«بۇل كارتاعا مۋلتيمەديالىق قۇرىلىمدار ارقىلى ەلەكتروندى قولجەتىمدىلىك, ياعني, ناۆيگاتسيالىق جۇيە جانە ينتەرنەتپەن نىساننىڭ ورنالاسقان ورنى تۋرالى مالىمەتتى بىلۋگە بولادى, دەدى مينيستر. سونداي-اق ەلىمىزدەگى عاجايىپ تاريحى بار كيەلى جەرلەرگە قازاقستاندىقتاردان گورى شەت ەلدىكتەردىڭ كوبىرەك كەلەتىنىن جاسىرمادى. سوندىقتان قازاقستاننىڭ ساكرالدى كارتاسى الدىمەن وزىمىزگە, ءوز ەلىمىزدى تەرەڭىرەك تانۋ ءۇشىن كەرەك», دەدى مينيستر.
ا.مۇحامەدي ۇلى جولداۋدا ۆەدومستۆا الدىنا ىشكى جانە سىرتقى ءتۋريزمدى جاڭعىرتۋ بويىنشا اۋقىمدى مىندەتتەر قويىلعانىن, سوڭعى 5 جىلدا تۋريزم بويىنشا ىشكى ءونىمنىڭ ءوسىمى 15 پايىزدى قۇراعانىن اتاپ ءوتتى. بۇگىندە بۇل سالادا 530 مىڭ ادام جۇمىسپەن قامتىلىپ وتىر. تۋريستىك سالانى دامىتۋدىڭ 2020 جىلعا دەيىنگى جاڭا تۇجىرىمداماسى ازىرلەندى. بارلىق شارالار مەملەكەت باسشىسىنىڭ قوعامدىق سانانى جاڭعىرتۋ جونىندەگى تاپسىرماسىنا سايكەس جۇزەگە اسىرىلىپ كەلەدى, دەدى مينيستر. سونداي-اق جۋىردا عانا ەلباسى قول قويعان «مادەنيەت تۋرالى» جاڭارتىلعان زاڭنامادا مادەني مۇرانى ساقتاۋ مەن ناسيحاتتاۋعا ارنالعان قارجىلاندىرۋ كوزدەرى اناعۇرلىم ارتقانىن, تەاترلار مەن مۋزەيلەر ءۇشىن مەملەكەتتىك ساتىپ الۋ بارىسى جەڭىلدەتىلگەنىن جەتكىزدى.
جاقىندا ءبىز پرەمەر-مينيستر كەڭسەسىنە 2020 جىلعا دەيىنگى ءتۋريزمدى دامىتۋ تۇجىرىمداماسىن ۇسىنامىز. مۇندا بارلىق قادامدار قامتىلعان. تۋريزمگە ەلىمىزدى جاڭعىرتۋداعى نەگىزگى سالانىڭ ءبىرى رەتىندە باسىمدىق بەرىلگەنى قۋانتادى. بۇل – بۇكىل الەمدە تارتىمدى, تابىسى مول سالا. ەلىمىزدە وتكەن قىسقى ۋنيۆەرسيادا تۋريستەردى تارتۋدى, ەلىمىزدى تانىستىرۋدى كوزدەدى. ۋنيۆەرسيادا كەزىندە الەمدىك سپورت ارنالارى تاۋلىك بويى ەلىمىزدەن حابار تاراتتى. بۇل كەزدە ميللياردتاعان تەلەكورەرمەندەردىڭ نازارى بىزگە اۋدى. قازىر الماتى قالاسىنا, ونداعى قىسقى سپورت تۇرلەرىن دامىتۋعا ەرەكشە ىقىلاس بار. ءتىپتى, قىتاي قۇراماسى دا قىسقى وليمپياداعا قازاقستاندا دايىندالۋعا قىزىعۋشىلىق تانىتىپ وتىر, دەدى مادەنيەت جانە سپورت ءمينيسترى.
دۋمان اناش,
«ەگەمەن قازاقستان»
