«قازازوت» جاڭا ستانسانى ىسكە قوستى

اقتاۋداعى «قازازوت» جشس ەلى­مىزدە ازوتتى مينەرالدى تىڭ­ايت­­قىشتاردىڭ 90%-ىن ءوندى­رەتىن ءىرى كاسىپورىن بولۋىمەن ەرەكشەلەنەدى. كاسىپورىننىڭ ەلىمىزدىڭ يندۋستريالاندىرۋ باع­دار­لاماسى مەن وتاندىق تاۋار­لاردى سىرتقى نارىققا شىعارۋ باعى­تىنداعى ۇلەسى دە زور. ءوندىر­گەن ءونىمىنىڭ ما­ڭىز­دى­لىعىنا وراي «قازازوت» كاسىپ­ورنىندا جاڭ­عىرتۋ, جۇمىس قارقىن­دىلى­عىن ارت­تىرۋ ماق­ساتىن­داعى جۇ­مىستار ال­دىڭعى كە­زەككە قويىل­عان. 2012-2014 جىل­دارى ۇدە­مەلى يندۋس­تريا­لىق-يننو­ۆا­تسيالىق دامۋدىڭ مەم­لەكەتتىك باع­دارلاماسى اياسىندا كاسىپ­ورىن مەن تسەحتاردى جا­ڭارتۋ جۇ­مىستارى جۇرگىزىلىپ, «شا­عىر­لى-ءشومىشتى» گاز وڭدەۋ كەن ورنى­نىڭ جوباسى ءساتتى جۇزەگە اسىرىل­دى. بىلتىر تابيعي گازدى ونەركا­سىپتىك جولمەن ءوندىرۋ باس­تال­­دى. بيىل كاسىپورىندا گازدى-پور­­شەندى ەلەكتر ستانساسى ىسكە قوسىلدى. – 2015-2019 جىلدارعا ارنالعان ين­دۋس­تريالاندىرۋ كارتاسىنا تەح­نولوگيالاردى جاڭعىرتۋ بويىنشا «قازازوت» جشس جوباسى كىرگەن بولاتىن. ول 3 كەزەڭنەن تۇرادى, سونىڭ ءبىرى – گازدى-پور­شەندى ەلەكتر ستانساسىن ىسكە قوسۋ. ايماق ءۇشىن بۇل جاڭا جۇمىس ورىندارىنىڭ اشىلۋى, ەكونوميكانى ءارتاراپتاندىرۋ, يندۋستريالاندىرۋ مەن وبلىستىڭ ەكسپورتتى الەۋەتىن دامىتۋ بولىپ تابىلادى, – دەدى ءوڭىر باسشىسى ا.ايدارباەۆ. جۇمىسى قاۋىرت بولا تۇرا, بۇعان دەيىن قۋات كوزىن وزگە مەكەمەدەن الىپ كەلگەن كاسىپورىن ەندى ەلەكتر قۋاتىنا قاتىستى ءتا­ۋەل­دىلىگىن جويدى, دەمەك شى­عىن ازايىپ, ەسەسىنە جۇمىس قۋات­­تى­لىعى ارتا تۇسەتىن بولادى. ستانسا­نىڭ قۇرىلىس جۇمىستارىن بەلگىلەن­گەن مەرزىمدە اياقتاعان رەسەي­لىك «زۆەزدا-ەنەرگەتيكا» اق-تىڭ باس ديرەك­تورى ا.اندرەەۆ قۋاتتى­لى­عى مەن تەحنيكالىق جاعىنان تولىق قامتىلعان جوبانىڭ زاماناۋي ستاندارتتارعا ساي ەكەندىگىن ايتتى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى سۋرەتتى تۇسىرگەن سەرىك مايەمەروۆ