ولار ۇلتتىڭ بولاشاعىن, كەلەر ۇرپاعىن − ءبىزدى قورعادى. سان تاراپتان سۇقتانعان جاتجۇرتقا اتامەكەننىڭ قارىس قادامىن دا بەرمەي, ۇرپاعىنا ميراس ەتتى», − دەگەن ءسوزىن كەلتىرە وتىرىپ, نازاردى قازاقستاننىڭ سولتۇستىك وڭىرىندەگى, كوكشەتاۋدان 120 شاقىرىم جەردەگى, سولتۇستىك قازاقستان وبلىسىنىڭ ايىرتاۋ اۋدانىنىڭ اۋماعىنداعى ەڭ ءبىر ەڭسەلى ءارى ايباتتى قاراساي مەن اعىنتاي باتىرلارعا ورناتىلعان مەموريالدىق كەشەننىڭ قازىرگى جاعدايىنا اۋدارعىم كەلەدى.
بۇل مەموريالدىق كەسەنە XVII عاسىردا ەسiم حاننىڭ باستاۋىمەن قازاق جەرىن شاپقىنشىلاردان قورعاعان اتاقتى قاراساي مەن اعىنتاي باتىرلار جەرلەنگەن قۇلشىنباي-توبەسiنە 1999 جىلى ەلباسىنىڭ تىكەلەي قامقورلىعىمەن جانە قولداۋىمەن سالىنعان بولاتىن.
قازاقتىڭ قوس باتىرى جەرلەنگەن بيiك توبەدەگى مەموريالدىق كەشەن كوگىلدىر كوكشە تاۋلارىمەن, ەرتەگىدەي كولدەرىمەن جانە ايىرتاۋ دالاسىنىڭ بۇزىلماعان سۇلۋ كەلبەتىمەن كومكەرىلىپ, ۇلى دالاعا ايبات بەرىپ, بابالارىمىزدىڭ ەرلىگى مەن باتىرلىعىن ايداي الەمگە پاش ەتىپ, اسقاقتاپ تۇر. بۇل جەردە جاۋىنگەرلەردiڭ كوپتەگەن مولالارى دا بار. ءالى دە قازبا جۇمىستارى جۇرگىزىلۋدە. بىلتىر كەزەكتi قازبا جۇمىستارى كەزىندە بويى ەكى مەتردەي بولاتىن, اۋىر سەمسەرىمەن بىرگە جەرلەنگەن تاعى ءبىر باتىردىڭ مۇردەسi تابىلدى.
ارحيتەكتۋرالىق جاعىنان قايتالانباس شەبەرلىكپەن سالىنعان بۇل مەموريالدىق كەشەندى كورۋگە جىل سايىن ەلiمiزدiڭ تۇكپiر-تۇكپiرiنەن مىڭداعان ادام, كوپتەگەن شەتەلدiك قوناق كەلەتىن قاسيەتتى ءبىر تۋريستىك ورىنعا اينالىپ وتىر. سول اعىلىپ كەلىپ جاتقان ادامدارعا ارنالىپ, كەسەنەنiڭ جانىنان مەيمانحانا دا سالىنعان بولاتىن. جانە دە كەسەنەگە مەكتەپ وقۋشىلارى, جاس وتاۋ يەلەرi كەلەدi, وسى جەردەن جاستاردى اسكەرگە شىعارىپ سالۋ دا يگى ءبىر داستۇرگە اينالدى.
كەزىندە قاراساي مەن اعىنتاي باتىرلار جايلى تاريحي زەرتتەۋلەر جۇرگىزىپ جانە دە «قاراساي باتىر» قوعامدىق قورىن باسقارىپ, وسى كەسەنە سالۋ جۇمىستارىنىڭ باسى-قاسىندا جۇرگەندىكتەن دە, وسى كەسەنەنىڭ قازىرگى جاعدايىنا بەي جاي قاراي الماس ەدىك. ويتكەنى, قازىرگى ۋاقىتتا وسى مەموريالدىق كەشەننىڭ باتىرلار كەسەنەسىنە جوندەۋ جۇمىستارى قاجەت. كەسەنەدەن سۋ كەتىپ جاتقانىنا دا كوپ بولدى. سونىڭ سالدارىنان ونىڭ كەي جەرلەرىنىڭ كىرپىشتەرى ۇگىتىلىپ, شاشىلۋعا دا اينالدى.
ەلباسىنىڭ باعدارلامالىق ماقالاسىنداعى قاعيداعا سۇيەنە وتىرىپ, قاراساي مەن اعىنتاي باتىرلاردىڭ مەموريالدىق كەسەنەسى الداعى ۋاقىتتا جاسالار «قازاقستاننىڭ قاسيەتتى رۋحاني قۇندىلىقتارى» نەمەسە «قازاقستاننىڭ كيەلى جەرلەرىنىڭ گەوگرافياسى» تىزىمىنە دە ەنگىزىلۋگە ابدەن لايىقتى دەپ سانايمىز.
جابال ەرعاليەۆ,
سەنات دەپۋتاتى
