تۇركيالىق تۋىستار تاجىريبەسى

ءتۇبى ءبىر تۋىسقان تۇرىك جۇراعاتىنىڭ قازاقستانعا ىقىلاس-پەيىلى ەرەكشە. ولار جىل سايىن تۇركىستانداعى حالىقارالىق قازاق-تۇرىك ۋنيۆەرسيتەتىندەگى ەمحاناعا كەلىپ, قازاقستاندا ازىرگە مۇمكىندىگى شەكتەۋلى وتالار جاساپ قايتاتىن. بۇل جولى تۇركيادان ارنايى كەلگەن دارىگەرلەر دەلەگاتسياسى وبلىس باسشىسى جانسەيىت تۇيمەباەۆپەن كەز­دەسىپ, جۇمىس بارىسى جايلى ءاڭ­گى­مەلەستى. جاس بالالارعا كورسەتى­لە­تىن مەدي­تسينالىق كومەكتىڭ ساپا­سىن جاق­سارتۋ, نارەستەلەر ءولىم-ءجىتى­مىن تومەن­دەتۋ ماقساتىنداعى ءتاجى­ري­بە­سى­مەن بولىسۋگە كەلگەن جۇمىس تو­بى­نا تۇركيا ۇكىمەتى جانىنداعى ىن­­تى­ماقتاستىق جانە ۇيلەستىرۋ ءجو­­نىن­­دەگى اگەنتتىك ۇيىتقى بولعان. دەل­ە­­گا­­­تسيا­نى اگەنتتىكتىڭ وقۋ ءبولىمى­نىڭ باس­تىعى مۋستافا حاسيم باستاپ كەلدى. ەكىجاقتى كەزدەسۋدە تاراپتار باۋىرلاس قوس مەملەكەتتىڭ قارىم-قاتىناسى مەن بىرلەسكەن جوبالار جايىن ءسوز ەتىپ, جاڭادان باستالاتىن شەبەرلىك ساباعىنىڭ ناقتى مىندەتتەرى بويىنشا اڭگىمەلەستى. تۇركيادان كەلگەن ماماندار وبلىستاعى بالالار مەن بوساناتىن ايەلدەرگە مەديتسينالىق كومەك كورسەتۋ قىزمەتىنىڭ دارىگەر­لەرىنە – نەوناتولوگتارعا, وفتالمو­لوگتار­عا, پەدياترلارعا, اكۋشەر ما­ماندارعا, نەوناتالدىق مەيىر­بي­كەلەرگە تەوريالىق جانە پراك­تيكالىق دارىستەر وقىپ, بىلىك­تى­لىگىن جوعارىلاتۋ بويىنشا ار­نا­يى وقىتۋ كۋرسىنان وتكىزەدى. وب­لىس­تىق بالالار كلينيكالىق اۋرۋ­حا­ناسىنىڭ حالىقارالىق تەحنولوگيالار ورتالىعىنىڭ بازاسىندا وتەتىن شارادا جاڭا تۋعان بالالاردا كەزدەسەتىن ءتۇرلى سىرقاتتار كەزىندە ءتيىمدى رەانيماتسيالىق كومەكتى ساپالى جۇرگىزە بىلۋگە, ناۋقاس جانە دەنى ساۋ جاڭا تۋعان بالالارعا مامانداندىرىلعان كۇتىم جاساۋعا, جاس سابيلەردىڭ كورۋ قابىلەتىنىڭ تومەندىگىن ۋاقتىلى انىقتاۋعا وقىتۋ باعدارلامالارى جوسپارلانعان. سونىمەن قاتار, مەديتسينا قىزمەتكەرلەرى جاڭا تۋعان بالالارعا رەانيماتسيالىق كومەك كورسەتۋ بويىنشا زاماناۋي سيمۋلياتسيالىق مانەكەندەردە تاجىريبە جاساپ داعدىلانادى. وسىنداي وقىتۋ باعدارلاماسى­مەن تانىستىرعان تۇركيالىق دارىگەر­لەر مۇنداي تاجىريبە الماسۋ شارالارىنىڭ بۇعان دەيىن ازەربايجاندىق دارىگەرلەرمەن ۇيىمداستىرىلىپ, وڭ ناتيجە كورسەتكەنىن اتاپ ءوتتى. تۇرىك دارىگەرلەرىنىڭ ءدارىسى كەزىندە ەرەكشە كوزگە ءتۇسىپ, ارنايى ەمتيحاننان سۇرىنبەي وتكەن بىرقاتار مەديتسينا قىزمەتكەرلەرىنە سەرتيفيكاتتار تابىستالىپ, ولارعا تۇركيادا ءبىلىمىن جەتىلدىرۋگە جولداما بەرىلەدى. ءتۇبى ءبىر اعايىننىڭ كومەگى دارىگەر­لەرىمىزدىڭ بىلىكتىلىگىن كوتەرۋگە وسىلايشا سەپتىگىن تيگىزىپ كەلەدى. باقتيار تايجان, «ەگەمەن قازاقستان» وڭتۇستىك قازاقستان وبلىسى