نەمات كەلىمبەتوۆتىڭ ء«ۇمىت ۇزگىم كەلمەيدى» تۋىندىسى الەمنىڭ 19 تىلىنە اۋدارىلعان, ونىڭ ىشىندە ۆەنگر ءتىلى دە بار. بۇل كىتاپ ەۋروپاداعى ەڭ بەدەلدى ادەبي سىيلىقتاردىڭ ءبىرى - فرانتس كافكا جۇلدەسىن جەڭىپ العان. شىعارما ء«ۇمىت ۇزگىم كەلمەيدى» پوۆەست-مونولوگىنان جانە قازاقتاردىڭ ارعى باتىر بابالارى - ساقتار, عۇندار جانە ەجەلگى تۇركىلەردىڭ وبرازى كورىنىس تاپقان « ۇلىما حات» ەسسەسىنەن قۇرالعان.
نەمات كەلىمبەتوۆتىڭ كىتابىنا پىكىر جازعان ۆەنگريا مەملەكەتتىك جينالىس (پارلامەنت) توراعاسىنىڭ ورىنباسارى شاندور لەجاك جالپىالەمدىك وركەنيەت كونتەكسىندە جاڭا مادەني باعىتتاردى ءسىڭىرىپ, دامىتىپ كەلە جاتقان قازاقستاننىڭ مادەني مۇراسىن جوعارى باعالايتىنىن ءمالىم ەتتى.
ۇلتتىق كىتاپحانانىڭ ديرەكتورى, شىعىستانۋشى لاسلو تيۋشكە قازاقستاننىڭ مادەني مۇراعا باي ەكەنىن باسا ايتتى. سونداي-اق, ول ورحون-ەنيسەيدەگى جازبا ەسكەرتكىشتەرىنىڭ تۇركى تايپالارىنىڭ ءسوز ونەرىنىڭ شىعارماشىلىق كۇشىمەن, وي تەرەڭدىگىمەن جانە باي مازمۇنىمەن ەرەكشە بولۋىنىڭ دالەلى ەكەنىن ەرەكشە اتاپ ءوتتى.
ۆەنگرياداعى قازاقستان ەلشىسى نۇرباق رۇستەموۆ تىعىز مادەني-گۋمانيتارلىق بايلانىستاردىڭ ارقاسىندا قازاقستان مەن ۆەنگريا اراسىنداعى قارىم-قاتىناستاردىڭ ىنتىماقتاستىقتىڭ ستراتەگيالىق دەڭگەيىنە جەتكەنىن مالىمدەدى.
شارا سوڭىندا ديورد بورونكاي اتىنداعى ۆەنگريالىق گيمنازيا وقۋشىسى بوگلاركا فەحەر قوبىزبەن قازاق دالاسىنىڭ اۋەنىن تارتىپ بەردى.
