ەكى قالانى قوسىپ تۇرعان تاس جولدىڭ جالپى ۇزىندىعى 26 شاقىرىمدى قۇرايدى. 1981 جىلى سالىنعان جولعا بۇعان دەيىن 2007 جىلى عانا ورتاشا جوندەۋ جۇمىستارى جۇرگىزىلىپتى. اراعا 10 جىل سالىپ, قايتا جاڭارىپ جاتقان جولدىڭ قۇرىلىسىنا 40-قا جۋىق جەرگىلىكتى تۇرعىن اتسالىسۋدا.
كەنتاۋ قالاسىنا جۇمىس ساپارىمەن بارعان وبلىس اكىمى جانسەيىت تۇيمەباەۆ قۇرىلىس جۇمىستارىن ساپالى ءارى قىسقا مەرزىمدە اياقتاۋدى تاپسىردى.
وسىدان كەيىن وبلىس اكىمى قالاداعى «ستاتۋس ەۆەرەست» جشس-ءنىڭ جۇمىسىمەن تانىستى. 2016 جىلى جەلتوقسان ايىندا ىسكە قوسىلعان تسەح قاتتى تۇرمىستىق قالدىقتاردى قايتا وڭدەۋمەن اينالىسادى. كاسىپورىن فلەكس, گرانۋلا وندىرەدى. جوبانىڭ جالپى قۇنى - 100 ملن تەڭگە. زاتتاي تۇردەگى قۋاتتىلىعى جىلىنا 800 توننا قاتتى تۇرمىستىق قالدىقتاردى وڭدەۋگە قاۋقارلى. اتالعان تسەحتا 25 ادام جۇمىسپەن قامتىلعان.
«شيكىزاتتان تاپشىلىق كورمەيمىز. پلاستيكتىڭ ءۇش ءتۇرىن قايتا وڭدەي الامىز. ەگەر ونىمدەرىمىزگە سۇرانىس ارتسا, ءونىم كولەمى مەن جۇمىسشىلار سانى دا ارتا تۇسپەك», دەيدى «ستاتۋس ەۆەرەست» جشس-ءنىڭ ديرەكتورى سانجار سۇلەيمەنوۆ.
كەنشىلەر قالاسىندا وسىجىلدىڭ شىلدە ايىندا ءتۇرلى-ءتۇستى مەتالداردىڭ كونتسەنتراتىن بايىتاتىن «كەنتاۋ پوليمەتالل» ءجشس وز جۇمىسىن باستاعالى وتىر. جوبانىڭ جالپى قۇنى 650 ملن. تەڭگەنى قۇرايدى. زاتتاي تۇردەگى قۋاتتىلىعى جىلىنا - 15000 توننا دايىن كونتسەنترات شىعارۋ.
«شيكىزات رەتىندە اقتوبە وبلىسىندا ورنالاسقان «يۋبيلەينىي» التىن كەن ورنى مەن سوزاق اۋدانىنداعى «كۇمىستى» شاشىراڭقى التىن ورىندارىنىڭ رۋدالارىن پايدالانامىز. ينۆەستيتسيالىق جوبا ەكى كەزەڭنەن تۇرادى. جوبا تولىعىمەن جۇزەگە اسىپ, ىسكە قوسىلعاندا «قازمىرىش» اق جانە «قازاقمىس» اق قاراستى وندىرىستىك كاسىپورىندارىن دايىن ونىممەن قامتاماسىز ەتەتىن بولامىز», دەيدى «كەنتاۋ پوليمەتالل» جشس-نىڭ ينجەنەر-قۇرىلىسشىسى ازامات سۇلەيمەنوۆ.
قازىرگى تاڭدا سەرىكتەستىك «مىرعالىمساي» كەن ورنىنىڭ بۇرىنعى عيماراتىن ساتىپ العان. بۇگىندە مۇندا نەگىزگى وندىرىستىك تسەحتاردىڭ مونتاجداۋ جۇمىستارى جۇرگىزىلىپ جاتىر.
«كەنتاۋ قالاسىنداعى يندۋستريالدى مۇمكىندىكتەردى ءتيىمدى پايدالانۋىمىز كەرەك. ول ءۇشىن ۇزدىك عىلىمي جوبالاردى ازىرلەپ, بۇرىنعى جۇمىسى توقتاپ قالعان كەن ورىندارىنىڭ بولاشاعىن ساراپقا سالعانىمىز ءجون. سوندىقتان تاياۋ ارادا بۇل ماسەلەنى قايتا قاراپ, ناقتى قادامدار جاسايتىن بولامىز», - دەدى جانسەيىت قانسەيىت ۇلى.
قۇرال-جابدىقتاردىڭ باسىم بولىگى قىتاي ەلىنەن ساتىپ اكەلىنگەن. ەگەر جوبا تولىعىمەن ىسكە اسسا, 110 ادام تۇراقتى جۇمىسپەن قامتىلاتىن بولادى.
