بلىس اكىمى قىرىمبەك كوشەرباەۆ دەلەگاتتارمەن كەزدەسىپ, ولارعا ىنتىماقتاستىقتىڭ ءتيىمدى باعىتتارىن جەتكىزدى جانە جەرگىلىكتى جوبالاردى جۇزەگە اسىرۋدا ساتتىلىك تىلەدى.
«ForteBank قازاقستان مەن ورتالىق ازياداعى ەڭ ءىرى جانە بولاشاعى زور بانكتىڭ ءبىرى بولىپ سانالادى», دەپ اتاپ ءوتتى ايماق باسشىسى.
«بۇگىنگى كۇننىڭ ماڭىزدى شاراسى – بانكتىڭ جاڭا كەڭسەسىنىڭ قۇرىلىسىنىڭ باستالۋى بولىپ وتىر. «Hitech» (جاڭا تەحنولوگيالىق) ستيلدە سالىنىپ جاتقان جوبا تەك بانكتىڭ قىزمەت كورسەتۋ اياسى مەن ساپاسىن عانا جاقسارتىپ قويماي, قالامىزدىڭ ساۋلەتتىك كەلبەتىن ارتتىرا تۇسەتىن بولادى. بىرلەسكەن جوبالار ايماق ەكونوميكاسىنىڭ دامۋىنا وڭ سەرپىن بەرەتىنىنە سەنىم مول», دەدى كوشەرباەۆ.
وسى كۇنى سۇلتان بەيبارىس كوشەسىنىڭ بويىندا بانك عيماراتىنىڭ ىرگەتاسىن قالاۋ ءراسىمى ءوتتى. مەكەمەنىڭ ۇشقاباتتى عيماراتىندا وپەراتسيالىق زال, كاسسا بۇرىشتارى, مۇراعات, شارۋاشىلىق جايلار بولادى. سونىمەن قاتار, مۇمكىندىگى شەكتەۋلى جاندار ءۇشىن ارنايى پاندۋس ورناتىلادى.
