شارانىڭ رەسمي بولىمىنەن كەيىن ورتالىق تاربيەلەنۋشىلەرى ءۇشىن ەسىل وزەنىمەن تەپلوحودپەن سەرۋەن ۇيىمداستىرىلدى.
«ەسىل-استانا» كاسىپورنى ماماندارىنىڭ ايتۋىنشا, بيىل ەلوردادا توعىزىنشى ناۆيگاتسيالىق ماۋسىم اشىلىپ وتىر. ءوز قىزمەتىنىڭ بارىسىندا سەرۋەن-ەكسكۋرسيالىق قىزمەتتەر جالپى سىيىمدىلىعى 125 ادام بولاتىن ءۇش جولاۋشى كەمەسىمەن ىسكە اسىرىلاتىن, سونداي-اق, 250 ات كۇشىنە تەڭ بۋكسير كاتەر جانە ءبىر قۇتقارۋشى كاتەر بولعان. فلوت قۇرامىندا بارلىعى بەس دانا تەحنيكا بار ەدى.
قازىرگى ۋاقىتتا استانا قالاسىنىڭ وزەن فلوتىنە 14 كەمە كىرەدى, سونىڭ التاۋى جالپى سىيىمدىلىعى 265 ادام بولاتىن 6 جولاۋشىلار كەمەسى جانە 9 تەحنيكالىق كەمە, سونىڭ بىرەۋى وزەندى پاترۋلدەۋگە ارنالعان موتور قايىق. سۋ جولدارىن ءجۇزۋ قۇرالدارىنىڭ قاۋىپسىز ءوتۋىن قامتاماسىز ەتەتىن جاعدايدا ۇستاۋ ماقساتىندا جىل سايىن كاسىپورىن ناۆيگاتسيالىق بەلگىلەر ورناتىپ, سۋ ءتۇبىن زەرتتەۋ جۇمىستارىن جۇرگىزەدى.
ەسىل وزەنىمەن كەمە قاتىناسى مەملەكەت باسشىسى ۇسىنعان باستامانىڭ ارقاسىندا مۇمكىن بولدى. ول ەلوردانى دامىتۋدىڭ باس جوسپارىن تۇزەتۋ بارىسىندا ەسىل وزەنىن كولىكتىك ماقساتتاردا پايدالانۋ مۇمكىندىكتەرىن قاراستىرۋدى ۇسىنعان بولاتىن, دەيدى شارانىڭ ۇيىمداستىرۋشىلارى. وسى ورايدا 2008 جىلى «ەسىل-استانا» مەملەكەتتىك كوممۋنالدىق قازىناشىلىق كاسىپورنى قۇرىلىپ, قاجەت شتاتى, قىزمەتى جانە قىزمەت كورسەتۋشى قىزمەتكەرلەرى جاساقتالدى. كاسىپورىن قىزمەتى حالىققا سەرۆيستىك-مادەني قىزمەتتەر كورسەتۋگە جانە ەسىل وزەنىندە جول سالۋ جۇمىستارىن جۇرگىزۋگە باعىتتالعان.
2015 جىلدىڭ ماۋسىم ايىنان باستاپ ەسىل وزەنىنىڭ استانا قالاسىنىڭ اكىمشىلىك-اۋماقتىق شەكاراسى شەگىندە قازاقستان رەسپۋبليكاسىنىڭ كەمە قاتىناسى جولدارىنىڭ كاتەگورياسىنا رەسمي تۇردە ەنگىزىلدى. ەسىل وزەنىندەگى كەمە قاتىناسى ەلوردا ءۇشىن دە, جالپى ەلىمىز ءۇشىن يميدجدىك جوبا سانالادى. ەسىل وزەنىنىڭ اكۆاتورياسىمەن تەپلوحودپەن جولاۋشى تاسىمالداۋ مادەنيەت پەن دەمالىس مۇمكىندىكتەرى تۇرعىسىنان ەلوردانىڭ تارتىمدىلىعىن ارتتىرا تۇسەدى.
اتاپ وتەرلىگى, ەكسكۋرسيالىق-سەرۋەن قىزمەتتەرىنە تاريفتەر سوڭعى بىرنەشە جىل بويى وزگەرمەي كەلەدى جانە ەرەسەك جولاۋشىلارعا 1000 تەنگە, 7-16 جاس ارالىعىنداعى بالالارعا 500 تەڭگەنى قۇرايدى.
