ەلىمىزدە تۇڭعىش رەت ۇيىمداستىرىلعان شاراعا جامبىل, وڭتۇستىك قازاقستان, اقتوبە, سونىمەن قاتار, قىزىلوردا وبلىسىنىڭ جاس مەملەكەتتىك قىزمەتشىلەرى قاتىستى. سلەت اياسىندا قىزىلوردا وبلىسىنىڭ اكىمى ق.كوشەرباەۆتىڭ جانە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى س.احمەتجانوۆتىڭ قاتىسۋىمەن «دامىعان 30 ەلدىڭ قاتارىنا كىرۋدە جاستاردىڭ ءرولى» اتتى فورۋم ۇيىمداستىرىلدى.
فورۋم بارىسىندا وبلىس اكىمى قىرىمبەك ەلەۋ ۇلى ەلباسىنىڭ كاسىبي مەملەكەتتىك اپپارات قۇرۋعا باسا نازار اۋدارعانىن ايتا كەلە, ونى ءساتتى ىسكە اسىرۋ ءۇشىن قاجەتتى زاماناۋي تاسىلدەردى اتاپ ءوتتى. ق.كوشەرباەۆ نارىق زامانىنداعى مەملەكەتتىك مەنەدجمەنتتى دامىتۋدا جوبالىق باسقارۋ تاجىريبەسىن ەنگىزۋدىڭ ماڭىزدىلىعىنا دا ەرەكشە توقتالدى. سونىمەن قاتار, ايماق باسشىسى مەملەكەتتىك قىزمەتكە ءبىلىمدى, بىلىكتى جاستاردى, ونىڭ ىشىندە «بولاشاق» باعدارلاماسىمەن ءبىلىم العان ازاماتتاردى تارتۋ ماسەلەسىن قوزعادى.
فورۋمعا قاتىسقان 300-گە جۋىق مەملەكەتتىك قىزمەتشىلەر مەملەكەتتىك قىزمەت سالاسىنداعى وتكىز, وزەكتى پروبلەمالاردى قوزعاپ, ۇسىنىستارىن ورتاعا سالدى.
ايتا كەتەيىك, ەكى كۇنگە سوزىلعان شارا بارىسىندا ءار ايماقتان كەلگەن مەملەكەتتىك قىزمەتشىلەر قىزىلوردا وبلىسىنداعى تاريحي-مادەني ورىنداردى ارالاپ, سونىمەن قاتار, مەملەكەتتىك قىزمەتشىلەر اراسىندا ۇيىمداستىرىلعان سپورتتىق شارالارعا قاتىستى.
