2011 جىلعى 7 ماۋسىم, استانا قالاسى
«اۋەجايلار مەن اەروناۆيگاتسيانىڭ رەتتەلىپ كورسەتىلەتىن قىزمەتتەرىنىڭ تاريفتەرىنە (باعالارىنا, الىم ستاۆكالارىنا) ۋاقىتشا تومەندەتۋ كوەففيتسيەنتتەرىن بەكىتۋ ەرەجەسى تۋرالى» قازاقستان رەسپۋبليكاسى تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى اگەنتتىگى توراعاسىنىڭ 2003 جىلعى 5 قاراشاداعى № 263-نق بۇيرىعىنا وزگەرىستەر ەنگىزۋ تۋرالى
«تابيعي مونوپوليالار جانە رەتتەلەتىن نارىقتار تۋرالى» قازاقستان رەسپۋبليكاسى زاڭىنىڭ 14-1-بابى 1-تارماعىنىڭ 5) تارماقشاسىنا سايكەس بۇيىرامىن:
1. «اۋەجايلار مەن اەروناۆيگاتسيانىڭ رەتتەلىپ كورسەتىلەتىن قىزمەتتەرىنىڭ تاريفتەرىنە (باعالارىنا, الىم ستاۆكالارىنا) ۋاقىتشا تومەندەتۋ كوەففيتسيەنتتەرىن بەكىتۋ ەرەجەسى تۋرالى» قازاقستان رەسپۋبليكاسى تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى اگەنتتىگى توراعاسىنىڭ 2003 جىلعى 5 قاراشاداعى № 263-نق بۇيرىعىنا (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 2599 نومىرمەن تىركەلگەن) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن «اۋەجايلار مەن اەروناۆيگاتسيانىڭ رەتتەلىپ كورسەتىلەتىن قىزمەتتەرىنىڭ تاريفتەرىنە (باعالارىنا, الىم ستاۆكالارىنا) ۋاقىتشا تومەندەتۋ كوەففيتسيەنتتەرىن بەكىتۋ ەرەجەسىندە:
3-تارماق مىناداي رەداكتسيادا جازىلسىن:
«3. وسى ەرەجەدە مىناداي ۇعىمدار قولدانىلادى:
اۋە كەمەلەرىن پايدالانۋشى – اۋە كەمەلەرىن پايدالانۋمەن اينالىساتىن نەمەسە وزدەرىنىڭ وسى سالاداعى قىزمەتتەرىن ۇسىناتىن, اۋەجايلار مەن اەروناۆيگاتسيانىڭ رەتتەلىپ كورسەتىلەتىن قىزمەتتەرىن پايدالانۋشى زاڭدى نەمەسە جەكە تۇلعا;
اۋە كەمەسىنە تيەۋ كوەففيتسيەنتى – اۋە كەمەسىندەگى وتىرعىزۋ ورىندارىنىڭ سانىنا تاسىمالداناتىن جولاۋشىلاردىڭ سانىنىڭ قاتىناسى;
قۇزىرەتتى ورگان – ءوز قۇزىرەتiنiڭ شەگىندە قازاقستان رەسپۋبليكاسىنىڭ ازاماتتىق اۆياتسيا قىزمەتىن جانە اۋە كەڭiستiگiن پايدالانۋدى ۇيلەستىرۋ مەن رەتتەۋدi جۇزەگە اسىراتىن مەملەكەتتiك ورگان;
مەرزiمi وتكەن كرەديتورلىق بەرەشەك – تولەم مەرزiمدەرi تۋرالى شارتقا سايكەس اۋە كەمەلەرiن پايدالانۋشىنىڭ اۋەجاي نەمەسە اەروناۆيگاتسيالىق ۇيىمى الدىنداعى قارجىلىق مiندەتتەمەلەرiنiڭ, اقشالاي قارىزدارىنىڭ بەلگىلەنگەن مەرزiمدە اتقارىلماعان سوماسى;
وتەۋ كەستەسi – اۋە كەمەلەرiن پايدالانۋشىنىڭ, اۋەجايدىڭ نەمەسە اەروناۆيگاتسيالىق ۇيىمنىڭ بiرiنشi باسشىسىنىڭ قولىمەن راستالعان, اۋەجايدىڭ نەمەسە اەروناۆيگاتسيالىق ۇيىمنىڭ الدىندا اۋە كەمەلەرiن پايدالانۋشىنىڭ مەرزiمi وتكەن كرەديتورلىق بەرەشەگiن وتەۋ كەستەسi;
ءوتىنىش بەرۋشى – ۋاقىتشا تومەندەتۋ كوەففيتسيەنتىن بەكىتۋگە ءوتىنىمدى ۇسىنعان اۋە كەمەسىن پايدالانۋشى, اۋەجاي نەمەسە اەروناۆيگاتسيا ۇيىمى;
تابيعي مونوپوليا سۋبەكتىسىنىڭ رەتتەلىپ كورسەتىلەتىن قىزمەتتەرى (تاۋارلارى, جۇمىستارى) – تابيعي مونوپوليا سالاسىنداعى تابيعي مونوپوليا سۋبەكتىسى ۇسىناتىن جانە كورسەتىلەتىن قىزمەتتەردى (تاۋارلاردى, جۇمىستاردى) تۇتىنۋشىعا بەلگىلى ءبىر تاۋار بەرۋ تۇرىندە ۇسىنۋ جاعدايلارىن قوسا العاندا, ۋاكىلەتتى ورگاننىڭ مەملەكەتتىك رەتتەۋىنە جاتاتىن كورسەتىلەتىن قىزمەتتەر (تاۋارلار, جۇمىستار);
ۋاقىتشا تومەندەتۋ كوەففيتسيەنتى – تۇتىنۋشىلار مەن تابيعي مونوپوليا سۋبەكتىسىنىڭ مۇددەلەرىن قورعاۋ ماقساتىندا ۋاكىلەتتى ورگان بەلگىلەگەن جانە تاريفكە (باعاعا, الىم ستاۆكاسىنا) قولدانىلاتىن شاما;
ۋاكىلەتتى ورگان – تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن مەملەكەتتىك ورگان;
شارتتى-اۋىسپالى شىعىندار – رەتتەلىپ كورسەتىلەتىن قىزمەتتەر كولەمىنە تاۋەلدى رەتتەلەتىن قىزمەتتەر ۇسىنۋعا بايلانىستى سۋبەكتىنىڭ شىعىندارى.
وسى ەرەجەدە پايدالانىلاتىن وزگە دە ۇعىمدار مەن تەرميندەر قازاقستان رەسپۋبليكاسىنىڭ تابيعي مونوپوليالار جانە رەتتەلەتىن نارىقتار تۋرالى قولدانىستاعى زاڭناماسىنا سايكەس قولدانىلادى.»;
5-تارماقتىڭ 3) تارماقشاسى مىناداي مازمۇندا جازىلسىن:
«3) وسى تارماقتىڭ 2) تارماقشاسىندا كوزدەلگەن ولشەمگە جاتقىزىلعان, سۋبسيديالاناتىن اۆياكومپانيانى قوسپاعاندا, اۋە كەمەسىن تيەۋ كوەففيتسيەنتى 0,5-تەن كەم قۇرايدى.»;
8-تارماق مىناداي مازمۇندا جازىلسىن:
«8. وسى ەرەجەنىڭ 5-تارماعىنىڭ 3) تارماقشاسىنا سايكەس ۋاقىتشا تومەندەتۋ كوەففيتسيەنتتەرى ۇسىنىلاتىن جاعدايدى قوسپاعاندا, اۋە كەمەلەرiن پايدالانۋشى ءۇشiن ۋاقىتشا تومەندەتۋ كوەففيتسيەنتتەرiن بەكىتۋ اۋەجايدىڭ جانە (نەمەسە) اەروناۆيگاتسيالىق ۇيىمنىڭ الدىندا قىزمەتتەرگە اقى تولەۋ بويىنشا مەرزiمi وتكەن كرەديتورلىق بەرەشەگi بولماعان جاعدايدا نەمەسە كرەديتورلىق بەرەشەگiن وتەۋ كەستەسiنە سايكەس وتەگەن جاعدايدا جۇرگiزiلەدi.».
2. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى تەمىر جول كولىگى, ازاماتتىق اۆياتسيا جانە پورتتار سالاسىنداعى رەتتەۋ دەپارتامەنتى (گ.ق. ىبىراەۆا) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەۋدى قامتاماسىز ەتسىن.
3. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ اكىمشىلىك جۇمىسى دەپارتامەنتى (ر.ە.سۇلەيمەنوۆا) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن:
1) ونى بەلگىلەنگەن تارتىپپەن بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن جانە زاڭ دەپارتامەنتىنە (م.ش.مۋكۋشەۆا) جاريالانعانى تۋرالى حابارلاسىن;
2) ونى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ قۇرىلىمدىق بولىمشەلەرى مەن اۋماقتىق ورگاندارىنىڭ, قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ, «استانا حالىقارالىق اۋەجايى» اكتسيونەرلىك قوعامىنىڭ, «الماتى حالىقارالىق اۋەجايى» اكتسيونەرلىك قوعامىنىڭ, «اتىراۋ حالىقارالىق اۋەجايى» اكتسيونەرلىك قوعامىنىڭ, «اقتاۋ حالىقارالىق اۋەجايى» اكتسيونەرلىك قوعامىنىڭ, «سارى - ارقا حالىقارالىق اۋەجايى» اكتسيونەرلىك قوعامىنىڭ جانە «قازاەروناۆيگاتسيا» رەسپۋبليكالىق مەملەكەتتىك كاسىپورنىنىڭ نازارىنا جەتكىزسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى ق.م. سماعۇلوۆقا جۇكتەلسىن.
5. وسى بۇيرىق العاش رەت رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
توراعا ن.الدابەرگەنوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 2 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7053 بولىپ ەنگىزىلدى.
