپاراتتىق-تانىم­دىق حابارلارعا تاپسىرىس بەرسەك, قازىر اقپاراتتىق-ساراپتامالىق باع­دار­­لامالاردى تالاپ ەتۋدەمىز. مى­سال ءۇشىن ايتساق, «باستاۋ كەرەك» باعدار­لاماسى قوسىلدى. كىشىگىرىم توك-شوۋ جانرىنداعى جوباعا ءارتۇرلى كەيىپ­كەر­لەر كەلىپ, ءوز باسىنداعى كۇردەلى ماسە­لەلەرىمەن بولىسەدى. ستۋدياعا سول ماسە­لەگە قاتىسى بار سالا ماماندارى شاقىرىلىپ, ءتۇيىننىڭ تۇيتكىلىن شەشۋگە تىرىسامىز. سونىمەن بىرگە «درايۆ» جوباسىن ۇسىندىق. قازىرگى زاماندا ەرلەر بولسىن, ايەلدەر بولسىن كولىككە وتە قاتتى قىزىعادى. سون­دىقتان اۆتوكولىك جايىندا ارنايى باعدارلاما اشۋدى ءجون كوردىك. جاڭا حاباردىڭ اۆتورلارى ەلىمىزدە جانە بۇكىل الەمدە شىعارىلىپ جاتقان اۆتوكولىك ءوندىرىسىنىڭ جاڭالىقتارى مەن دامۋ بارىسى تۋرالى ءسوز ەتەدى. بۇل وتاندىق جانە شەتەلدىك كولىكتەر تۋرالى شىنايى جانە كاسىبي تۇرعىدان جاسالعان شولۋ. مادەني جاڭالىقتاردى ىزدەگەن ادامدار ءۇشىن «مادەنيەتكە سايا­حات» دەگەن حابار اشتىق. ۇلى دالا­نىڭ مادەني ءومىرى جاندانىپ تۇر. سوناۋ ىقىلىم زاماننان باستاپ, كۇنى بۇگىنگە دەيىن ەلىمىزدىڭ بارلىق ءوڭىر­لەرىندە ءان, بي, كورمەلەر, سان الۋان قويىلىمدار, كونتسەرتتىك شارالار ءجيى-ءجيى ۇيىمداستىرىلادى, سونىڭ ءبارى جاڭالىق. ءبىز كوپ ۇلتتىڭ باسىن بىرىكتىرىپ, ءبىر ارناعا توعىستىرعان, ىنتىماعى مەن بىرلىگى جاراسقان مەملەكەتپىز. سول ۇلتتاردىڭ مادەنيەتى مەن ءداستۇرىن, بۇگىنگى جاعدايى تۋرالى بەينەلەيتىن «شاڭىراق» اتتى جاڭا جوبا جارىققا شىقتى. سونىمەن قاتار, «وليمپ», «ساياحات», «زاڭ جوباسى», «حايتەك» سىن­­دى كوپتەگەن حابارلار بار. دەگەن­مەن, تاعى قايتالاعىم كەلەدى, ءبىز – جاڭا­لىقتار ارناسىمىز. «ءومىردىڭ ءوزى­ جاڭالىق» دەگەن ۇراندى ۇستانعان ارنا رەتىندە ءبىز ءۇشىن ءبىرىنشى كەزەكتە – جاڭالىقتار! – ۆۆس قىزمەتكەرلەرى «ءبىر ساعات­قا­ كەشىككەن جاڭالىق جاڭا­لىق ەمەس», – دەيدى. ال ءسىزدىڭ جۋرناليستەر قان­داي ۇستانىم بويىنشا جۇمىس ىستەي­دى؟ – ەلباسى ايتقانداي, «حابار 24» –  ەلىمىزدىڭ باستى اقپاراتتىق ارناسى. ال, اقپارات دەگەنىمىز نە؟ ول – ماتەريالدى دەر كەزىندە بەرۋ, بىراق تولىققاندى, شىنايى ەتىپ ۇسىنۋ. جاڭالىقتاردا ەشقاشان جالعان سويلەۋگە بولمايدى. بىرىنشىدەن, تەكسەرىلمەگەن مالىمەت بەرىپ, كورەرمەن سەنىمىنەن ايىرىلاسىڭ. ەكىنشىدەن, «ايتىلعان ءسوز اتىلعان وقپەن تەڭ» دەگەن اتا-بابامىز. ءبىز مەم­لەكەتتىك ماسەلەلەر توڭىرەگىندە ءسوز قوزعاعاندىقتان, ءاربىر سوزگە جاۋاپ­كەرشىلىكپەن كەلەمىز. وقيعا قايدا, قاشان جانە قالاي بولدى, ادام شىعىنى بار ما دەگەن سياقتى ماسەلەلەردى ناقتى انىقتاعان سوڭ عانا, ەفيرگە بەرىلۋى ءتيىس. اقيقاتتى انىقتاۋ ءار قالاي بولادى, كەيدە بۇل ءبىر ساعات ۋاقىتتى الۋى مۇمكىن, ال كەيدە رەسمي ورگانداردان جاۋاپ كۇتىپ قالامىز. ايتىپ كەتكەندەي, تىكەلەي ەفير سانى ارتتى. وقيعا ورنىنا ءتىلشىمىز بارىپ, بىردەن حالىقپەن بايلانىسقا شىعادى. ودان ارتىق, ودان تەز جۇمىس ىستەۋ مۇمكىن ەمەس سياقتى. سوندىقتان ءبىزدىڭ ۇستانىم جىلدامدىقپەن قاتار شىنايىلىق دەۋ­گە بولادى. – زامان تالابىنا ساي ادامدار جاڭالىقتاردىڭ بارلىعىن الەۋ­مەت­تىك جەلىلەر ارقىلى وقىپ, قاراپ ءجۇر. سىزدەر دە بۇل جاعى ەسكەرىلۋدە مە؟ – ارينە, ول جاعىن دا ەسكەردىك. ءبىز­دىڭ ارنانىڭ رەسمي سايتى بار – «24.kz». ول ەفيردىڭ ايناسى سياقتى, تەلەديدارعا شىققان كونتەنتتىڭ بار­لىعى سول جەردە ساقتاۋلى. ونىڭ ۇستىنە ەفيرگە شىعا بەرمەيتىن كەيبىر ەكسكليۋ­زيۆتى ماتەريالداردى سايتتان قاراۋعا بولادى. ەڭ باستىسى «حابار 24» سايتى قولدانۋعا وڭاي, جاڭا­لىقتاردى ىزدەۋ بارىسى جەڭىل, وقىر­مان ءۇشىن ىڭعايلى ەتىپ جاسالعان. سون­داي-اق بارلىق الەۋمەتتىك جەلىلەر­دە پاراقشالارىمىز بار, ءموبيلدى قوسىمشامىز دا جۇمىس ىستەيدى. – ارنانىڭ جۇمىسى, كونتەنتى تۋ­رالى تولىق بىلدىك. تاعى قانداي ماقتانىشتارىڭىز بار؟ – قازاقستاننىڭ بارلىق ايماق­تا­رىن­دا ارنايى تىلشىلەر قوسىنى جۇمىس ىستەي­دى. ولار كەز كەلگەن ۋاقىتتا تىكە­لەي ەفيرگە شىعۋعا مۇمكىندىك بەرەتىن جىل­جىمالى تەلەۆيزيالىق ستانسالار­مەن قامتىلعان. سونىمەن بىرگە, قىتاي, رەسەي, وڭتۇستىك كورەيا, تۇركيا, اقش جانە ەۋروپا مەملەكەتتەرىندە 8 رەسمي ءتىلشىمىز جانە 5 فريلانسەرىمىز بار. كەلەسى جىلى قوسىمشا 6 فريلان­سەرمەن جۇمىس ىستەۋدى جوسپارلاپ وتىر­مىز. مۇنى ماقتانىشپەن ايتا الا­مىن. جۋرناليستەرىمىز ءوز ىستەرىنىڭ شە­بەرى, شاما-شارقى كەلگەنشە جاقسى جۇمىس ىستەپ جاتىر, بەرگەن تاپسىرمانى دۇرىس ورىنداپ كەلەدى. – اڭگىمەڭىزگە راحمەت. اڭگىمەلەسكەن گۇلنۇر وتجانقىزى