پارلامەنتشىلەردىڭ G7/20 كونفەرەنتسياسىنا 40-تان استام ەلدىڭ دەپۋتاتتارى مەن حالىقارالىق ۇيىمداردىڭ وكىلدەرى جانە ساراپشىلارى قاتىستى. فورۋم كوشى-قون مەن گەندەرلىك تەڭدىك ماسەلەسىنە ارنالدى.
كونفەرەنتسيا بارىسىندا گ.يسيمباەۆا «كوشى-قون, قاۋىپسىزدىك» اتتى تاقىرىپتا ءسوز سويلەدى. ول ءوز سوزىندە الەمدەگى كوشى-قون ساياساتىن جەتىلدىرۋ, بوسقىن ايەلدەر مەن بالالاردىڭ قۇقىعىن زاڭنامامەن قامتاماسىز ەتۋ ماسەلەلەرىن كوتەردى. پارلامەنتشى شاراعا قاتىسۋشىلاردى قازاقستانداعى كونستيتۋتسيالىق رەفورمالار مەن ولاردىڭ ەلدەگى دەموكراتيانى نىعايتۋ باعىتىندا جۇرگىزىلىپ جاتقان جۇمىستارىنان حاباردار ەتتى.
سونىمەن قاتار, گ.يسيمباەۆا يتاليا پارلامەنتى دەپۋتاتتار پالاتاسىنىڭ ۆيتسە-سپيكەرى ر.دجاكەتتيمەن جانە «يتاليا-قازاقستان» دوستىق توبىنىڭ مۇشەلەرىمەن جۇزدەستى. كەزدەسۋ بارىسىندا تاراپتار قازاقستان مەن يتاليا اراسىنداعى ءوزارا قارىم-قاتىناستىڭ وزەكتى ماسەلەلەرى بويىنشا پىكىر الماستى. ءماجىلىس توراعاسىنىڭ ورىنباسارى پارلامەنتارالىق بايلانىستاردى دامىتۋدىڭ ماڭىزىنا, زاڭ شىعارۋ ىسىندە تاجىريبە الماسۋ ماسەلەسىنە جانە ءوزارا ىنتىماقتاستىق توپتارىنىڭ قىزمەتىن بەلسەندى ەتە ءتۇسۋ جولدارىنا توقتالدى.
ر.دجاكەتتي ءوز كەزەگىندە قازاقستان مەن يتاليا اراسىنداعى ەكىجاقتى قاتىناستاردىڭ ستراتەگيالىق سەرىكتەستىك پەن كونسترۋكتيۆتى ۇندەسۋ جولىمەن وركەندەي بەرەتىنىنە سەنىم ءبىلدىردى.
يتاليالىق پارلامەنتشىلەر قازاقستانداعى كونستيتۋتسيالىق رەفورمالار جايىندا بىلە تۇسۋگە مۇددەلىلىك تانىتتى. ءماجىلىس توراعاسىنىڭ ورىنباسارى پرەزيدەنتتىك باسقارۋ فورماسىن ساقتاي وتىرىپ, بيلىك تارماقتارى اراسىندا وكىلەتتىلىكتەردى قايتا ءبولۋدىڭ نەگىزگى ماسەلەلەرى جايىندا تولىق ماعلۇمات بەردى.
جۇزدەسۋ سوڭىندا گ.يسيمباەۆا يتاليالىق ارىپتەستەرىن ەكسپو-2017 حالىقارالىق كورمەسىنە شاقىردى.
سونىمەن قاتار, قازاقستان رەسپۋبليكاسى پارلامەنتى ءماجىلىسى توراعاسىنىڭ ورىنباسارى گۇلميرا يسيمباەۆا ازيا پارلامەنتشىلەرىنىڭ حالىقتىڭ قونىستانۋى مەن دامۋى جونىندەگى فورۋمى (حقداپف) اتقارۋشى كوميتەتىنىڭ 82-ءشى وتىرىسىنا قاتىستى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.
