الىپ اققالا

شىعىستىڭ شۇعىلالى دا شۇرايلى جەرىنىڭ ءبىرى شە­مونايحادا قار قالىڭ ءتۇسىپتى. ءالسىن-ءالسىن كۇرەلىپ جاتقان جولمەن كولىگىمىز شاناداي سىرعىپ كەلەدى. زەۆاكينو ەلدى مەكەنىنەن وتكەنىمىزدە, جول شەتىندە الدەبىر الىپ ادام قول بۇلعاعانداي بولدى. دەرەۋ توقتاساق تا العا وزىپ كەتىپپىز. شەگىنشەكتەي اپپاق تاۋداي قاردىڭ قاسىندا قاراڭ-قۇراڭ ەتكەن جىگىتتەرگە كەلدىك. مىنە, قىزىق, بىزگە قول بۇلعاعان الىپ اققالا ەكەن. بيىكتىگى – 3 مەتردەي. اققالانىڭ باسىنا شەلەك كيگىزىلىپ, كوزى, اۋىزى مەن مۇرىنى تەحنيكا بولشەكتەرىنەن جاسالعان. قولىنا اۋلا سىپىرتقىسىن ۇستاعان. ساتىعا شىعىپ, اققالا سوعىپ جاتقان اندرەي اربۋزوۆ جانىن­داعى كومەكشىلەرىمەن بىرگە «ساحاروۆ» شارۋا قوجالى­عىندا ەڭبەك ەتەتىنىن جەتكىزدى. – جاڭا جىل قارساڭىندا قوجالىعىمىزدىڭ قاسىنان ءارى-بەرى وتەتىن جولاۋشىلارعا جاقسى كوڭىل-كۇي سىيلاۋ ءۇشىن الىپ اققالا تۇرعىزدىق. وتكەن جىلى ءبىر اققالا سوققان ەدىك, بيىل ەكى اققالا جاساماقپىز, – دەدى ول. بىرەۋىن اياقتاپ, ەكىنشىسىنە كوشكەن «ساحاروۆتىقتار» اققا­لانىڭ الىپ شارلارىن ار­نايى قالىپتارمەن قۇيادى ەكەن. اندرەيدىڭ ايتۋىنشا, اققالانىڭ جانىنا فوتوسۋرەتكە تۇسەتىندەر كوپ. اسىرەسە, بالا­لاردىڭ كوڭىلىن كوتەرەتىن تۋىن­­دىعا تەز-اق اينالىپ ۇلگەرەدى. دۋمان اناش, «ەگەمەن قازاقستان» شىعىس قازاقستان وبلىسى, شەمونايحا اۋدانى سۋرەتتى تۇسىرگەن عىلىمبەك سəبيتوۆ