2011 جىلعى 31 مامىر, استانا, ۇكىمەت ءۇيى
ازاماتتىق اۆياتسيا ۇيىمىنىڭ وندىرىستىك-ديسپەتچەرلىك قىزمەتى تۋرالى ۇلگى ەرەجەنى بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 41) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ازاماتتىق اۆياتسيا ۇيىمىنىڭ وندىرىستىك-ديسپەتچەرلىك قىزمەتى تۋرالى ۇلگى ەرەجە بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى «31» مامىرداعى №608 قاۋلىسىمەن بەكىتىلگەن
ازاماتتىق اۆياتسيا ۇيىمىنىڭ وندىرىستىك-ديسپەتچەرلىك قىزمەتى تۋرالى ۇلگى ەرەجە
1. جالپى ەرەجەلەر
1. وسى ازاماتتىق اۆياتسيا ۇيىمىنىڭ وندىرىستىك-ديسپەتچەرلىك قىزمەتى (بۇدان ءارى – ودق) تۋرالى ۇلگى ەرەجە ازاماتتىق اۆياتسيا ۇيىمىنىڭ قۇرىلىمدىق بولىمشەسى بولىپ تابىلاتىن ودق فۋنكتسيالارى مەن مىندەتتەرىن ايقىندايدى. 2. ودق ءوزىنىڭ قىزمەتىندە قازاقستان رەسپۋبليكاسىنىڭ زاڭناماسىن, حالىقارالىق ازاماتتىق اۆياتسيا ۇيىمىنىڭ (يكاو) ستاندارتتارى مەن ۇسىنىلاتىن پراكتيكاسىن, وسى ەرەجەنى, سونداي-اق ازاماتتىق اۆياتسيا ۇيىمىنىڭ ءبىرىنشى باسشىسىنىڭ بۇيرىقتارى مەن وكىمدەرىن باسشىلىققا الادى. 3. ودق-گە باسشىلىق ەتۋدى ازاماتتىق اۆياتسيا ۇيىمىنىڭ ءبىرىنشى باسشىسىنا تىكەلەي باعىناتىن ودق باستىعى جۇزەگە اسىرادى. 4. ودق شتاتى ازاماتتىق اۆياتسيا ۇيىمىنىڭ ءبىرىنشى باسشىسىنىڭ بۇيرىعىمەن بەكىتىلەدى.2. ودق مىندەتتەرى
5. ودق مىندەتتەرى: 1) اۋەجاي مەن اۆياكومپانيا, اەروناۆيگاتسيا, مەتەو قامتاماسىز ەتۋ قىزمەتتەرى جانە باسقا ۇيىمدار, سونىڭ ىشىندە ۇشۋدىڭ تاۋلىكتىك جوسپارىن ورىنداۋدى قامتاماسىز ەتۋ ماقساتىندا اۋە كەمەسىنە (بۇدان ءارى – اك) قىزمەت كورسەتۋ كەزىندەگى مەملەكەتتىك ۇيىمدار (شەكارالىق, كەدەندىك قىزمەتتەر) اراسىنداعى ءوزارا ءىس-قيمىل پروتسەسىن جەدەل باسقارۋدى جۇزەگە اسىرۋ; 2) ازاماتتىق اۆياتسيا ۇيىمى قىزمەتتەرىنىڭ جانە بولىمشەلەرىنىڭ ءوزارا ءىس-قيمىلىن جانە ۇشۋدىڭ تاۋلىكتىك جوسپارىن قامتاماسىز ەتۋ بويىنشا وندىرىستىك قىزمەتىنە جەدەل باسشىلىق ەتۋدى ۇيىمداستىرۋ; 3) ازاماتتىق اۆياتسيا ۇيىمىنىڭ قىزمەتتەرى مەن بولىمشەلەرىنىڭ باسشىلارىمەن بىرلەسىپ, ىستەن شىعۋ جاعدايلارىن, رەيستەردىڭ كىدىرۋىن بولدىرماۋ بويىنشا جەدەل شارالار قابىلداۋ بولىپ تابىلادى.3. ودق فۋنكتسيالارى
6. ودق فۋنكتسيالارى مىنالار بولىپ تابىلادى: 1) ۇشۋدىڭ تاۋلىكتىك جوسپارىنا وزگەرىستەر مەن تولىقتىرۋلار بويىنشا جەدەل شەشىمدەر قابىلداۋ, ۇشۋ تۇراقتىلىعىنىڭ بۇزىلۋىن تالداۋ جانە بولعىزباۋ; 2) ۇشۋدىڭ تاۋلىكتىك جوسپارىنا سايكەس رەيستەردى ورىندايتىن اك ۇشۋ الدىنداعى دايىندىق جانە ۇشۋدان كەيىنگى قىزمەت كورسەتۋدىڭ تەحنولوگيالىق كەستەسىنىڭ ورىندالۋىن باقىلاۋدى, ليتەرلىك جانە باقىلاۋداعى رەيستەردى دايىنداۋ جانە قىزمەت كورسەتىلۋىن باقىلاۋدى ۇيىمداستىرۋ; 3) اۋە قوزعالىسىنىڭ باسقارۋ, اۋە قورعانىسى جەلىسى بويىنشا ۇشۋدى جوسپارلاۋ جانە قامتاماسىز ەتۋ. 4) ۇشۋدى ورىنداۋ بويىنشا ازاماتتىق اۆياتسيا ۇيىمدارى مەن باسقا دا ۇيىمداردىڭ قىزمەتتەرىن قاجەتتى اقپاراتپەن قامتاماسىز ەتۋ; 5) اك جونەلتىلۋ ەسەبىن جانە تۇراقتىلىعىن جاساۋ; 6) ەكيپاجداردى ۇشۋعا دايىنداۋ بارىسىن باقىلاۋ, اك ەكيپاجدارىن مەجەلى جانە زاپاستاعى اۋەايلاقتاردىڭ تەحنيكالىق جاي-كۇيى, مەجەلى اۋەايلاقتارداعى جانە ۇشۋ باعىتى بويىنشا شەكتەۋلەر مەن تىيىم سالۋلار تۋرالى قاجەتتى اقپاراتىمەن, ۇشۋعا شەشىمدەر قابىلداۋ ءۇشىن باسقا دا قاجەتتى اقپاراتپەن قامتاماسىز ەتۋ; 7) ءتيىستى قىزمەتتەرگە اك وتىن قۇيۋ بويىنشا وزگەرىستەر تۋرالى ۋاقتىلى حابارلاۋ; 8) تۇراقتىلىق بۇزىلعان كەزدە جولاۋشىلار مەن جۇكتەردى جونەلتۋدى قامتاماسىز ەتۋ جونىندە شارالار قابىلداۋ. 9) رەيستەردى بىرىگە اتقارۋ جانە بولدىرماۋ بويىنشا, قوسىمشا رەيستەردى جانە كوممەرتسيالىق ورىندىلىقتى جانە ناقتى قالىپتاسقان جاعدايدى نەگىزگە الا وتىرىپ, اۆياكومپانيا باسشىسىمەن كەلىسىم بويىنشا رەزەرۆتىك اك پايدالانىپ, قوسىمشا قوناتىن رەيستەردى ورىنداۋ بويىنشا شارالار قابىلداۋ; 10) ۇشۋدىڭ تاۋلىكتىك جوسپارىن تۇزەتۋدى جۇرگىزەدى, ونى ازاماتتىق اۆياتسيا ۇيىمىنىڭ قىزمەتتەرىمەن كەلىسەدى; 11) اك جونەلتىلۋ كەزىندە جولاۋشىلارعا قىزمەت كورسەتۋ قىزمەتىمەن بىرلەسىپ, ونىڭ جۇك كوتەرگىشتىگى مەن جولاۋشىلار سىيىمدىلىعىنىڭ ءتيىمدى پايدالانىلۋىن باقىلاۋدى جۇزەگە اسىرادى, اك-ءنى تولىق ەمەس كوممەرتسيالىق تيەۋمەن جونەلتىلۋ سەبەبىن تالدايدى; 12) كەستەدەن تىس رەيستەردى ورىنداۋ تۋرالى شەشىم قابىلدايدى جانە ولاردى جوسپارلانعان مەجەلى اۋەجايدا جانە قاجەت اك اۋەجاي كاسىپورنىنا كەلۋى تۋرالى جوسپاردى العان كەزدە كەزدە ارالىق قونۋ اۋەجايلارىندا قابىلداۋدى ۇيىمداستىرادى; 13) اك قابىلداۋ جانە شىعارۋدىڭ ورىندىلىعى تۋرالى, قابىلداۋ جانە ەسەپتەسۋ شارتتارى تۋرالى شەشىم قابىلدايدى; 14) تەحنولوگيالىق كەستەگە سايكەس ۇشاقتاردى كەزەڭدىك دايىنداۋ بارىسىن جەدەل باقىلاۋدى جانە ەسەپكە الۋدى جۇرگىزەدى; 15) قاجەتتى اقپاراتتى جيناۋدى, وڭدەۋ مەن بەرۋدى جانە اۋە كەمەسىنىڭ قوزعالىسىن, مەتەوجاعدايلار جانە باسقا دا سەبەپتەر بويىنشا اۋەجايلاردى اشۋ مەن جابۋدى قامتاماسىز ەتەدى. قىزمەتتەردىڭ ىشكى اقپارات تابەلدەرىن ورىنداۋىن باقىلايدى; 16) ليتەرلىك, باقىلاۋداعى حالىقارالىق رەيستەردىڭ جانە شەتەلدىك اۆياكومپانيالار ۇشاقتارىنىڭ دايىندىعىن باقىلاۋدى قامتاماسىز ەتەدى; 17) اك-ءنى جونەلتۋدى كىدىرتۋ (بولدىرماۋ)سەبەبىن جانە ولارعا ۋاقتىلى قىزمەت كورسەتىلمەۋ سەبەبىن انىقتايدى جانە تالدايدى. اك جونەلتۋلەرى تۇراقتىلىعىنىڭ جاي-كۇيىن جانە اقپاراتتىق-انىقتامالىق جۇمىستى تالدايدى; 18) اۋەجايىنان اك-ءنى جونەلتۋ تۇراقتىلىعىنا ەسەپ جاسايدى. اۋەجايداعى بارلىق ۇشۋ بويىنشا ەسەپتىك قۇجاتتامانىڭ رەسىمدەلۋىن باقىلاۋدى ۇيىمداستىرادى; 19) باسقا قىزمەتتەرمەن بىرگە اك جونەلتۋلەرىن كىدىرتۋدىڭ (بولدىرماۋدىڭ) الدىن الۋ, اك-ءنى ۇشۋعا دايىنداۋدىڭ تەحنولوگيالىق پروتسەسىن جەتىلدىرۋ بويىنشا ءىس-شارالاردى ازىرلەيدى; 20) قوناتىن اۋەجايدا اۆياتسيالىق وتىننىڭ شەكتەۋلى قورى بولعان كەزدە تاۋلىكتىك جوسپارعا سايكەس ۇشۋدى ورىندايتىن اك-گە قوسىمشا وتىن قۇيۋ جونىندە ۇسىنىستار دايىندايدى; 21) تاۋلىكتىك جوسپارعا سايكەس ۇشۋدىڭ بارلىق تەرەڭدىگىندە اك قوزعالىسىن باقىلايدى; 22) كاسىپورىن قىزمەتتەرىنىڭ اۆياتسيالىق جۇمىستاردىڭ, تاسىمالداۋ جانە ۇشۋ تۇراقتىلىعىنىڭ تاۋلىكتىك جوسپارىن قامتاماسىز ەتۋ بويىنشا باسشىنىڭ نۇسقاۋلارىن ۇيىمداستىرادى جانە باقىلايدى; 23) وندىرىستىك قاجەتتىلىك ماقساتىندا ازاماتتىق اۆياتسيا ۇيىمىنىڭ ءبىرىنشى باسشىسىنىڭ شەشىمى بويىنشا ودق-عا ۇشۋدىڭ تۇراقتىلىعى مەن قاۋىپسىزدىگىن قامتاماسىز ەتۋ بويىنشا باسقا دا مىندەتتەر جۇكتەلۋى مۇمكىن; 24) اۆاريالىق جاعداي تۋىنداعان كەزدە اۆياتسيالىق وقيعالار, وقىس وقيعالار مەن توتەنشە جاعدايلار كەزىندە حاباردار ەتۋ جانە بايلانىس جوسپارىنا سايكەس ازاماتتىق اۆياتسيا ۇيىمىنىڭ باسشىلىعىن جانە باسقا ۇيىمداردى حاباردار ەتەدى.
