سول جەردە مىندەتتى الەۋمەتتىك مەديتسينالىق ساقتاندىرۋعا قاتىستى بارلىق اقپاراتتى الۋعا بولادى, دەپ حابارلايدى قازاقپارات.
«2017جىلى 1 شىلدەدەن باستاپ قازاقستاندا مىندەتتى الەۋمەتتىك مەديتسينالىق ساقتاندىرۋ (مەمس) جۇيەسى ەنگىزىلەدى. وعان قازاقستاننىڭ ءاربىر ازاماتى قاتىسۋعا مىندەتتى. وسىعان وراي, استاناداعى رەسپۋبليكا داڭعىلى, دوستىق پەن ساتباەۆ كوشەلەرىندە ورنالاسقان حالىققا قىزمەت كورسەتۋ ورتالىقتارىندا جۇمىسپەن قامتۋ ورتالىقتارىنىڭ ماماندارى جۇمىس ىستەپ جاتىر. سول جەردە استانانىڭ تۇرعىندارى مەن قوناقتارى بوس جۇمىس ورىندارى, مەملەكەت تاراپىنان جۇمىسسىزدارعا بەرىلەتىن كومەك, جۇمىسسىز رەتىندە تىركەلۋ جانە تاعى باسقا اقپاراتپەن تانىسا الادى», - دەلىگەن رەسمي حابارلامادا.
ايتا كەتەيىك, اعىمداعى جىلى 1 شىلدەدەن باستاپ قازاقستانداعى بارلىق جۇمىس بەرۋشىلەر جۇمىسشىلار ءۇشىن مىندەتتى الەۋمەتتىك مەديتسينالىق ساقتاندىرۋ قورىنا ارنايى جارنانى اۋداراتىن بولادى. ول اقشادان مەملەكەت تاراپىنان كەپىلدىك بەرىلمەگەن مەديتسينالىق قىزمەتتەردىڭ شىعىنى وتەلەدى. ال جۇمىسسىزدار, زەينەتكەرلەر, مۇگەدەكتەرمەن بالا كۇتىمىمەن وتىرعان ايەلدەر ءۇشىن ارنايى جارنا بيۋدجەتتەن اۋدارىلادى.
