م.دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىندە ستۋدەنت جاستار جانە قالا جۇرتشىلىعىمەن كەزدەسۋدە ءبىلىم ورداسىنىڭ رەكتورى ءسابيت ەسمۇراتوۆ ءبىلىم ورداسى عىلىمي كەڭەسىنىڭ شەشىمىمەن «بابالار ىزىمەن» عىلىمي ەكسپەديتسياسىنىڭ جەتەكشىسى ءارى دەمەۋشىسى, مەتسەنات, ساياحاتشى ساپار ىسقاقوۆقا «ۋنيۆەرسيتەتتىڭ قۇرمەتتى پروفەسسورى» اتاعى بەرىلگەنىن ايتىپ, وعان سالتاناتتى تۇردە مانتيا كيگىزدى.
«مۇنداي ازاماتتار ءبىز ءۇشىن ماقتانىش. ساپار ىسقاق ۇلى بۇگىنگە دەيىن الەمنىڭ 165 ەلىن ارالادى. ەلىمىزدە ءتۋريزمنىڭ دامۋىن ناسيحاتتاپ, وعان تىكەلەي ۇلەس قوسىپ كەلەدى. سونىمەن قاتار, ول حالقىمىزدىڭ ونەرىنىڭ ورىستەۋىنە مول ۇلەس قوسىپ, مەتسەناتتىقتىڭ, قايىرىمدىلىق شارالاردىڭ وزىق ۇلگىسىن كورسەتىپ كەلەدى. ساپار اعانىڭ ءار ءىسى بۇگىنگى ستۋدەنتتەرگە تاماشا ۇلگى», دەدى ءسابيت پارىز ۇلى.
ساپار ىسقاق ۇلى ۋنياەرسيتەتتىڭ عىلىمي كەڭەسىنە وزىنە كورسەتكەن قۇرمەت ءۇشىن العىس ءبىلدىردى. وسىدان كەيىن ەكسپەديتسيانىڭ ماقساتى جانە ەلباسى ايتقان رۋحاني جاڭعىرۋ, ءوزىنىڭ ساياحاتتارى تۋرالى تانىمدىق, تاعىلىمدىق اڭگىمە ايتىپ بەردى.
ءنازيرا جارىمبەتوۆا,
«ەگەمەن قازاقستان»
