شارانىڭ ماقساتى – ولاردى دەنساۋلىق ساقتاۋ سالاسىندا يننوۆاتسيالىق شەشىمدەردى ويلاپ تابۋعا جانە ىسكە اسىرۋعا تارتۋ جانە كادرلىق الەۋەتتى انىقتاپ, جاس دارىندى ماماندارعا قولداۋ كورسەتۋ.
شارانىڭ ۇيىمداستىرۋشىلارى: استانا قالاسى اكىمدىگىنىڭ قولداۋىمەن قر دەنساۋلىق ساقتاۋ مينيسترلىگىنىڭ شجق «رەسپۋبليكالىق ەلەكتروندى دەنساۋلىق ساقتاۋ ورتالىعى» رمك, «استانا Innovations» اق, Techpreneurs, بۇۇ, بۇۇ-نىڭ قازاقستانداعى بالالار ۇيىمى (يۋنيسەف) , دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى ەلدىك كەڭسەسى.
ەكى كۇن بويى قاتىسۋشىلارعا (كوماندالارعا) الداعى ۋاقىتتا جەتىلدىرۋ جانە ءىس جۇزىندە پايدالانۋ مۇمكىندىگىمەن ءموبيلدى قوسىمشانىڭ لوگيكالىق اياقتالعان ءپروتوتيپىن ازىرلەۋ. ناقتى مىندەتتەردىڭ ءتىزىمى شارا بارىسىندا تانىستىرىلادى.
ۇيىمداستىرۋشىلاردىڭ پىكىرىنشە, بايقاۋ شەڭبەرىندە ازىرلەنگەن ۇزدىك شەشىمدەر قالا الاڭدارىندا ىسكە اسىرۋ مۇمكىندىگىنە يە بولادى. بۇعان قوسا, حاكاتوننىڭ جۇلدە قورى شەتەلگە تاجىريبە جيناقتاۋدى جانە 10 ملن تەڭگەگە دەيىنگى سوماعا جوبانى كوممەرتسيالاندىرۋ مۇمكىندىگىن قاراستىرادى.
بايقاۋعا ءىسىن جاڭا باستاعان ستارتاپ-كوماندالار, اتالعان باعىتتا يننوۆاتسيالىق شەشىمدەرى بار جاستار قاتىسا الادى.
حاكاتونعا قاتىسۋ تەگىن. شاراعا https://hackathon.ezdrav.kz سايتىندا الدىن الا تىركەلۋگە بولادى.
تولىق اقپارات شارانىڭ سايتىندا, ۇيىمداستىرۋشىلار مەن ارىپتەستەردىڭ رەسمي پاراقشالارىندا جانە Facebook الەۋمەتتىك جەلىسىندە جاريالاناتىن بولادى. حاكاتون 27 مامىردا 9:00-دە استانا ق., يمانوۆ ك-ءسى, 19, «الما-اتا»بيزنەس-ورتالىعى, 10قابات, 1002 كەڭسە, Astana Hubستارتاپ-ينكۋباتورىندا وتەتىن بولادى.
