ءىس-شاراعا گرەكيانىڭ قوعام جانە ساياسي قايراتكەرلەرى, پراۆوسلاۆيە جانە مۇسىلمان دىندەرىنىڭ وكىلدەرى, قازاقستاننىڭ افيناداعى ەلشىلىگى مەن ديپلوماتيالىق كورپۋس وكىلدەرى قاتىستى.
تۇساۋكەسەر بارىسىندا پاكىستاننىڭ گرەكياداعى ەلشىسى ح.ۋ.كايسەر «الەمنىڭ بارلىق دىندەرى, ءبىرىنشى كەزەكتە, بەيبىتشىلىك پەن كەلىسىمدى ساقتاۋعا» باعىتتالعانىن ايرىقشا اتاپ ءوتتى. ءوز سوزىندە ول ء«دىني كوزقاراستار ادامزاتتى بولمەي, قايتا بىرىكتىرۋى قاجەت» ەكەنىن اتاپ كورسەتتى. سونىمەن قاتار, قۇران كارىمنىڭ گرەك تىلىندەگى اۋدارماسى گرەكيا حالقىنا يسلام ءدىنىنىڭ بەيبىتسۇيگىشتىگىمەن تانىسۋعا مۇمكىندىك بەرەتىنى ەرەكشە اتالدى.
ءمالىم بولعانداي, گرەك رەسپۋبليكاسى پراۆوسلاۆيەلىك مەملەكەت, حالقىنىڭ 98 پايىزى پراۆوسلاۆيە ءدىنىن ۇستانادى. ءىس-شاراعا قاتىسقان گرەكيالىق سايا-
ساتكەرلەر مەن گرەك شىركەۋىنىڭ باسشىلارى بۇل ماڭىزدى وقيعا باتىس پەن شىعىس اراسىنداعى مادەنيەتارالىق جانە دىنارالىق ۇنقاتىسۋدى نىعايتىپ قانا قويماي, وركەنيەتتەردىڭ جاقىنداسۋىنا جاعداي تۋعىزاتىنىن تىلدەرىنە تيەك ەتتى.
قازاقستاننىڭ افيناداعى ەلشىلىگى قاسيەتتى قۇراننىڭ گرەك تىلىندەگى نۇسقالارىن قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنە, قازاقستان مۇسىلماندارىنىڭ ءدىني باسقارماسى مەن قازاقستان حالقى اسسامبلەياسىنا جولدايتىن بولادى.
سۋرەتتە: قازاقستاننىڭ گرەكياداعى ەلشىسى الەكسەي ۆولكوۆ قۇران كارىمنىڭ گرەك تىلىندەگى نۇسقاسىن ۇستاپ تۇر
