كونۆەنتسيا, كودەكس جانە كەلىسىم

كەشە پارلامەنت ءماجىلىسىنىڭ توراعاسى نۇرلان نىعماتۋليننىڭ جەتەكشىلىگىمەن پالاتانىڭ كەزەكتى جالپى وتىرىسى ءوتىپ, بەكىتىلگەن كۇن تارتىبىنە سايكەس بەس ماسەلە قارالدى. سونىڭ ىشىندە قازاقستان مەن سلوۆەنيا ۇكىمەتتەرى اراسىندا قول قويىلعان تابىس پەن كاپي­تالعا قوسارلانعان سالىق سالۋدى بولدىرماۋ جانە سالىق سالۋ­دان جالتارۋعا جول بەرمەۋ تۋرالى كونۆەنتسيا مەن وعان جاسالعان حاتتامانى راتيفيكاتسيالاۋ تۋرالى زاڭ جوباسى ءبىرشاما ۇزاق تال­قى­لانىپ, دەپۋتاتتار تاراپى­نان قىزىعۋشىلىق تۋدىردى. زاڭ جوباسى تۋرالى بايانداما جاسا­عان قارجى ءمينيسترى باقىت سۇل­تانوۆقا ون دەپۋتات سۇراق بەردى. سونىڭ ىشىندە دەپۋتات ءابدى­ماناپ بەكتۇرعانوۆ كونۆەنتسيادا ءبىر ەلدىڭ رەزيدەنتىنىڭ جىلجىمايتىن م ۇلىكتەن الىناتىن تابىسىنا ەكىنشى ەلدە سالىق سالىنۋى مۇمكىن دەپ كورسەتىلگەنىن ايتا وتىرىپ, بۇل قوسارلانعان سا­لىق بولماي ما دەپ سۇرادى. وعان مينيستر م ۇلىك قاي ەلدە ءتىر­كەلگەن بولسا, سالىقتى سول مەم­لەكەت قانا سالاتىنىن ايتتى. دە­پۋتات ەۆگەني كوزلوۆ كونۆەنتسيادا ادامنىڭ ەڭبەگىنە قاراي تولەنەتىن اقىلاردىڭ بىرنەشە ءتۇرى كورسەتىلگەنىن, سونىڭ ىشىندە ءبىز­دىڭ مەملەكەتتە ەڭبەكاقى مەن زەينەت­اقى عانا بارىن ايتىپ, قال­عان اقىلارعا نەلەر جاتادى دەپ سۇرادى. وعان مينيستر ولاردىڭ ءبارى دە تابىسقا جاتاتىنىن, ال تابىس­تىڭ بارلىق تۇرىنەن سالىق الىناتىنىن جەتكىزدى. دەپۋتات زاۋرەش امانجولوۆا ۋاعدالاسۋشى مەملەكەتتەردىڭ بىرىندە سالىق زاڭناماسى وزگەرگەن جاعدايدا كونۆەنتسيا قالاي قولدانىلاتىنى ايتىلماعانىنا نازار اۋدارىپ, وسىنداي جاعداي­دا سالىق قالاي سالىناتىنىن سۇرادى. وعان مينيستر اتاۋلار وزگەرگەنىمەن, سالىق سالۋ پرين­تسيپى وزگەرمەيتىنىن جەتكىزدى. احمەت مۋرادوۆ قازاقستاندىق تەڭىز­شىلەر مەن ۇشقىشتار قازىر حالىقارالىق دەڭگەيلەردە جۇمىس ىستەۋ مۇمكىندىگىن العانىن ايتا كەلىپ, ەگەر سلوۆەنيادا سونداي ادام­دارىمىز جۇمىس ىستەيتىن بول­سا, ولارعا سالىق قالاي سالىنادى دەپ سۇرادى. مينيستر وعان تابىس­تاردى قاي مەملەكەت تولەسە, سالىق­تى دا سول ەل ۇستايتىنىن ايتتى. وسىنداي تۇرعىداعى سۇراقتار اياقتالعان سوڭ قوسىمشا بايانداما تىڭدالدى. ونى حالىق­ارا­لىق ىستەر, قورعانىس جانە قاۋىپ­سىزدىك كوميتەتىنىڭ مۇشەسى باقتىقوجا ىزمۇحامبەتوۆ جاساپ, زاڭ جوباسىنىڭ بۇدان بۇ­رىن دا قابىلدانعان وسىنداي قۇ­جاتتاردان ەشقانداي وزگەشە­لىگى جوق ەكەنىن اتاپ ءوتتى. كون­ۆەن­تسيانىڭ ماقساتى – ەكى ەل ارا­سىن­دا شاعىن جانە ورتا بيز­نەستى دامىتۋدا ەكونوميكالىق ىنتى­ماقتاستىقتى كەڭەيتۋگە جانە ينۆەستيتسيا سالۋعا قولاي­لى جاعداي جاساۋ. بارلىق كوميتەتتەردىڭ وڭ قورىتىندىسى بار, قوسىمشا بيۋدجەت شىعىنىن قاجەت ەتپەيدى, دەدى ول. تالقىلاۋ بارىسىندا زاڭ جوباسىن تۇتاستاي ماقۇلداۋ جونىندە ءبىر عانا ۇسىنىس ءتۇسىپ, دەپۋتاتتار ونىمەن كەلىستى. وسى كۇنى وتىرىس سوت-ساراپ­تاما قىزمەتى جانە حالىق دەنساۋ­ل­ىعى مەن دەنساۋلىق ساقتاۋ جۇيە­سى كودەكسىنە وزگەرىستەر ەنگىزۋ تۋرالى زاڭ جوبالارىن ەكىنشى وقى­لىمدا قاراپ, تۇتاستاي ما­قۇل­دادى. زاڭنامالار سوت-ساراپ­تاما قىزمەتىن جەتىلدىرۋگە قاتىس­تى قۇقىق قورعاۋ جۇيەسىن ودان ءارى جاڭعىرتۋدىڭ 2014-2020 جىل­دارعا ارنالعان مەملە­كەت­تىك باعدارلاماسىن ىسكە اسى­رۋعا, بىرىڭعاي سوت ساراپتاماسى ورگانىن قۇرۋعا, جەكە سوت ساراپ­شىلارى ينستيتۋتىن دامى­تۋعا, سونداي-اق, سوت تورەلىگى پرو­تسە­سىنە قاتىساتىن ازاماتتار مەن ۇيىم­داردىڭ قۇقىقتىق قور­عالۋىن, سوت ساراپشىسى لاۋازى­مى­نىڭ بەدەلىن ارتتىرۋعا مۇمكىندىك بەرەدى. سونداي-اق, وسى كۇنى قازاقستان مەن سەربيا ۇكىمەتتەرى ارا­سىندا حالىقارالىق اۆتوموبيل قاتىناسى تۋرالى جاسالعان كەلى­سىمدى راتيفيكاتسيالاۋ تۋرالى زاڭ جوباسى بويىنشا قورىتىن­دى ازىرلەۋگە كەلىسىم بەرىلدى. سو­نىمەن قاتار, قازاقستان مەن رەسەي اراسىندا ەمبى پوليگونىن پايدالانۋ جانە جالعا بەرۋ تۋرالى 1995 جىلدىڭ 20 قاڭتارىندا جاسالعان كەلىسىمدى جانە وسى پوليگوندى جالداۋ تۋرالى شارت­تىڭ قولدانىسىن توقتاتۋ ءجونىن­دە 1996 جىلدىڭ 18 قازانىندا جاسالعان حاتتامانى راتيفيكاتسيا­لاۋ تۋرالى زاڭ جوباسى بويىنشا دا قورىتىندى ازىرلەۋگە ۋاقىت بەلگىلەندى. كۇن تارتىبىندەگى ماسەلەلەر قارالىپ بولعان سوڭ دەپۋتاتتاردىڭ ورتالىق اتقارۋشى بيلىك ورگاندارىنا جاساعان ساۋالدارى جاريا ەتىلدى. جاقسىباي سامرات, «ەگەمەن قازاقستان»