بۇل تۋرالى ۇكىمەت ۇيىندە مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋدىڭ بيىلعى 4 ايداعى ارالىق قورىتىندىلارىنا ارنالعان ءباسپاسوز كونفەرەنتسياسىندا دەنساۋلىق ساقتاۋ ءمينيسترى ەلجان ءبىرتانوۆ ايتىپ بەردى.
اتاپ ايتقاندا, دەنساۋلىق ساقتاۋ مينيسترلىگى ەلەكتروندى دەنساۋلىق پاسپورتىن ازىرلەۋ بويىنشا جۇمىس جۇرگىزۋدە, ول تۇرعىلىقتى جانە ەمدەلۋ ورنىنا تاۋەلسىز كەز-كەلگەن جەردەن قولجەتىمدىلىكتى قامتاماسىز ەتە وتىرىپ, دەنساۋلىق تۋرالى ماڭىزدى مالىمەتتەردىڭ بارلىعىن ءومىر بويى ساقتاۋعا مۇمكىندىك بەرەدى.
«2018 جىلدان باستاپ قازاقستان رەسپۋبليكاسى اۋماعىندا ەلەكتروندى دەنساۋلىق پاسپورتىن كەزەڭ-كەزەڭمەن ەنگىزۋ جوسپارلانعان. قازىرگى ۋاقىتتا استانا قالاسىنىڭ № 9 قالالىق ەمحاناسى بازاسىندا شۇعىلدانۋشى دارىگەرلەرمەن بىرگە ەلەكتروندى دەنساۋلىق پاسپورتىن پايدالانۋ بويىنشا پيلوت جۇرگىزىلۋدە», – دەدى مينيستر.
ۆەدومستۆو باسشىسى جۋرناليستەردىڭ سۇراقتارىنا جاۋاپ بەرۋ بارىسىندا بارلىق قاعاز ماسەلەلەرى 2019 جىلعى 1 قاڭتاردان باستاپ جويىلاتىنىن مالىمدەدى.
ەلجان ءبىرتانوۆ بۇگىندە ورتا ەسەپپەن العاندا قازاقستان رەسپۋبليكاسىندا دەنساۋلىق ساقتاۋ ۇيىمدارىنىڭ 38%-ىندا جەرگىلىكتى مەديتسينالىق اقپاراتتىق جۇيەلەر ەنگىزىلگەنىن ايتىپ ءوتتى.
«دەنساۋلىق ساقتاۋ ۇيىمدارىن كومپيۋتەرلىك تەحنيكامەن قامتاماسىز ەتىپ, جەرگىلىكتى مەديتسينالىق اقپاراتتىق جۇيەلەردى ەنگىزۋ ءۇشىن وبلىستار مەن استانا جانە الماتى اكىمدىكتەرىمەن بىرلەسىپ, ءتيىستى ءىت-ينفراقۇرىلىمدى قۇرۋ شارالارى قابىلدانۋدا. مينيسترلىك پەن ءوڭىر اكىمدەرى اراسىندا دەنساۋلىق ساقتاۋ ۇيىمدارىن 2017 جىلى 50%-عا دەيىن جانە 2018 جىلى 100% قاجەتتى كومپيۋتەرلىك تەحنيكامەن قامتاماسىز ەتۋ جونىندە مەموراندۋمدارعا قول قويىلدى. بيىل جەرگىلىكتى بيۋدجەت قاراجاتى ەسەبىنەن 16 مىڭنان استام كومپيۋتەر تەحنيكاسىن ساتىپ الۋ جوسپارلانعان», – دەدى سپيكەر.
