«جوبانىڭ باستى ماقساتى - قوعام اراسىندا تابىستىلىقتى, مەريتوكراتيا پرينتسيپتەرىن, باسەكەگە قابىلەتتىلىكتى, پراگماتيزم مەن قازاقستاننىڭ قازىرگى دامۋىنا ۇلكەن ۇلەس قوسقان ازاماتتاردىڭ ءبىلىمىن ناسيxاتتاۋ جانە اقپاراتتىق تۇرعىدا كەڭىنەن تانىمال ەتۋ. بۇل - ۇلگى بولارلىق ءبىزدىڭ زامانداستارىمىزدىڭ ومىرلىك تاجىريبەلەرى, ءجۇرىپ وتكەن داڭعىل جولدارى», دەدى مينيستر «بولاشاققا باعدار, رۋحاني جاڭعىرۋ» اتتى ەلباسى ماقالاسىندا ايتىلعان «قازاقستاننىڭ 100 جاڭا تۇلعاسى» اتتى جوبانى جۇزەگە اسىرۋ بويىنشا قۇرىلعان جۇمىس توبىنىڭ وتىرىسىندا.
ءمينيستردىڭ اتاپ وتكەنىندەي, بۇل تىزىمگە ءتۇرلى سالادا جەتىستىككە جەتكەن قازاقستاننىڭ ەڭ ەلەۋلى ازاماتتارى كىرەتىن بولادى. ونىڭ ايتۋىنشا, مۇنداي جوبالار وزگە مەملەكەتتەردە دە جۇزەگە اسىرىلعان. جۇمىس توبىنىڭ ماقساتى - قازاقستاننىڭ ەڭ تابىستى 100 تۇلعاسىن ىزدەستىرۋ جانە ىرىكتەۋ.
«جۇمىستى كەلەسى باعىتتاردا ۇيىمداستىرۋدى ۇسىنامىن: ءبىرىنشىسى - جۇمىس توبىنىڭ مۇشەلەرى مەن جەرگىلىكتى اتقارۋشى ورگانداردان ۇسىنىستاردى جيناقتاۋ. بۇل كەزەڭدە ۇلتتىق دەڭگەيدە جوبا ۇمىتكەرلەرى انىقتالادى. وسىدان سوڭ, ناقتى مەرزىمدەر مەن مەديا-جوسپار جاسالادى», دەدى د. اباەۆ.
ايتا كەتەيىك, مەملەكەت باسشىسىنىڭ تاپسىرماسىمەن اقپارات جانە كوممۋنيكاتسيا مينيسترلىگى مەن قازاقستان xالقى اسسامبلەياسى حاتشىلىعى «قازاقستاننىڭ 100 جاڭا تۇلعاسى» الەۋمەتتىك جوباسىن جۇزەگە اسىراتىن بولادى.
