2016 جىلعى 4 قازاندا استانادا جاسالعان حاتتامادا ءبىر تاراپتىڭ قۇرامىنا كىرەتىن, بىراق ەكىنشى تاراپتىڭ اۋماعىندا ورنالاسقان تەمىر جولداردىڭ ۋچاسكەلەرىندەگى ستانسالاردى اشۋ جانە جابۋ ءتارتىبى بەلگىلەندى. سونداي-اق, ءبىر تاراپتىڭ اۋماعىنان شىعىپ, ايالداماي ترانزيتپەن كەلەتىن جولاۋشىلار جانە جۇك پويىزدارىن ەكىنشى تاراپتىڭ مەملەكەتتىك شەكاراسى ارقىلى وتكىزۋ ءتارتىبى دە بار.
* * *
پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى رەادميسسيا تۋرالى كەلىسىمدى جانە قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى رەادميسسيا تۋرالى كەلىسىمدى ىسكە اسىرۋ ءتارتىبى تۋرالى اتقارۋ حاتتاماسىن راتيفيكاتسيالاۋ تۋرالى» زاڭ جوباسى قارالدى.
2016 جىلعى 17 قازاندا استانادا جاسالعان كەلىسىم مەن حاتتاما ۋاعدالاسۋشى تاراپتاردىڭ اۋماعىنا زاڭسىز كەلگەن, وندا بولعان نەمەسە تۇرىپ جاتقان قازاقستان مەن قىرعىزستان ازاماتتارى, ءۇشىنشى مەملەكەتتەردىڭ ازاماتتارى نەمەسە ازاماتتىعى جوق ادامدار رەادميسسياسىنىڭ قۇقىقتىق جانە ۇيىمداستىرۋ ماسەلەلەرىن رەتتەيدى.
قۇجاتتاردىڭ ەرەجەلەرى قايتارىلاتىن ادامداردى انىقتاپ, ولاردىڭ رەتتەلگەن جانە قاۋىپسىز ءترانزيتىنىڭ تەتىكتەرىن رەتتەيدى, رەادميسسيا, ترانزيت نەمەسە اڭگىمەلەسۋدى جۇرگىزۋ تۋرالى سۇراۋ سالۋدى جۇزەگە اسىرۋ ءۇشىن قاجەتتى قۇجاتتار تىزبەسىن قامتيدى, ادامداردى بىرگە ءجۇرۋ ارقىلى بەرۋدىڭ شارتتارى مەن ءتارتىبىن ايقىندايدى, دەپ حابارلادى سەناتتىڭ ءباسپاسوز قىزمەتى.
