مينيسترلىك ءباسپاسوز قىزمەتىنىڭ اقپاراتىنا سايكەس م. نۇرعوجين ليۋكسەمبۋرگ پرەمەر-ءمينيسترىنىڭ ورىنباسارى - ەكونوميكا ءمينيسترى ەتەنن شنايدەرمەن كەزدەستى.
كەزدەسۋ بارىسىندا عارىش سالاسىنداعى ىنتىماقتاستىق, اتاپ ايتقاندا عارىش اپپاراتتارىن قۇرۋ مۇمكىندىگى تالقىلاندى. ە. شنايدەر ەكى ەل اراسىنداعى ءوزارا تۇسىنىستىك تۋرالى مەموراندۋم جاساسۋ نيەتىن ءبىلدىردى.
فورۋم اياسىندا قازاقستاندىق دەلەگاتسيا يران, فرانتسيا وكىلدەرىمەن, SES.A. كومپانياسىنىڭ ماماندارىمەن كەلىسسوز جۇرگىزىپ, Luxinnovation, Basir جانە GovSat كومپانيالارىنىڭ ونىمدەرىمەن تانىستى.
ICT Spring - ەۋروپا ورتالىعىندا وتەتىن جاھاندىق شارا. قاتىسۋشىلارىنا IT-دا ءوز بىلىمدەرىن تەرەڭدەتۋ, FinTech جىلدام ارتىپ كەلە جاتقان يندۋستريا قۇندىلىعىن باعالاۋ, كورمە, جاڭا تەحنولوگيا مەن يننوۆاتسيا ارقىلى يت-كومپانيالاردى دامىتۋعا عارىش تەحنولوگيالارىنىڭ ىقپالىن زەردەلەۋگە بىرەگەي مۇمكىندىكتەر جاسايدى.
بيىل فورۋمعا الەمنىڭ 72 ەلىنىڭ 500 وكىلى قاتىستى.
