قازاقستان پرەزيدەنتى قىتاي حالىق رەسپۋبليكاسىنىڭ توراعاسى سي ءتسزينپيندى فورۋمنىڭ تابىستى اشىلۋىمەن قۇتتىقتاپ, ساتتىلىك تىلەدى. نۇرسۇلتان نازارباەۆ رەسەي پرەزيدەنتى ۆ.پۋتينمەن جانە تۇرىك رەسپۋبليكاسىنىڭ پرەزيدەنتى ر.ەردوعانمەن اڭگىمەلەسىپ, تاياۋدا استانادا وتكەن سيريا جونىندەگى كەلىسسوزدەردىڭ قورىتىندىلارىن تالقىلادى. ر.ەردوعان استانا پروتسەسىنىڭ ناتيجەلەرىنە توقتالا كەلە, سيريا ماسەلەلەرى جونىندەگى ديالوگتى جەنەۆادا جالعاستىرۋ ءۇشىن ونىڭ ماڭىزدى بولعانىن اتاپ ءوتتى.
سونىمەن قاتار, مەملەكەت باسشىسى بەلارۋس پرەزيدەنتى ا.لۋكاشەنكومەن جانە وزبەكستان پرەزيدەنتى ش.ميرزيەەۆپەن, پاكىستاننىڭ جانە مالايزيانىڭ پرەمەر-مينيسترلەرى ن.شاريفپەن جانە ن.رازاكپەن, دۇنيەجۇزىلىك ەكونوميكالىق فورۋمنىڭ توراعاسى ك.شۆابپەن جۇزدەستى.
بۇدان بولەك نۇرسۇلتان نازارباەۆ بۇۇ باس حاتشىسى ا.گۋتەرريشپەن اڭگىمەلەستى. اڭگىمە بارىسىندا ول شانحاي ىنتىماقتاستىق ۇيىمىنىڭ استانادا وتەتىن سامميتىنە قاتىسۋ نيەتى بار ەكەنىن راستادى.
سونداي-اق, يسپانيا پرەمەر-ءمينيسترى م.راحوي قازاقستان پرەزيدەنتىمەن اڭگىمەلەسۋ كەزىندە ەكسپو-2017 حالىقارالىق كورمەسىنە يسپانيا كورولىنىڭ قاتىساتىنىن راستادى.
