جالپى, ۇستاز بەن اقپارات قۇرالدارىنا ورتاق قاسيەت – تاربيەلەۋ. ياعني, بۇل ەكەۋىنىڭ دە قوعامداعى ءرولى ۇلكەن. كەزدەسۋدە ەلباسى نۇرسۇلتان نازارباەۆتىڭ جۋىردا جاريالاعان «بولاشاققا باعدار: رۋحاني جاڭعىرۋ» ماقالاسى جونىندە ستۋدەنتتەرگە ءدارىس وقىعان دارحان قىدىرالى وسىنداي وي ايتتى. بۇدان كەيىن ماقالانى تالقىلاۋ, ەركىن پىكىر الماسۋ بولدى. ماقالاداعى ۇلتتىق كود, لاتىن قارپىنە كوشۋ ماسەلەسىنە ستۋدەنتتەر وزدەرىنىڭ ۇسىنىستارىن, كوزقاراستارىن ءبىلدىردى. كوكەيلەرىندەگى سۇراقتارىن قويىپ, وعان جاۋاپتار الدى. كەزدەسۋدى اتالعان وقۋ ورنىنىڭ رەكتورى وڭالباي اياشوۆ جۇرگىزىپ وتىردى.
عالىمجان ەلشىباي,
«ەگەمەن قازاقستان».
