قالانىڭ بارلىق الاڭدارىندا ادەمى اۋەندەر ەستىلەدى. شاراعا قاتىسۋشىلار 4-6 شىلدە ارالىعىندا ءوز كورەرمەندەرىنە كەرەمەت كوڭىل-كۇي سىيلايدى.
بيىل فەستيۆالگە استانا قالاسىنىڭ مەملەكەتتىك اكادەميالىق فيلارمونياسىنىڭ ۇرمەلى اسپاپتار وركەسترى, استانا قالاسى ۇلتتىق ۇلانىنىڭ ۇلگىلى-كورسەتىلىمدى وركەسترى, مكق ۇرمەلى اسپاپتار وركەسترى, موڭعوليا قورعانىس مينيسترلىگىنىڭ اسكەري ۋچيليششەسىنىڭ ۇرمەلى اسپاپتار وركەسترى بىشكەك قالاسىنىڭ مەرياسى جانىنداعى ۇرمەلى اسپاپتار وركەسترى, قىرعىزستان, ورىنبور قالاسىنىڭ ۇرمەلى اسپاپتار وركەسترى, قوستاناي قالاسىنىڭ «كارناۆال» بي ستۋدياسى قاتىسادى.
شارانىڭ اشىلۋى 4 شىلدەدە ساعات 20:00-دە قالالىق الاڭدا وتەدى. كەلەسى كۇنى ساعات 10:00-دە مۋزىكالىق مەرەكە قالالىق ساياباقتاردا جانە باسقا الاڭداردا جالعاسىن تابادى. ال كەشكە «بايتەرەك» مونۋمەنتىنىڭ جانىندا بەند-مارافون ۇيىمداستىرىلادى. فەستيۆالدىڭ سوڭعى كۇنى بارلىق ۇجىمداردىڭ قاتىسۋىمەن پاراد-كونتسەرت وتەدى. شەرۋ رەسپۋبليكا داڭعىلىمەن اسكەري-تاريحي مۋزەيدەن جاستار سارايىنا دەيىن ءجۇرىپ وتەدى. «استانا سامالى - 2017» فەستيۆالى قالالىق الاڭدا پلاتس-كونتسەرتپەن اياقتالادى.
