"قازاگرو" ۇلتتىق باسقارۋشى حولدينگى" اق ديرەكتورلار كەڭەسىنىڭ 02.05.2017 جىلعى شەشىمىنە سايكەس 2017 جىلعى 10 مامىردا گۇلناز اتامقۇلوۆا "قازاگرو" ۇلتتىق باسقارۋشى حولدينگى" اق باسقارما توراعاسىنىڭ ورىنباسارى مىندەتىن اتقارۋعا كىرىستى", - دەلىنگەن حابارلامادا.
اتامقۇلوۆا گۇلناز تورەحانقىزى 1968 جىلعى 9 قىركۇيەكتە الماتى وبلىسىندا تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىن, ت.رىسقۇلوۆ اتىنداعى قازاق مەملەكەتتىك ەكونوميكالىق ۋنيۆەرسيتەتىنىڭ جانىنداعى ەۋرازيا نارىق ينستيتۋتىن "قارجى جانە نەسيە" ماماندىعى بويىنشا, قازاق گۋمانيتارلىق-زاڭ ۋنيۆەرسيتەتىن (مۆا) اياقتاعان.
ەڭبەك قىزمەتىن 1991 جىلى ت.رىسقۇلوۆ اتىنداعى قازاق مەملەكەتتىك ەكونوميكالىق ۋنيۆەرسيتەتىندە وقىتۋشى بولىپ باستادى. ءار ءتۇرلى جىلدارى "ەۋرازيا بانكى" جاق, "ورتالىق-ازيا تراست كومپانياسى" اق جۇمىس ىستەدى. 2007 جىلدان باستاپ "قازاگرو" حولدينگى" اق جۇيەسىندە جۇمىس ىستەيدى.
2007 جىلدىڭ ماۋسىم ايىنان باستاپ "اۋىل شارۋاشىلىعىن قارجىلاي قولداۋ قورى" اق باسقارما توراعاسىنىڭ ورىنباسارى, 2010 جىلدىڭ اقپان ايىنان باستاپ "اۋىل شارۋاشىلىعىن قارجىلاي قولداۋ قورى" اق باسقارما ءتورايىمى, 2014 جىلدىڭ ءساۋىر ايىنان باستاپ "قازاگروقارجى" باسقارما توراعاسىنىڭ ورىنباسارى, سودان كەيىن باسقارما توراعاسىنىڭ م.ا. قىزمەتىن اتقاردى. ال 2015 جىلدىڭ ماۋسىم ايىنان باستاپ "اگرارلىق نەسيە كورپوراتسياسى" اق باسقارما ءتورايىمى لاۋازىمىندا قىزمەت ەتتى.
ايتا كەتەيىك, "قازاگرو" ۇلتتىق باسقارۋشى حولدينگى" اق قۇرامىنا كىرەتىن كومپانيالاردىڭ ينۆەستيتسيالىق اكتيۆتەرىن ءتيىمدى باسقارۋدى قامتاماسىز ەتۋ ارقىلى قازاقستاننىڭ اگروونەركاسىپتىك كەشەنىن دامىتۋ جونىندەگى مەملەكەتتىك ساياساتتى ىسكە اسىرادى. حولدينگتىڭ قۇرامىنا "ازىق-ت ۇلىك كەلىسىم شارت كورپوراتسياسى" ۇلتتىق كومپانياسى" اق, "قازاگروونىم" اق, "قازاگروقارجى" اق, "اگرارلىق نەسيە كورپوراتسياسى" اق, "اۋىل شارۋاشىلىعىن قارجىلاي قولداۋ قورى" اق, "قازاگروكەپىل" اق جانە "قازاگروماركەتينگ" اق كىرەدى.
