مال شارۋاشىلىعى ونىمدەرىنىڭ ءوندىرىسى ارتادى

مال شارۋاشىلىعى ونىمدەرىنىڭ ءوندىرىسى ارتادى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە قر اشم مال شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتى ديرەكتورى ە. احمەتوۆ ايتتى. ونىڭ ايتۋىنشا, بۇعان قول جەتكىزۋ ءۇشىن ەلدىك اۋقىمداعى جەم بالانسى ازىرلەنىپ, قوسپا جەم كولەمى 1,3 ملن. تونناعا ارتپاق جانە قۇراما جەم زاۋىتتارىنىڭ جۇكتەلىمى 48%-دان 80%-عا دەيىن ۇلعايادى. سونداي-اق, سۋارمالى جايىلىمدار ايماعى 18 ملن. گا ۇلعايماق. جالپىلاي العاندا, جاڭا باعدارلامانى ىسكە اسىرۋ اۋىل شارۋاشىلىعى ونىمدەرىن شىعارۋدى 1,3 ەسەگە ارتتىرىپ, جالپى سوماسى 3,3-تەن 4,3 ترلن. تەڭگەگە وسپەك. اتاپ ايتقاندا, ەڭبەك ونىمدىلىگى 50%-عا ارتىپ, 1,2 ملن.-نان 1,9 ملن. تەڭگەگە جەتپەك جانە دە 500 مىڭ اۋىل شارۋاشىلىعى جقش مەن شارۋا قوجالىعى كووپەراتيۆتەر ارقىلى ءونىم جىلجىتۋ جۇيەسىنە تارتىلماق, اۋىل شارۋاشىلىعى وندىرۋشىلەرىن مەملەكەتتىك قولداۋدىڭ كولەمى 7 ەسەگە ارتپاق. ال اۋىل شارۋاشىلىعى ونىمدەرىن قايتا وڭدەۋ مەن قايتا وڭدەۋ كاسىپورىندارىنىڭ جۇكتەلىمى 1,3 ەسەگە ارتادى. سالاعا تارتىلاتىن جەكە ينۆەستيتسيالار كولەمى 3 ەسەگە ارتىپ, 427 ملرد. تەڭگەگە جەتپەك. ايتا كەتەتىن جايت, جاڭا باعدارلاما بۇگىنگە دەيىن بەكىتىلگەن بيۋدجەت شەڭبەرىندە جۇزەگە اسىرىلادى. ياعني مەملەكەتتەن قوسىمشا قارجى تالاپ ەتپەيدى. ەستەرىڭىزگە سالا كەتسەك, بۇعان دەيىن اۋىل شارۋاشىلىعىنا ارنالعان جاڭا باعدارلامانىڭ ماقۇلدانعانىن حابارلاعان بولاتىنبىز.