اقتوبەدەگى قوقىس سۇرىپتاۋ كەشەنىنىڭ قۇرىلىسى وتكەن جىلى باستالعان بولاتىن. بۇگىن قالادان شىعارىلعان قاتتى تۇرمىستىق قالدىقتىڭ 40 پايىزىن سۇرىپتىپ, قاعاز, پلاستيكالىق زاتتار مەن شىنىلاردى, مەتالدى ءتورت بولەك جيناپ, قايتا وڭدەۋگە جىبەرۋگە مۇمكىندىك بەرەتىن كەشەن ىسكە قوسىلدى. كەشەندى وبلىس اكىمى بەردىبەك ساپارباەۆ اشىپ, جاڭا كاسىپورىننىڭ جۇمىسىمەن تانىستى. مۇندا 100-دەن استام ادام جۇمىس ىستەيدى. ەكى اۋىسىمدا ەڭبەك ەتەتىن ادامدار ارنايى قۇرىلعىلاردىڭ كومەگىمەن قوقىستى سۇرىپتايدى.
جوبا جەتەكشىسى التىنبەك قازانتاەۆتىڭ ايتۋىنشا, كەشەن قۇرىلىسى مەن ارنايى قۇرىلعىلاردى ساتىپ الۋعا 1 ميلليون دوللار جۇمسالعان. ء«بىر رەت پايدالانىلاتىن پاكەتتەر, پلاستيكالىق بوتەلكەلەر ۇزاق جىلدار بويى شىرىمەيدى, زيانى كوپ. ال جاڭا كەشەن ارقىلى قالادان شىعارىلعان بارلىق پلاستيكالىق زاتتاردى جيناپ, ونى كارىز شۇڭقىرلارىنا ارنالعان قاقپاق جاسايتىن تسەحتارعا شيكىزات رەتىندە وتكىزەمىز. كاسىپورىندا جىلىنا 200 مىڭ توننا قوقىس وڭدەلەدى. سۇرىپتالعان قاعاز, مەتالل, اينەك زاتتار دا ساتىلادى»,- دەدى التىنبەك قازانتاەۆ.
ءبىر ايتا كەتەرلىگى, اقتوبە قالاسىنداعى قوقىس پوليگونىنىڭ اۋماعى 62 گەكتارعا جەتتى. مۇندا كۇنىنە 500 توننا قوقىس جەتكىزىلەدى. بۇعان دەيىن اقتوبەدە قاتتى تۇرمىستىق قالدىق سۇرىپتالىپ, وڭدەلگەن ەمەس. وبلىستىڭ ەكولوگيالىق جاعدايىن جاقسارتۋ جوسپارىنا سايكەس اقتوبە قالاسىنىڭ اكىمدىگى, «اقتوبە» الەۋمەتتىك-كاسىپكەرلىك كورپوراتسياسى» اق مەن «سويۋز گراند» جشس-ءى كەلىسىپ, كەشەن سالدى. كەشەنگە قوقىس پوليگونى اۋماعىنان 1 گەكتارعا جۋىق جەر ءبولىندى.
