كەزدەسۋ بارىسىندا ساياسي جانە ساۋدا-ەكونوميكالىق, ونىڭ ىشىندە تۋريزم, مادەنيەت جانە سپورت سالالارىنداعى قازاقستان-تايلاند قارىم-قاتىناستارىنىڭ دامۋ قارقىنى تالقىلاندى. م.ەسەنباەۆ كورولگە تايلاندتا قىزمەت اتقارعان كەزەڭى – 1998-2000 جانە 2013-2017 جىلدارى كورسەتكەن قولداۋى ءۇشىن العىسىن ءبىلدىردى.
تايلاند كورولى ەلشىگە ەكىجاقتى قارىم-قاتىناستاردىڭ دامۋىنا قوسقان ۇلەسى ءۇشىن العىس ايتىپ, قازاقستان مەن تايلاند اراسىنداعى قارىم-قاتىناستاردا قازاقستان پرەزيدەنتى نۇرسۇلتان نازارباەۆتىڭ ءرولى ەرەكشە جوعارى ەكەنىنە نازار اۋداردى.
«قازاقستان مەن تايلاند ەكىجاقتى قاتىناستاردى دامىتۋدا جانە حالىقتار اراسىنداعى دوستىقتى نىعايتۋدا ەلەۋلى پروگرەسكە قول جەتكىزدى. مەن قازاقستان رەسپۋبليكاسىنىڭ پرەزيدەنتى ن.نازارباەۆتى اسا قۇرمەتتەيمىن جانە ونىڭ قازاقستان-تايلاند ىنتىماقتاستىعىن سەرپىندى دامىتۋعا قوسقان ۇلەسى ءۇشىن العىسىمدى بىلدىرەمىن», دەدى كورول.
كەزدەسۋ سوڭىندا تايلاند كورولى قازاقستان پرەزيدەنتىنە ىزگى تىلەكتەرىن جولدادى, ال دوستاس قازاقستان حالقىنا يگىلىك پەن گۇلدەنۋ تىلەدى.
