2016 جىلى مەملەكەتتىك سەكتور قىزمەتكەرلەرىنىڭ جالاقىسىنا بولىنگەن قاراجات 18 پايىزعا ءوسىپ, 1,30 تريلليون تەڭگە بولعان. ال بيىل بيۋدجەتتەن 1,32 تريلليون تەڭگە بولىنبەكشى. ونىڭ 1,2 تريلليون تەڭگەسى – ەڭبەكاقى, 112 ميلليارد تەڭگە – وتەماقىلىق تولەمدەر, 7 ميلليارد تەڭگە قوسىمشا اقشالاي تولەمدەر مەن 242 ميلليون تەڭگە مىندەتتەلگەن زەينەتاقى جارناسى.
ساراپشىلاردىڭ مالىمەتىنشە, جالپى قورداعى قاراجاتتىڭ 22 پايىزى مەملەكەتتىك سەكتوردىڭ ۇلەسى. ياعني, ونىڭ شامامەن 12,4 ميلليارد تەڭگەسى (0,9 پايىزى) مەملەكەتتىك باسقارماداعى قىزمەتكەرلەرگە تيەسىلى.
بۇگىندە ەلىمىزدە 98 900 مەملەكەتتىك قىزمەتكەر بار, ولاردىڭ 53 000-ى ورتالىق ورگانداردا جۇمىس ىستەسە, 46 000-ى جەرگىلىكتى اتقارۋشى ورگاندارداعى مەملەكەتتىك قىزمەتكەرلەر.
الايدا مەمقىزمەتكەرلەردىڭ جالاقىسىنىڭ ءوسۋى سالىق جانە باسقا دا اۋدارىمداردىڭ 25 پايىزعا وسۋىنە اسەر ەتىپ وتىر. وسىلايشا, مەملەكەتتىك سەكتور 2017 جىلى قازىناداعى قاراجاتتى 9 پايىزعا كوبەيتىپ, 110,8 ميلليارد تەڭگەگە جەتەدى.
